Āmoho 8:14 - Paipera Tapu 2012

¹⁴ Nā, ko te hunga e oati ana i te hē o Hamaria, e kī ana, ‘Kei te ora tōu Atua, e Rāna,’ me tēnei, ‘Kei te ora te tikanga o Peerehepa’ – ka taka rawa rātou, e kore anō e ara ā muri ake nei.”

Te Paipera Tapu 1952

¹⁴ Na, ko te hunga e oati ana i te he o Hamaria, e ki ana, Kei te ora tou Atua, e Rana; me tenei, Kei te ora te tikanga o Peerehepa; ka taka rawa ratou, e kore ano e ara a muri ake nei.

Āmoho 8:14 Iomraidhean Croise

1 Kīngi 12:32

I whakaritea anō e Ieropoama hākari i te waru o ngā marama i te tekau mā rima o ngā rā o te marama, he pērā me tā Hūrā hākari; i tāpae whakahere anō ia ki runga ki te āta. Ko tāna hanga anō tēnei i Pētēre, he patu whakahere ki ngā kūao kau i hangā e ia; i whakatūria anō e ia ki Pētēre he tohunga mō ngā wāhi tiketike i hangā nei e ia.

1 Kīngi 14:16

Nā, ka tukua atu a Īharaira e ia mō ngā hara o Ieropoama i hara nei ia, i hara ai hoki a Īharaira.”

1 Kīngi 16:24

Nā, ka hokona e ia i a Hemere te pukepuke, a Hamaria, mō ngā taranata hiriwa e rua; ā, hanga ana ia ki runga ki te pukepuke, ā, huaina iho e ia te ingoa o te pā i hangā e ia ko Hamaria, ko te ingoa o Hemere, o te tangata nōna te puke.

2 Kīngi 10:29

Ko ngā hara ia o Ieropoama tama a Nēpata i hara ai a Īharaira, kīhai ērā i mahue i a Iehu te whai, arā ngā kūao kau kōura i Pētēre, i Rāna.

2 Whakapapa 36:16

Otiia tāwaia iho e rātou ngā karere a te Atua, whakahāweatia ana āna kupu, tūkinotia ana āna poropiti, ā, ara noa te riri o Ihowā ki tāna iwi; ā, kāhore noa iho he whakaoranga.

Waiata 140:10

Kia taka he waro mura ki runga ki a rātou; kia pangā rātou ki te ahi, ki roto ki ngā poka hōhonu, kei whakatika ake anō rātou.

Waiata 36:12

Hinga iho i reira ngā kaimahi i te kino; kua turakina iho, tē āhei te ara ake.

Whakatauki 24:16

E hinga ana hoki te tangata tika, e whitu hinganga, ka ara ake anō; ka whakatakā ia te hunga kino e te hē.

Whakatauki 29:1

Ko te tangata he maha nei ngā riringa i tōna hē, ā, ka whakapakeke i tōna kakī ka whatia ohoreretia ia – tē taea te rongoā.

Ihāia 24:20

Hūrorirori kau te whenua ānō he haurangi, nekenekehia ana, me te mea he whare tira; ka taimaha iho hoki tōna hē ki runga ki a ia, ka hinga, heoi anō ōna aranga ake.

Ihāia 43:17

Nāna nei i whakaputa mai te hāriata, te hōiho, te ope, me te kaha; takoto tahi ana rātou, tē ara ki runga; kua keto rātou, kua tineia, ānō he muka.

Heremaia 25:27

“Me kī anō e koe ki a rātou, ‘Ko te kupu tēnei a Ihowā o ngā mano, a te Atua o Īharaira: E inu koutou, ā, haurangi iho, ruaki, e hinga ki raro, kaua e ara mai anō ki runga, i te hoari hoki e ungā e ahau ki waenganui i a koutou.’

Heremaia 51:64

ā, ka mea atu koe, ‘Ka pēnei te totohutanga o Papurōna, e kore hoki e puea ake anō, i te kino e tākina mai e ahau ki runga ki a ia; ā, ka ruha rātou.’ ” I mutu ki konei ngā kupu a Heremaia.

Hōhea 10:5

Mānukanuka tonu ngā tāngata o Hamaria ki ngā kūao kau o Peteawene. Ka tangihia hoki e tōna iwi, e ōna tohunga i whakamanamana nei ki a ia; mō tōna korōria kua memeha atu nei i reira.

