Āmoho 9:14 - Paipera Tapu 2012

¹⁴ Ka whakahokia mai anō e ahau tāku iwi, a Īharaira, i te whakarau, ā, ka hangā e rātou ngā pā kua ururuatia, nohoia iho; ka whakatō māra wāina anō rātou, ka inu i te wāina o aua māra; ka mahi kāri anō rātou, ā, ka kai i ngā hua o reira.

Te Paipera Tapu 1952

¹⁴ Ka whakahokia mai ano e ahau taku iwi, a Iharaira, i te whakarau, a ka hanga e ratou nga pa kua ururuatia, nohoia iho; ka whakato mara waina ano ratou, ka inu i te waina o aua mara: ka mahi kari ano ratou, a ka kai i nga hua o reira.

Āmoho 9:14 Iomraidhean Croise

Waiata 107:37

hei rui māra, hei whakatō māra wāina, e tupu ai, e maha ai ngā hua.

Waiata 53:6

Auē, me i puta mai te whakaoranga o Īharaira i Hiona! Kia whakahokia mai e te Atua tāna iwi i te whakarau, ka whakamanamana a Hākopa, ka hari a Īharaira.

Ihāia 60:4

“Kia ara ōu kanohi i tētahi taha, i tētahi taha, titiro atu hoki; kei te huihui rātou katoa, e haere mai ana ki a koe; ka haere mai āu tama i tawhiti, ka hikitia hoki āu tamāhine ki ngā ringa.

Ihāia 61:4

Ka hangā anō e rātou ngā wāhi kua ururuatia noatia ake, ka ara i a rātou ngā wāhi kua kore rawa i mua, ka whakahoutia e rātou ngā pā kua ururuatia, ngā mea kua kore i ērā whakatupuranga noa atu.

Ihāia 65:21

Ka hanga whare anō rātou, nohoia iho; ka whakatōkia he māra wāina, ka kainga anō ngā hua.

Heremaia 12:15

Ā tēnei ake, kua mutu tāku huhuti atu i a rātou, ka hoki ahau, ka aroha ki a rātou, ka whakahoki anō i a rātou ki tōna wāhi, ki tōna wāhi, ki tōna whenua, ki tōna whenua.

Heremaia 16:15

engari, ‘E ora ana a Ihowā nāna nei i kawe mai ngā tama a Īharaira i te whenua ki te raki, i ngā whenua katoa anō i peia atu ai rātou e ia.’ Ā, ka whakahokia mai rātou e ahau ki tō rātou whenua i hoatu rā e ahau ki ō rātou mātua.

Heremaia 23:8

engari, ‘E ora ana a Ihowā nāna nei i kawe mai, nāna nei i ārahi mai ngā uri o te whare o Īharaira i te whenua ki te raki, i ngā whenua katoa anō i peia atu ai rātou e ahau.’ Ā, ka noho rātou ki tō rātou oneone.”

Heremaia 24:6

Ka whakamau tonu atu hoki ōku kanohi ki a rātou mō te pai, ā, ka whakahokia mai anō rātou e ahau ki tēnei whenua. Ka hangā anō rātou e ahau, e kore hoki e wāhia iho; ka whakatōkia rātou e ahau, e kore anō e hūtia atu.

Heremaia 29:14

Ā, ka kitea ahau e koutou,” e ai tā Ihowā, “ā, whakahokia hoki e ahau tō koutou whakaraunga, ā, ka kohikohia koutou e ahau i roto i ngā iwi katoa, i ngā wāhi katoa i peia atu ai koutou e ahau, e ai tā Ihowā; ā, ka whakahokia mai koutou e ahau ki te wāhi i whakaraua atu ai koutou e ahau.”

Heremaia 30:18

Ko te kupu tēnei a Ihowā: “Nanā, ka whakahokia mai e ahau i te whakarau ngā tēneti o Hākopa, ka aroha ki ōna nohoanga; ā, ka hangā te pā ki runga ki tōna pūranga anō, ka whakapūmautia anō ngā tikanga o te whare kīngi.

Heremaia 30:3

Tēnei ake hoki ngā rā,” e ai tā Ihowā, “e whakahokia mai ai e ahau tāku iwi, a Īharaira rāua ko Hūrā, i te whakarau,” e ai tā Ihowā; “ā, ka whakahokia mai rātou e ahau ki te whenua i hoatu e ahau ki ō rātou mātua, ā, ka riro a reira i a rātou.”

