Āmoho 9:13 - Paipera Tapu 2012

¹³ “Nanā, kei te haere mai ngā rā,” e ai tā Ihowā, “e mau ai te kaikokoti i te kaiparau, e mau ai hoki te kaiwhakatō purapura i te kaitakahi karepe; ka māturuturu anō te wāina hou o ngā maunga, ā, ka rewa ngā pukepuke katoa.

Te Paipera Tapu 1952

¹³ Nana, kei te haere mai nga ra, e ai ta Ihowa, e mau ai te kaikokoti i te kaiparau, e mau ai hoki te kaiwhakato purapura i te kaitakahi karepe; ka maturuturu ano te waina hou o nga maunga, a ka rewa nga pukepuke katoa.

Āmoho 9:13 Iomraidhean Croise

Kenehi 49:11

Ka herea e ia tana kūao ki te wāina, te tama hoki a tana kāihe ki te wāina pai rawa; ka horoia e ia ōna kākahu ki te wāina, ōna weruweru hoki ki te toto o te karepe.

Waiata 97:5

Rewa noa ngā maunga, ānō he ware pī, i te aroaro o Ihowā, i te aroaro o te Ariki o te whenua katoa.

Ihāia 16:10

Kua tangohia atu te hari, me te koa i te māra mōmona; kāhore hoki he waiata i ngā māra wāina, kāhore he iere harakoa; e kore ngā kaitakahi e takahi wāina i ā rātou poka wāina; kua whakamutua e ahau te hāmama o te mahinga wāina.

Ihāia 55:13

He tātarāmoa i mua, ka puta ake he kauri; he tūmatakuru i mua, ka puta ake he ramarama; ā, ka waiho hei ingoa ki a Ihowā, hei tohu mō ā mua tonu atu, e kore e motuhia.”

Ehekiera 28:26

Ka noho anō rātou ki reira, tē ai he wehi; āe rā, ka hanga whare anō rātou, ka whakatō māra wāina, ka āta noho anō hoki, ina mahia e ahau he whakawā ki te hunga katoa i whakahāwea ki a rātou i tētahi taha o rātou, i tētahi taha; ā, ka mōhio rātou ko Ihowā ahau, ko tō rātou Atua.”

Ehekiera 36:35

Ā, ka kōrerotia, ‘Ko tēnei whenua i takoto kau rā, kua rite ki te kāri o Erene. Nā, ko ngā pā kua ururuatia, ko ērā i takoto kau rā, ko ngā mea pakaru, kua oti te taiepa, e nohoia ana.’

Hoera 2:24

Ā, ka kapi ngā patunga wīti i te wīti; ko te wāina anō me te hinu o ngā waka, pūrena tonu.

Hoera 3:18

“I taua rā ka māturuturu iho te wāina hou o ngā maunga, ka rerengia ngā pukepuke e te waiū, ka rere ngā wai o ngā awa katoa o Hūrā; ā, ka pupū mai he puna i roto i te whare o Ihowā, hei whakamākūkū i te raorao o Hitimi.

Hoera 3:20

Ka noho tonu ia a Hūrā ake ake, a Hiruhārama, a tērā whakatupuranga, tērā whakatupuranga.

Rewitikuha 26:5

Ā, ka tutuki atu tā koutou patunga wīti ki te whakinga wāina, me te whakinga wāina ki te wā ruinga; ā, ka kai koutou i tā koutou taro, ka mākona, ka ū anō te noho ki tō koutou whenua.

Āmoho 9:5

Ko te Ariki hoki, ko Ihowā o ngā mano, ko ia te pā ana ki te whenua, rewa tonu iho, tangi ana ngā tāngata katoa o reira, ā, ka pari katoa ake ānō ko te awa; ka hoki iho anō, ka pērā me te awa o Īhipa;

Hoani 4:35

E kore ianei koutou e mea, ‘Kia whā atu ngā marama, ā, ka taea te kotinga?’ Nanā, ko tāku kupu tēnei ki a koutou, kia ara ake ō koutou kanohi, titiro ki ngā māra; kua mā noa ake; ko te kotinga tēnei.

Kaiwhakariterite 5:5

I rere ā-wai ngā maunga i te aroaro o Ihowā, ko taua Hinai anō hoki, i te aroaro o Ihowā, o te Atua o Īharaira.