Āmoho 8:3 - Paipera Tapu 2012

³ “He auē anō ngā waiata o te temepara i taua rā,” e ai tā te Ariki, tā Ihowā; “ka maha ngā tinana mate i ngā wāhi katoa; ka ākiritia pukutia atu.”

Te Paipera Tapu 1952

³ He aue ano nga waiata o te temepara i taua ra, e ai ta te Ariki, ta Ihowa; ka maha nga tinana mate i nga wahi katoa; ka akiritia pukutia atu.

Āmoho 8:3 Iomraidhean Croise

Waiata 39:9

Wahangū ana ahau; kīhai i kuihi tōku māngai; he meatanga hoki tēnei nāu.

Ihāia 37:36

Nā, ka puta atu te anahera a Ihowā, ā, patua iho e ia i te puni o ngā Ahiriana kotahi rau e waru tekau mā rima mano; ā, te marangatanga ake i te ata, nanā, ō rātou tinana! He tūpāpaku katoa rātou.

Heremaia 22:18

Mō reira ko tā Ihowā kupu tēnei mō Iehoiakimi tama a Hōhia kīngi o Hūrā: “Kāhore he tangi mōna, he mea: ‘Auē, e tōku tuakana!’ ko tēnei rānei, ‘Auē, e te tuahine!’ Kāhore rātou e tangi mōna, e mea, ‘Auē, te ariki! Auē, tōna korōria!’

Ngā Tangi 2:10

Kei runga i te whenua ngā kaumātua o te tamāhine a Hiona e noho ana, whakarongo kau ana. Opehia ake e rātou he puehu ki runga ki ō rātou māhunga; whītiki rawa te kākahu taratara. Ko ngā wāhina o Hiruhārama, tuohu tonu ō rātou māhunga ki te whenua.

Hoera 1:11

Kia whakamā, e ngā kaingaki whenua; auē, e ngā kaimahi wāina, mō te wīti, mō te pārei; kua kore nei hoki ngā hua o te māra.

Hoera 1:13

Tātua i a koutou ki te kākahu taratara, e tangi, e koutou e ngā tohunga; auē, e ngā minita o te āta. Haere mai, hei te mea taratara he kākahu mō koutou i te pō, e ngā minita o tōku Atua. Kua kore nei hoki te whakahere totokore me te ringihanga i roto i te whare o tō koutou Atua.

Hoera 1:5

E ara, e te hunga haurangi, e tangi; auē, e ngā kaiinu wāina katoa, ki te wāina hou; kua whakakorea nei hoki mā ō koutou māngai.

Rewitikuha 10:3

Nā, ka mea a Mohi ki a Ārona, “Ko te mea tēnei i kōrero rā a Ihowā, i mea rā, ‘Me whakatapu ahau e te hunga katoa e whakatata mai ana ki ahau, me whakakorōria anō hoki ahau ki te aroaro o te iwi katoa.’ ” Ā, whakarongo puku ana a Ārona.

Āmoho 4:10

“I tukua e ahau te mate urutā ki a koutou, he pērā tonu me tō Īhipa; ko ā koutou taitama he mea patu nāku ki te hoari, ko ā koutou hōiho riro ana i ahau, ā, meinga ana e ahau te piro o tō koutou puni kia kake ake ki ō koutou ihu rawa; heoi, kīhai koutou i hoki mai ki ahau,” e ai tā Ihowā.

Āmoho 5:16

Mō reira tēnei kupu a Ihowā, a te Atua o ngā mano, a te Ariki: “I ngā waharoa katoa ko te tangi; ko tā rātou kupu i ngā huarahi katoa, ‘Auē! auē!’ Ka karangatia te kaingaki whenua ki te tangi, me te hunga mātau ki te uhunga, hei auē;

Āmoho 5:23

Maua atu kia matara i ahau te ngangau o āu waiata; e kore hoki ahau e whakarongo ki te rangi o āu hātere.

Āmoho 6:4

E takoto nā i runga i te moenga rei, e whārōrō nā i runga i ō rātou takotoranga. E kai nā i ngā reme o te kāhui, i ngā kūao kau o waenganui i te tūranga kau.

Āmoho 6:5

E waiata nā i ngā waiata pōauau ki te rangi hātere; e whakaaroa ana hoki e rātou ngā mea whakatangi, e pērā ana me Rāwiri;

Āmoho 6:8

Kua oatitia te Ariki, a Ihowā, e ia anō, e ai tā Ihowā, tā te Atua o ngā mano: “E whakarihariha ana ahau ki tā Hākopa e whakaī nā, e kino ana ki ōna whare kīngi; mō reira ka tukua atu e ahau te pā me ngā mea i roto.”

Āmoho 8:10

Ka puta kē anō i ahau ā koutou hākari hei tangihanga, ā koutou waiata katoa hei apakura; he taratara tāku kākahu mō ngā hope katoa; mō ngā māhunga katoa he pākira. Ka rite i ahau ki te tangihanga ki te huatahi, ā, ko tōna mutunga hei rā mamae.

Nahumu 3:3

Ko ngā kaieke hōiho e ekeeke ana, ko te wheriko o te hoari, ko te kanapa o te tao; ko te tini o te tūpāpaku, me te pūranga nui o ngā tinana mate – ā, kāhore he mutunga o ngā tinana; tūtuki ana te waewae ki ō rātou tinana.

Tepania 1:7

Whakarongoa i te aroaro o te Ariki, o Ihowā, ka tata hoki te rā o Ihowā, kua takoto hoki tā Ihowā patunga tapu, kua whakatapua hoki e ia āna manuhiri.