Heremaia 31:23

Ko te kupu tēnei a Ihowā o ngā mano, a te Atua o Īharaira: “Tēnei ake ka kōrerotia anō tēnei kupu ki te whenua o Hūrā, ki ōna pā hoki, ina whakahokia mai rātou e ahau i te whakarau: ‘Kia manaaki a Ihowā i a koe, e te nohoanga o te tika, e te maunga o te tapu!’

Heremaia 31:28

Nā, ka pērā i ahau i tiaki ai i a rātou i mua, he mea kia hūtia ake, kia wāhia iho, kia turakina ki raro, kia whakangaromia, kia tūkinotia; ka pērā anō tāku tiaki i a rātou, he mea kia hangā, kia whakatōkia,” e ai tā Ihowā.

Heremaia 31:5

Tērā koe e whakatō anō he māra wāina ki runga ki ngā maunga o Hamaria. Ka whakatō ngā kaiwhakatō, ā, ka kai i ōna hua.

Heremaia 32:15

Ko te kupu hoki tēnei a Ihowā o ngā mano, a te Atua o Īharaira: Tērā ngā whare, ngā māra, me ngā māra wāina ka hokohokona anō ā muri nei ki tēnei whenua.’ ”

Heremaia 32:37

Nanā, ka kohikohia mai rātou e ahau i ngā whenua katoa i peia atu nei rātou e ahau ki reira, i tōku riri, i tōku weriweri, i te āritarita nui; ka whakahokia mai anō rātou e ahau ki tēnei wāhi, ā, ka meinga kia noho hūmārie.

Heremaia 33:11

te reo o te koa, te reo o te hari, te reo o te tāne mārena hōu me te reo o te wahine mārena hou, te reo hoki o te hunga e kī ana: “Whakawhetai ki a Ihowā o ngā mano, he pai hoki a Ihowā, he mau tonu anō tāna mahi tohu; o te hunga hoki e kawe mai ana i ngā whakahere whakawhetai ki roto ki te whare o Ihowā.” Nō te mea ka whakahokia mai anō e ahau te whenua i te whakarau, ka rite anō ki tō te tīmatanga,’ e ai tā Ihowā.

Heremaia 33:7

Ka whakahokia mai anō e ahau a Hūrā i te whakarau, a Īharaira hoki i te whakarau, ā, ka hangā rātou e ahau, koia anō kei tō te tīmatanga.

Ehekiera 16:53

“Nā, ka whakahokia rāua e ahau i te whakarau, a Horoma, me āna tamāhine i te whakarau, a Hamaria me āna tamāhine i te whakarau, ko ōu whakarau i te whakarau, i roto i a rātou.

Ehekiera 28:26

Ka noho anō rātou ki reira, tē ai he wehi; āe rā, ka hanga whare anō rātou, ka whakatō māra wāina, ka āta noho anō hoki, ina mahia e ahau he whakawā ki te hunga katoa i whakahāwea ki a rātou i tētahi taha o rātou, i tētahi taha; ā, ka mōhio rātou ko Ihowā ahau, ko tō rātou Atua.”

Ehekiera 37:21

Ā, ka mea atu koe ki a rātou, Ko te kupu tēnei a te Ariki, a Ihowā: Nanā, ka tangohia e ahau ngā tama a Īharaira i roto i ngā iwi i haere atu nei rātou, ka kohikohia i tētahi taha, i tētahi taha, ka kawea ki tō rātou oneone.

Ehekiera 39:25

“Mō reira ko te kupu tēnei a te Ariki, a Ihowā: Ka whakahokia mai e ahau āianei a Hākopa i te whakarau, ka aroha ahau ki te whare katoa o Īharaira; ka hae hoki ahau, he whakaaro ki tōku ingoa tapu.

Āmoho 5:11

Nā, i te mea he takahi tā koutou i te ware, he tango i te takoha wīti i a ia; he whare kōhatu tārai tā koutou i hanga ai, nā, e kore e nohoia e koutou; he māra wāina e minaminatia ana tā koutou i whakatō ai, otiia e kore te wāina o aua māra e inumia e koutou.

Tepania 1:13

Nā, hei mea pārau ō rātou rawa; ō rātou whare hei ururua. Āe rā, ka hanga whare rātou; ā, e kore e nohoia e rātou; ka whakatō i te māra wāina, otiia e kore e inu i te wāina.”

Tepania 2:7

Ka waiho anō te tahatika mō ngā toenga o te whare o Hūrā, ka whāngaia e rātou ā rātou hipi ki reira. Ka takoto i te ahiahi i roto i ngā whare o Ahakerono; nō te mea ka tirotirohia rātou e Ihowā, e tō rātou Atua, ā, ka whakahokia mai e ia i te whakarau.