Āmoho 8:4 - Paipera Tapu 2012

⁴ Whakarongo ki tēnei, e te hunga i horomia ai te rawakore, i meinga ai te hunga iti o te whenua kia ngohe;

Te Paipera Tapu 1952

⁴ Whakarongo ki tenei, e te hunga i horomia ai te rawakore, i meinga ai te hunga iti o te whenua kia ngohe;

Āmoho 8:4 Iomraidhean Croise

1 Kīngi 22:19

Nā, ka kī tērā, “Mō reira whakarongo mai ki te kupu a Ihowā; i kite ahau i a Ihowā e noho ana i runga i tōna torōna, i te mano katoa anō o te rangi e tū ana i tōna taha ki matau, i tōna taha ki mauī.

Hopa 24:4

Whakapekaia kētia ana e rātou ngā rawakore i te ara; huihui ana ngā ware o te whenua, piri ana.

Waiata 10:7

Kī tonu tōna māngai i te kanga, i te hīanga, i te tūkino; kei raro i tōna arero te whanokē me te teka.

Waiata 12:5

“Mō te tūkinotanga i te hunga iti, mō te auē a te hunga rawakore, ka whakatika ahau āianei,” e ai tā Ihowā, “Ka whakanohoia ia e ahau ki te wāhi e ora ai ia i ngā tāngata e whakatūpererū ana ki a ia.”

Waiata 14:4

E kore rānei e mōhio ngā kaimahi katoa o te kino? E kai nei i tōku iwi, me te mea e kai taro ana, ā, kāhore e karanga ki a Ihowā.

Waiata 140:12

E mātau ana anō ahau mā Ihowā e tohe te whakawā a te tangata e tūkinotia ana, te mea hoki e rite ana mā ngā rawakore.

Waiata 56:1

Tohungia ahau e te Atua, ka horomia hoki ahau e te tangata; e tūkino ana ia ki ahau i te rā roa nei, i a ia e ngangare tonu nei.

Whakatauki 30:14

Tērā te whakatupuranga, ko ō rātou niho ānō he hoari, ko ō rātou niho pūrākau ānō he māripi, hei horo i te hunga iti i runga i te whenua, i ngā rawakore hoki i roto i ngā tāngata.

Ihāia 1:10

Whakarongo ki te kupu a Ihowā e ngā rangatira o Horoma! Kia whai taringa mai, e te iwi o Komora, ki te ture a tō tātou Atua!

Ihāia 28:14

Mō reira whakarongo ki te kupu a Ihowā, e te hunga whakahī, e ngā rangatira o tēnei iwi i Hiruhārama.

Heremaia 28:15

Kātahi ka mea te poropiti, a Heremaia, ki te poropiti, ki a Hanania, “Whakarongo mai, e Hanania; ehara koe i a Ihowā i unga; kua mea ia koe i tēnei iwi kia whakawhirinaki ki te teka.

Heremaia 5:21

Tēnā, whakarongo ki tēnei, e te iwi wairangi kāhore nei he ngākau, he kanohi nei ō rātou, heoi kāhore e kite, he taringa ō rātou, ā, kāhore e rongo.

Ehekiera 22:12

I roto i a koe i tango rātou i te utu whakapati e whakahekea ai he toto; kua tango koe i te moni whakatupu, i ngā hua anō hoki, kua haoa mai anō e koe ngā taonga a ōu hoa, he mea tūkino, kua wareware anō koe ki ahau, e ai tā te Ariki, tā Ihowā.

Ehekiera 45:10

“Kia tika ā koutou pāuna, kia tika te epa, kia tika te pāti.

Āmoho 5:11

Nā, i te mea he takahi tā koutou i te ware, he tango i te takoha wīti i a ia; he whare kōhatu tārai tā koutou i hanga ai, nā, e kore e nohoia e koutou; he māra wāina e minaminatia ana tā koutou i whakatō ai, otiia e kore te wāina o aua māra e inumia e koutou.

Āmoho 5:12

E mōhiotia ana hoki e ahau te maha o ō koutou poka kē, me te kaha o ō koutou hara – o koutou e whakatupu kino nei i te tangata tika, e tango nei i te utu whakapati, e whakangau kē nei i tā te rawakore i te kūwaha.

Āmoho 7:16

Nā, whakarongo ki te kupu a Ihowā. E mea nā koe, ‘Kaua e poropiti ki a Īharaira, kei māturuturu iho anō tētahi kupu āu hei whakahē mō te whare o Īhaka.’

Mika 2:2

E hiahia ana rātou ki ngā māra, tangohia ake; ki ngā whare hoki riro tonu i a rātou. E whakatupuria kinotia ana e rātou tētahi tangata me tōna whare, te tangata rawa nei me tōna wāhi tupu.

Mika 3:3

e kai nā hoki i ngā kikokiko o tāku iwi; e tīhore nā i tō rātou kiri i ō rātou tinana, e wāwāhi nā i ō rātou wheua; āe rā, e tapatapahia rawatia ana e rātou, ānō he mea mō te kōhua, ānō he kikokiko i roto i te kōhua nui.”

Hakaraia 5:6

Anō rā ko ahau, “He aha koia?” Ā, ka kī mai ia, “Ko te epa tēnei e puta nei.” I kī mai anō ia, “Ko tō rātou āhua tēnei i te whenua katoa.”

Matiu 23:13

“Auē te mate mō koutou, e ngā karaipi, e ngā Parihi, e te hunga tinihanga! E tūtakina ana hoki e koutou te rangatiratanga o te rangi ki ngā tāngata. Kāhore koutou e tomo, kāhore anō e tukua te hunga e tomo ana kia tapoko.

Hēmi 5:6

Whakatakā ana e koutou ki te hē, patua iho te mea tika, kīhai anō ia i pēhi atu i tā koutou.