Āmoho 8:8 - Paipera Tapu 2012

⁸ E kore ianei te whenua e wiri ki tēnei? E kore ianei te hunga katoa e noho ana i reira e tangi? Āe rā, ka pari katoa ake nei hoki ānō ko te awa; ka ākina e te hau, ka hoki iho anō, ka pērā me te awa o Īhipa.”

Te Paipera Tapu 1952

⁸ E kore ianei te whenua e wiri ki tenei? e kore ianei te hunga katoa e noho ana i reira e tangi? ae ra, ka pari katoa ake nei hoki ano ko te awa; ka akina e te hau, ka hoki iho ano, ka pera me te awa o Ihipa.

Āmoho 8:8 Iomraidhean Croise

Waiata 18:7

Nā, ka ngāueue te whenua, ka rū, wiri ana ngā pūtake o ngā maunga, ngāueue ana i tōna riri.

Ihāia 5:25

Nā reira te riri o Ihowā i mura ai ki tāna iwi, ā, kua torona e ia tōna ringa ki te whawhai ki a rātou, ā, patua iho rātou e ia; i ngāueue ngā maunga, ā, ko ō rātou tinana mate me te mea he paru i waenganui o ngā huarahi. Nā, ahakoa tēnei katoa, kāhore tōna riri i te tahuri atu, mārō tonu tōna ringa.

Heremaia 12:4

Kia pēhea te roa o te whenua ka tangi nei, o te otaota o ngā māra katoa ka maroke nei? Hei mea mō te kino o ōna tāngata, kua pau ōna kararehe me ngā manu; nō te mea i kī rātou, “E kore ia e kite i tō tātou mutunga iho.”

Heremaia 46:7

“Ko wai tēnei e puhake ake nei me te mea ko te Naera, e tutū nei ōna wai me te mea ko ngā awa?

Heremaia 46:8

I puhake mai a Īhipa ānō ko te Naera, i tutū ōna wai ānō ko ngā awa; ā, ka mea ia, Ka puhake atu ahau, ā, ka taupokina te whenua; ka ngaro i ahau te pā me ōna tāngata.

Heremaia 51:29

Nā, kei te wiri te whenua, kei te mamae; nō te mea kei te tū tonu ngā whakaaro katoa o Ihowā mō Papurōna, kia meinga te whenua o Papurōna hei ururua, tē ai he tangata.

Raniera 9:26

Ā, ka taka aua wiki e ono tekau mā rua, ka hātepea atu te mea i whakawahia, ā, kāhore he mea māna; ā, ka whakangaromia te pā me te wāhi tapu e te iwi o te rangatira ka haere mai nei; ā, he waipuke kei tōna mutunga, ā, he whawhai taea noatia te mutunga; kua takoto hoki ngā whakangaromanga.

Hōhea 10:5

Mānukanuka tonu ngā tāngata o Hamaria ki ngā kūao kau o Peteawene. Ka tangihia hoki e tōna iwi, e ōna tohunga i whakamanamana nei ki a ia; mō tōna korōria kua memeha atu nei i reira.

Hōhea 4:3

Mō reira te whenua ka pōuri, ko ōna tāngata katoa ka tangi, me ngā kīrehe o te pārae, me ngā manu o te rangi; ka whakakorea anō ngā ika o te moana.

Āmoho 8:10

Ka puta kē anō i ahau ā koutou hākari hei tangihanga, ā koutou waiata katoa hei apakura; he taratara tāku kākahu mō ngā hope katoa; mō ngā māhunga katoa he pākira. Ka rite i ahau ki te tangihanga ki te huatahi, ā, ko tōna mutunga hei rā mamae.

Āmoho 9:5

Ko te Ariki hoki, ko Ihowā o ngā mano, ko ia te pā ana ki te whenua, rewa tonu iho, tangi ana ngā tāngata katoa o reira, ā, ka pari katoa ake ānō ko te awa; ka hoki iho anō, ka pērā me te awa o Īhipa;

Nahumu 1:8

Otiia ka mōtī tō reira wāhi i tāna waipuke e ngawhā ana; ka whāia anō e ia ōna hoariri ki roto ki te pōuri.

Matiu 24:30

“Ko reira anō puta ai te tohu o te Tama a te tangata i te rangi; ā, ko reira ngā iwi katoa o te whenua tangi ai, ā, e kite rātou i te Tama a te tangata e haere mai ana i runga i ngā kapua o te rangi me te kaha, me te korōria nui.