Āmoho 8:9 - Paipera Tapu 2012

⁹ “Nā, i taua rā,” e ai tā te Ariki, tā Ihowā, “ka meinga e ahau te rā kia toene i te awatea, ā, ka pōuri i ahau te whenua i te mea e mārama ana anō te rā.

Te Paipera Tapu 1952

⁹ Na i taua ra, e ai ta te Ariki, ta Ihowa, ka meinga e ahau te ra kia toene i te awatea, a ka pouri i ahau te whenua i te mea e marama ana ano te ra:

Āmoho 8:9 Iomraidhean Croise

Hopa 5:14

I te awatea nei, tūtaki ana rātou ki te pōuri; whāwhā ana rātou i te poutūmārōtanga, ānō ko te pō.

Ihāia 13:10

Ko ngā whetū hoki o te rangi, ko ngā kāhui whetū anō hoki o reira, kāhore e hōmai i tō rātou mārama. Ka pōuri noa iho te rā i tōna haerenga mai, kore ake hoki e titi te atarau.

Heremaia 13:16

Whakakorōriatia tō koutou Atua, a Ihowā, i te mea kīanō ia i whakapōuri noa, i te mea kīanō ō koutou waewae i tūtuki i runga i ngā maunga pōuri, i te mea hoki e tatari ana koutou ki te mārama; nā, kua puta kē i a ia ko te ātārangi o te mate, kua meinga kia pōuri kerekere.

Heremaia 15:9

Ngohe kau te wahine ka tokowhitu nei āna tamariki; kua hemo tōna wairua; kua rere tōna rā i te mea ko te awatea nei anō; kua whakamā hoki ia, kua numinumi kau. Ka tukua atu hoki e ahau ō rātou mōrehu ki te hoari i te aroaro o ō rātou hoariri,” e ai tā Ihowā.

Ehekiera 32:7

Ā, ka oti koe te tinei e ahau, ka hīpokina e ahau te rangi, ka whakapōuritia anō hoki ngā whetū o reira; ka hīpokina e ahau te rā ki te kapua, e kore anō e titi te atarau.

Āmoho 4:13

Nō te mea, nā, ko te kaiwhakaahua o ngā maunga, e hanga nei i te hau, e whakaatu nei ki te tangata i tāna i whakaaro ai, e mea nei i te ata kia pōuri, ā, e haere ana i runga i ngā wāhi tiketike o te whenua – ko Ihowā, ko te Atua o ngā mano tōna ingoa.

Āmoho 5:8

Rapua te kaihanga o Matariki, o Tautoru; e riro kē ana i a ia te ātārangi o te mate hei ata, e whakapōuritia ana e ia te rā hei pō; e karangatia ana e ia ngā wai o te moana, ā, ringihia ana e ia ki runga ki te mata o te whenua, ko Ihowā tōna ingoa;

Mika 3:6

Mō reira ko te pō mō koutou, e kore ai he kite ki a koutou; ā, ka pōuri ki a koutou, e kore ai koutou e kite tikanga; ā, ka tō te rā ki ngā poropiti, ā, ka mangu te awatea ki runga ki a rātou.

Hakaraia 14:7

Erangi kotahi tonu taua rā (he mea e mōhiotia ana e Ihowā), ehara i te rā, ehara i te pō; nā, i ngā wā o te ahiahi ka mārama.

Matiu 24:29

“Ā muri tonu iho i te whakapāwera i aua rā, ‘Ka whakapōuritia te rā, e kore anō e titi te atarau, ka taka iho ngā whetū i te rangi, ā, ka ngāueue ngā mea kaha o ngā rangi.’

Matiu 27:45

Nā, ka pōuri a runga katoa o te whenua, nō te ono o ngā hāora ā taea noatia te iwa o ngā hāora.

Māka 15:33

Ā, nō ka tae ki te ono o ngā hāora, ka pōuri a runga o te whenua katoa, taea noatia te iwa o ngā hāora.

Ruka 23:44

Nā, kua tata ki te ono o ngā hāora, ā, ka pōuri a runga o te whenua katoa, tae noa ki te iwa o ngā hāora.

Whakakitenga 6:12

Ā, ka kite ahau i tāna wāhanga i te ono o ngā hīri, nā, ko te rū nui; ā, ka mangu te rā ānō he kākahu taratara, pūhuruhuru, ā, ko te marama pēnā katoa i te toto;

Whakakitenga 8:12

Ā, ka whakatangi te whā o ngā anahera, nā, kua patua te wāhi tuatoru o te rā, me te wāhi tuatoru o te marama, me te wāhi tuatoru hoki o ngā whetū; kia pōuri ai te wāhi tuatoru o aua mea, kia kore ai e mārama te wāhi tuatoru o te rā, o te pō anō hoki.