Āmoho 8:2 - Paipera Tapu 2012

² Nā, ka mea ia, “Ko te aha te kitea ana e koe, e Āmoho?” Anō rā ko ahau, “He kete hua raumati.” Anō rā ko Ihowā ki ahau, “Kua tae mai te mutunga ki tāku iwi, ki a Īharaira; e kore tā rātou e whakarērea noatia e ahau ā muri ake nei.

Te Paipera Tapu 1952

² Na ka mea ia, Ko te aha te kitea ana e koe, e Amoho? Ano ra ko ahau, He kete hua raumati. Ano ra ko Ihowa ki ahau, Kua tae mai te mutunga ki taku iwi, ki a Iharaira: e kore ta ratou e whakarerea noatia e ahau a muri ake nei.

Āmoho 8:2 Iomraidhean Croise

Kenehi 6:13

Nā, ka mea te Atua ki a Noa, “Kua tae mai ki tōku aroaro te mutunga o ngā kikokiko katoa; nō te mea kua kī i a rātou te whenua i te tutū; nā, ka whakangaromia rātou tahi ko te whenua e ahau.

Ihāia 28:4

Ā, ko te puāwai memenge o tōna ātaahua whakakorōria, kei te wāhi nei ki runga o te awaawa mōmona, ka rite ki te hua mātāmua o te piki i te mea kāhore anō te raumati; ā, ka kite te mea i titiro atu, ka horomia e ia i te mea kei tōna ringa anō.

Heremaia 40:10

Ko ahau nei ia, nanā, ka noho ahau i Mihipa, hei tū atu i mua i ngā Karari e haere mai ana ki a tātou. Tēnā ko koutou, kohikohia e koutou ngā wāina me ngā hua raumati, me te hinu, whaowhina ki ā koutou oko, ā, ka noho i roto i ō koutou pā i riro rā i ā koutou.”

Heremaia 5:31

e poropiti teka ana ngā poropiti; ā, e whakahaere ana ngā tohunga, ko tā rātou te tikanga; ā, pai tonu tāku iwi ki te pēnā. Nā, ka pēhea rā koutou i tōna tukunga iho?”

Ngā Tangi 4:18

E whāia ana e rātou ō tātou hīkoinga, tē haere ai tātou i ō tātou waharoa. Kua tata tō tātou whakamutunga, kua rite ō tātou rā; nō te mea kua tae mai tō tātou whakamutunga.

Ehekiera 12:23

Mō reira kī atu ki a rātou: Ko te kupu tēnei a te Ariki, a Ihowā: Ka mutu i ahau tēnei whakatauki, e kore anō e whakataukitia e rātou ā muri ake nei i roto i a Īharaira. Mea atu ia ki a rātou, ‘Ka tata ngā rā, me te meatanga anō o ngā kitenga katoa.’

Ehekiera 29:8

“Mō reira ko te kupu tēnei a te Ariki, a Ihowā: Tēnei ahau te kawe nei i te hoari ki runga ki a koe, ka hātepea atu anō e ahau te tangata me te kararehe i roto i a koe.

Ehekiera 3:10

I mea anō ia ki ahau: “E te tama a te tangata, ko āku kupu katoa ka kōrerotia e ahau ki a koe rongoātia ki tōu ngākau, whakarangona mai anō e ōu taringa.

Ehekiera 3:7

E kore ia te whare o Īharaira e pai ki te whakarongo ki a koe; nō te mea e kore rātou e pai ki te whakarongo ki ahau; he rae pakeke hoki tō te whare katoa o Īharaira, he ngākau pakeke.

Ehekiera 7:6

He whakamutunga kua tae mai, kua tae mai te whakamutunga, kei te oho ki a koe; nanā, e haere mai nei.

Ehekiera 8:12

Kātahi ia ka mea ki ahau, “Kua kite rānei koe, e te tama a te tangata, i tā ngā kaumātua o te whare o Īharaira e mea nei i te pōuri, ia tangata, ia tangata, i ōna whare whakaahua? E kī ana hoki rātou, ‘E kore a Ihowā e kite i a tātou; kua mahue te whenua i a Ihowā.’ ”

Ehekiera 8:17

Kātahi ka mea ia ki ahau, “Ka kite rānei koe i tēnei, e te tama a te tangata? He mea māmā noa ake ianei tēnei ki te whare o Hūrā kia mahia e rātou ngā mea whakarihariha e mahia nei e rātou ki konei? Nā rātou hoki i kapi ai te whenua i te tutū, ā, hoki mai ana rātou ki te whakapātaritari i ahau. Nanā, kei te whakapā anō rātou i te manga ki tō rātou ihu.

Ehekiera 8:6

Ā, ka mea ia ki ahau, “E te tama a te tangata, ka kite rānei koe i tā rātou e mea nei? Arā, i ngā mea whakarihariha nui e mahia nei e te whare o Īharaira ki konei, e matara ai ahau i tōku wāhi tapu? Otiia, tērā koe e kite anō i ētahi atu mea whakarihariha nunui.”

Hōhea 9:7

Kua tae mai ngā rā o te tirotiro, kua tae mai ngā rā whakautu; ka mōhio a Īharaira, “He wairangi te poropiti, he haurangi te tangata i te wairua.” He nui hoki nō tōu kino, he nui nō te mauāhara.

Āmoho 7:8

Nā, ka mea a Ihowā ki ahau, “Ko te aha e kitea ana e koe, e Āmoho?” Anō rā ko ahau, “He aho paramu.” Kātahi te Ariki ka kī mai, “Nanā, ka iri i ahau he aho paramu i waenganui i tāku iwi, i a Īharaira; e kore e whakarērea noatia iho tā rātou e ahau ā muri ake nei.

Āmoho 8:1

I whakakitea anō tēnei e te Ariki, e Ihowā, ki ahau – nā, he kete hua raumati.

Mika 7:1

Auē te mate i ahau! He rite hoki ahau ki ngā kohikohinga o ngā hua raumati, ki ngā hamunga i te wā e whawhaki karepe ana. Kāhore he tautau hei kai; e hiahia ana tōku wairua ki te hua piki mātāmua.

Hakaraia 5:2

Nā, ka mea ia ki ahau, “Ko te aha tāu e kite nā?” Anō rā ko ahau, “He pukapuka e rere ana tāku e kite nei; ko tōna roa e rua tekau whatīanga, ko tōna whānui kotahi tekau whatīanga.”