Hōhea 13:16

Ka whakawahā e Hamaria tōna hara; kua whakakeke hoki ia ki tōna Atua. Ka hinga rātou i te hoari; ka tāia iho ā rātou tamariki, mongamonga ana, ka haehaea hoki ā rātou wāhine e hapū ana.”

Hōhea 13:2

Nā ināianei, kua neke ake tō rātou hara, kua hangā e rātou tā rātou hiriwa hei whakapakoko whakarewa mā rātou, hei whakapakoko e rite ana ki tā rātou i mātau ai, ā, ko taua mea katoa he mahi nā ngā kaimahi: e kōrerotia ana aua mea e rātou, “Me kihi e ngā tāngata e mea patunga tapu ana, ngā kūao kau.”

Hōhea 4:15

“Ahakoa koe, e Īharaira, kairau noa, kaua a Hūrā e hē; ā, kaua hoki koutou e haere mai ki Kirikara, kaua hoki e haere ki runga ki Peteawene, ā, kaua e oati, ‘Kei te ora a Ihowā.’

Āmoho 5:1

Whakarongo ki tēnei kupu, kua maranga nei i ahau hei tangi ki a koutou, e te whare o Īharaira:

Āmoho 5:2

“Kua hinga te wāhina a Īharaira, e kore ia e ara i muri; kua whakatakā ia ki runga ki tōna oneone; kāhore he mea hei whakaara ake i a ia.”

Āmoho 5:5

otiia, kaua e rapu i Pētēre, kaua e haere ki Kirikara, kaua anō e haere ki Peerehepa; nō te mea tērā a Kirikara ka riro i te whakarau, ā, hei kore noa iho a Pētēre.”

Mika 1:5

Mō te hē o Hākopa, tēnei katoa, mō ngā hara o te whare o Īharaira. He aha te hē o Hākopa? He teka ianei ko Hamaria? He aha anō hoki ngā wāhi tiketike o Hūrā? He teka ianei ko Hiruhārama?

Tepania 1:5

me te hunga e koropiko ana i runga i ngā tuanui ki te ope o te rangi; rātou ko te hunga e koropiko ana, e oati ana i a Ihowā, me te oati anō rātou i a Marakama.

Ngā Mahi 18:25

I whakaakona tēnei tangata ki te ara o te Ariki; he tangata ia e toko tonu ake ana te ngākau, ka kōrero ia, tika tonu hoki tāna whakaako i ngā mea mō Īhu; heoi anō, tāna i mātau ai ko te iriiri a Hoani.

Ngā Mahi 19:23

Nā, i taua wā kīhai i nohinohi te ngangau i puta ake mō taua Ara.

Ngā Mahi 19:9

Ā, ka pakeke ētahi, ka whakateka, ka whakahāwea ki taua ritenga i te aroaro o te mano, ka mawehe atu ia i roto i a rātou, ka wehea kētia ngā ākonga, ka kōrerorero i tēnei rā, i tēnei rā, i roto i te kura o Tairanu.

Ngā Mahi 24:14

Otirā, me whāki tēnei e ahau ki a koe, ko te Ara e kīia nei e rātou he tītorehanga, ko tāku tēnā i ahau e karakia nei ki te Atua o ōku mātua; e whakapono ana hoki ahau ki ngā mea katoa kua oti te whakarite i roto i te ture, kua oti hoki te tuhituhi ki tā ngā poropiti.

Ngā Mahi 9:2

kei te tono pukapuka i a ia ki ngā whakaminenga i Ramahiku, ina kitea e ia tētahi nō te Huarahi, ahakoa tāne, wāhine rānei, kia mauria hereheretia mai e ia ki Hiruhārama.

Tiuteronomi 33:11

Manaakitia ōna rawa, e Ihowā, kia aro mai hoki koe ki te mahi a ōna ringa; whatia ngā hope o te hunga e whakatika ana ki a ia, o ngā mea hoki e kino ana ki a ia, kei whakatika mai anō rātou.”

Tiuteronomi 9:21

Nā, ka tango ahau i tō koutou hara, i te kūao kau i hangā e koutou, ā, tahuna ana e ahau ki te ahi, patōkia iho, whakangakungakutia ana kia ririki, ngotangota noa ānō he puehu. Nā, pangā atu ana e ahau ōna ngota ki te awa e rere iho ana i te maunga.