Āmoho 9:12 - Paipera Tapu 2012

¹² kia riro ai i a rātou te toenga o Ēroma, o ngā iwi katoa anō kua oti tōku ingoa te whakahua mō rātou,” e ai tā Ihowā, nāna nei tēnei mahi.

Te Paipera Tapu 1952

¹² Kia riro ai i a ratou te toenga o Eroma, o nga iwi katoa ano kua oti toku ingoa te whakahua mo ratou, e ai ta Ihowa, nana nei tenei mahi.

Āmoho 9:12 Iomraidhean Croise

Kenehi 27:29

Kia mahi ngā iwi ki a koe, kia piko iho hoki ngā tauiwi ki a koe. Kia waiho koe hei rangatira mō ōu tēina, ā, kia piko iho ki a koe ngā tama a tōu whaea. Kia kangā te tangata e kanga ana i a koe, ā, kia manaakitia te tangata e manaaki ana i a koe.”

Kenehi 27:37

Nā, ka whakahoki a Īhaka, ka mea ki a Ēhau, “Nā, kua waiho ia e ahau hei rangatira mōu, kua hoatu hoki ōna tuākana katoa ki a ia hei apa; kua whakaūkia hoki ia e ahau ki te wīti, ki te wāina. Ā, he aha rā māu hei meatanga māku, e tāku tama?”

Waiata 60:8

ko Moapa tāku oko horoi; ka makā e ahau tōku hū ki runga ki Ēroma; e Pirihitia, ko ahau hei whakamanamana māu.”

Ihāia 11:14

Engari, ka rere iho rātou i runga i te pokohiwi o ngā Pirihitini i te taha ki te hauāuru, ka pāhuatia ngātahitia e rātou te hunga o te rāwhiti. Ka pā ō rātou ringa ki runga ki a Ēroma rāua ko Moapa; ka whakarongo hoki ngā tama a Āmona ki a rātou.

Ihāia 43:7

te hunga katoa i huaina nei tōku ingoa mō rātou; nāku hoki rātou i hanga hei whakakorōria mōku: nāku ia i whakaahua, nāku hoki ia i mahi.”

Ihāia 63:19

Kua meinga mātou kia rite ki te hunga kīhai nei koe i kīngi mō rātou; ki te hunga kīhai nei i huaina ki tōu ingoa.

Ihāia 65:1

“E rapua ana ahau e te hunga kīhai nei i ui ki ahau; e kitea ana ahau e te hunga kīhai nei i kimi i ahau. I mea ahau, ‘Tēnei ahau, tēnei ahau,’ ki te iwi kīhai nei i karangatia tōku ingoa ki a rātou.

Heremaia 14:9

He aha koe i rite ai ki te tangata e ketekete kau ana, ki te mārohirohi e kore nei e kaha ki te whakaora? Kei waenganui anō ia koe i a mātou, e Ihowā, kua huaina tōu ingoa mō mātou; kaua hoki mātou e whakarērea.

Heremaia 15:16

I kitea āu kupu, ā, kainga ake e ahau, ā, ki ahau hei whakakoa, hei whakahari āu kupu mō tōku ngākau; kua huaina hoki tōu ingoa mōku, e Ihowā, e te Atua o ngā mano.

Hoera 3:8

Ka hokona anō e ahau ā koutou tama, ā koutou tamāhine, ki te ringa o ngā tama a Hūrā, ā, mā rātou e hoko ki ngā tāngata o Hēpā, ki te iwi i tawhiti.” Nā Ihowā hoki te kupu.

Maraki 1:4

Ko Ēroma ia e kī ana, “Kua pēhia tātou ki raro, otiia ka hoki tātou, ka hanga i ngā tūhea.” Ko te kupu tēnei a Ihowā o ngā mano: “Mā rātou e hanga, ā, māku e wāhi; ā, ka huaina aua wāhi, ko te rohe kino, ko te iwi i riri ai a Ihowā ā ake ake.

Ngā Mahi 15:17

Kia rapu ai ngā toenga o ngā tāngata ki te Ariki, me ngā tauiwi katoa hoki i karangatia nei tōku ingoa ki runga ki a rātou, e ai tā te Ariki, e mahi nei i ēnei mea katoa.

Ngā Mahi 15:18

Nāna nei i mea kia mōhiotia ēnei mea katoa nō te tīmatanga rā anō o te ao.’