Āmoho 8:12 - Paipera Tapu 2012

¹² Ā, ka ātiutiu atu rātou i tētahi moana ki tētahi moana, i te raki ki te rāwhiti; ka kōpikopiko, he rapu i te kupu a Ihowā; heoi e kore e kitea.

Te Paipera Tapu 1952

¹² A ka atiutiu atu ratou i tetahi moana ki tetahi moana, i te raki ki te rawhiti; ka kopikopiko, he rapu i te kupu a Ihowa; heoi e kore e kitea.

Āmoho 8:12 Iomraidhean Croise

Whakatauki 1:28

“Ko reira rātou karanga ai ki ahau, ā, e kore ahau e whakahoki kupu atu; ka rapu nui rātou i ahau, otiia e kore ahau e kitea e rātou.

Whakatauki 14:6

E rapu ana te tangata whakahī i te whakaaro nui, heoi kāhore e kitea e ia; ki te tangata mātau ia he māmā noa te mātauranga.

Whakatauki 29:18

Ki te kāhore he whakakitenga, ka kore te iwi e tūpato; ko te kaipupuri ia i te ture, ka hari ia.

Ehekiera 20:3

“E te tama a te tangata, kōrero ki ngā kaumātua o Īharaira; mea atu ki a rātou: Ko te kupu tēnei a te Ariki, a Ihowā: I haere mai rānei koutou ki te rapu tikanga i ahau? E ora ana ahau, e kore ahau e pai kia rapua e koutou he tikanga i ahau, e ai tā te Ariki, tā Ihowā.

Ehekiera 20:31

I te mea hoki ka tāpaea e koutou ā koutou mea hoatu noa, ā, ka meinga ā koutou tamariki kia tika nā roto i te ahi, e whakapoke ana rānei koutou i a koutou anō ki ā koutou whakapakoko katoa ā mohoa noa nei? Ā, me rapu tikanga mai rānei i ahau mā koutou, e te whare o Īharaira? E ora ana ahau, e ai tā te Ariki, tā Ihowā, e kore ahau e pai kia uia e koutou.”

Raniera 12:4

Ko koe ia, e Raniera, kopia ngā kupu, hīritia anō te pukapuka ā taea noatia te mutunga. He tokomaha e kōpikopiko, ka nui haere anō te mātauranga.”

Hōhea 5:6

Ka haere rātou me ā rātou hipi, me ā rātou kau, ki te rapu i a Ihowā. Heoi, e kore e kitea; kua mawehe atu ia i roto i a rātou.

Matiu 12:30

“Ko te tangata ehara i te hoa nōku, he hoariri ia ki ahau; ko te tangata kāhore e kohikohi tahi māua, e tītaritari ana.

1 Hamuera 3:1

Nā, i te minita te tamaiti, a Hamuera, ki a Ihowā i te aroaro o Eri. Ā, he taonga mōmōhanga te kupu a Ihowā i aua rā; kāhore he whakakitenga nui.