Āmoho 9:11 - Paipera Tapu 2012

¹¹ “I taua rā ka ara i ahau te tapenākara o Rāwiri kua hinga nei, ka tūtakina anō e ahau ōna wāhi pakaru; ka ara anō i ahau ōna wāhi i whakahoroa, ka hangā anō e ahau kia rite ki ngā rā o mua;

Te Paipera Tapu 1952

¹¹ I taua ra ka ara i ahau te tapenakara o Rawiri kua hinga nei, ka tutakina ano e ahau ona wahi pakaru; ka ara ano i ahau ona wahi i whakahoroa, ki hanga ano e ahau kia rite ki nga ra o mua:

Āmoho 9:11 Iomraidhean Croise

Hopa 1:10

He teka ianei kua oti ia te karapoti e koe ki te taiepa, me tōna whare, me āna mea katoa? Kua manaakitia e koe te mahi a ōna ringa, kua nui haere hoki āna kararehe i runga i te whenua.

Waiata 143:5

E mahara ana ahau ki ngā rā onamata; e whakaaro ana ki āu mahi katoa, e whakaaroaro ana ahau ki ngā meatanga a ōu ringa.

Waiata 80:12

He aha i pākaruhia ai e koe ōna taiepa ki raro, kia kōwhakiwhakia ai ia e ngā tāngata katoa e tika ana i te ara?

Waiata 89:40

Kua pākaruhia e koe ōna taiepa katoa; whakamōtītia iho e koe ōna pā kaha.

Ihāia 16:5

ā, ka whakapūmautia he torōna i runga i te tohu tangata; ka nohoia e tētahi i runga i te pono, i roto anō i te tēneti o Rāwiri; me te whakawā, me te rapu i te tikanga o te whakawā, he hohoro hoki ki te mahi i te tika.

Ihāia 5:5

Nā ināianei, māku e whakaatu ki a koutou tāku e mea ai ki tāku māra wāina. Ka tangohia atu e ahau tōna pā whakaruru hau, ā, ka pau ia te kai; ka tukitukia hoki e ahau tōna taiepa, ā, ka takatakahia.

Ihāia 58:12

Ka hangā anō e ōu uri ngā wāhi kua ururuatia noatia ake; ka ara anō i a koe ngā tūranga o ngā whakapaparanga maha; ā, ka huaina koe, Ko te kaihanga o te taiepa pakaru, Ko te kaiwhakahou o ngā wāhi i ngā ara hei nohoanga.

Ihāia 63:11

Kātahi ia ka mahara ki ngā rā o mua, ki a Mohi, ki tāna iwi, i mea ia, Kei hea ia nāna rātou i kawe ake i te moana me ngā hēpara o tāna kāhui? Kei hea te kaiwhakanoho o tōna Wairua Tapu ki waenganui i a rātou?

Ihāia 65:9

Ka whakaputaina ake anō e ahau he uri i roto i a Hākopa, i roto hoki i a Hūrā, he tangata mōna nei āku maunga; ka riro anō a reira i āku i whiriwhiri ai, ka noho āku pononga ki reira.

Heremaia 18:9

Ā, i te wā tonu e kōrerotia ai e ahau tētahi iwi, tētahi kīngitanga rānei, kia hangā, kia whakatōkia,

Heremaia 30:9

Engari, ka mahi rātou ki a Ihowā, ki tō rātou Atua, ki a Rāwiri hoki, ki tō rātou kīngi e whakaarahia ake e ahau mō rātou.

Heremaia 46:26

Ka tukua hoki rātou e ahau ki te ringa o te hunga e whai ana kia whakamatea rātou, ki te ringa anō o Nepukareha kīngi o Papurōna, ki te ringa o āna tāngata. Ā muri iho ka nohoia, ka pērā me ngā rā o mua,” e ai tā Ihowā.

Ngā Tangi 5:21

Whakatahuritia atu mātou ki a koe, e Ihowā, ā, ka tahuri mātou; whakahoutia ō mātou rā, kia rite ki ō mua.

Ehekiera 17:24

Ā, ka mōhio ngā rākau katoa o te pārae, nāku, nā Ihowā. I whakaiti te rākau tiketike, nāku i tiketike ai te rākau pāpaku. Nāku i whakamaroke te rākau kaiota, nāku hoki i tupu ai te rākau maroke. “Nāku, nā Ihowā, te kupu, nāku anō i mahi.”

Ehekiera 36:11

Ka tini anō i ahau ngā tāngata ki a koutou, me ngā kararehe; ā, ka tini rātou, ka hua; ka meinga hoki koutou e ahau kia nohoia, kia pērā me tō mua, ā, ka pai atu tāku e mea ai ki a koutou i tō ō koutou tīmatanga; ā, ka mōhio koutou ko Ihowā ahau.

Hōhea 3:5

Muri iho ka hoki mai ngā tama a Īharaira, ka rapu i a Ihowā, i tō rātou Atua, i a Rāwiri anō, i tō rātou kīngi. Ka haere mai i runga i te wehi ki a Ihowā, ki tōna pai anō i ngā rā whakamutunga.

Opāria 1:17

“Otiia, tērā anō ngā mea ka mawhiti i Maunga Hiona, ā, ka tapu tērā; ā, ka riro ō rātou wāhi i te whare o Hākopa.

Mika 5:2

“Nā, ko koe, e Pēterehema Ēparata, he iti nei i roto i ngā mano o Hūrā, e puta mai i roto i a koe tētahi māku hei kāwana mō Īharaira; ko ōna putanga nōnamata, nō ngā rā o tua iho.”

Mika 7:11

He rā hei hanganga mō ōu taiepa! Ā taua rā ka matara rawa atu te tikanga i whakatakotoria.

Mika 7:14

Whāngaia tāu iwi ki tāu rākau, ngā hipi o tōu kāinga tupu, e noho mokemoke nei i te ngahere i waenganui o Karamere; kia kai rātou ki Pahana, ki Kireara, kia pērā me ngā rā o mua.

Mika 7:8

Kei whakamanamana ki ahau e tōku hoariri; ki te hinga ahau, ka ara anō ahau; ki te noho ahau i te pōuri, ko Ihowā hei whakamārama mōku.

Hakaraia 12:7

“Nā, ka whakaora a Ihowā i ngā tēneti o Hūrā i te tuatahi, kei whakapehapeha te korōria o te whare o Rāwiri, te korōria rānei o ngā tāngata o Hiruhārama ki a Hūrā.

Hakaraia 14:10

Ā hei mānia katoa te whenua ā taka noa, i Kepa tae noa ki Rimono, ki te tonga o Hiruhārama; ā, ka neke ake taua pā, ka noho ki tōna wāhi anō, ki te Kūwaha o Pineamine tae noa ki te wāhi i te Kūwaha Tuatahi, ki te Kūwaha i te Koki, ki te pourewa o Hananēre tae noa ki ngā poka wāina a te kīngi.

Hakaraia 6:12

kōrero atu hoki ki a ia, mea atu: ‘Ko te kupu tēnei a Ihowā o ngā mano, e kī ana: Nanā, te tangata ko tōna ingoa nei ko te Manga: ā, ka tupu ake anō ia i tōna wāhi, ā, māna e hanga te temepara o Ihowā.

Tauanga 24:18

Ā, ka riro a Ēroma, ka riro anō a Heira, ko ōna hoariri nei ērā; ā, ka māia te mahi a Īharaira.