Āmoho 8:11 - Paipera Tapu 2012

¹¹ “Nanā, kei te haere mai ngā rā,” e ai tā te Ariki, tā Ihowā, “e tukua ai e ahau he hemokai ki te whenua, ehara i te hemokai taro, ehara anō i te matewai; engari he hiahia kia rongo i ngā kupu a Ihowā.

Te Paipera Tapu 1952

¹¹ Nana, kei te haere mai nga ra, e ai ta te Ariki, ta Ihowa, e tukua ai e ahau he hemokai ki te whenua, ehara i te hemokai taro, ehara ano i te matewai; engari he hiahia kia rongo i nga kupu a Ihowa.

Āmoho 8:11 Iomraidhean Croise

2 Whakapapa 15:3

Nā, ka maha ēnei rā i kore ai i Atua pono i a Īharaira, kāhore he tohunga hei whakaako, kāhore he ture.

Waiata 74:9

Kāhore mātou e kite i ō mātou tohu, kāhore atu he poropiti, kāhore hoki tētahi o mātou e mātau ana kia pēhea ake te roa.

Whakatauki 29:18

Ki te kāhore he whakakitenga, ka kore te iwi e tūpato; ko te kaipupuri ia i te ture, ka hari ia.

Ihāia 5:6

Ā, ka meinga e ahau kia ururua; e kore e tapatapahia, e kore e ngakia, engari, ka huaranga ake te tātarāmoa me te tūmatakuru; ka ako atu hoki ahau ki ngā kapua kia kaua te ua e uaina ki reira.

Ehekiera 7:26

Ka tae mai te aituā ki runga ki te aituā, te rongo ki runga ki te rongo; ā, ka rapua e rātou tā te poropiti whakakitenga; heoi ka whakakāhoretia te ture i te tohunga, te whakaaro i ngā kaumātua.

Hōhea 2:3

Kei tangohia ōna e ahau, ā, ka noho tahanga ia, kei meinga anō ia kia rite ki te rā i whānau ai ia; kei meinga ia e ahau kia rite ki te koraha, kei waiho ia hei whenua waikore, ā, ka mate i te matewai.

Mika 3:6

Mō reira ko te pō mō koutou, e kore ai he kite ki a koutou; ā, ka pōuri ki a koutou, e kore ai koutou e kite tikanga; ā, ka tō te rā ki ngā poropiti, ā, ka mangu te awatea ki runga ki a rātou.

Matiu 9:36

Ā, nō tōna kitenga i ngā mano, ka toko ake tōna ngākau aroha ki a rātou, e māuiui ana hoki rātou, e marara kē ana, me he hipi hēparakore.

1 Hamuera 28:15

Nā, ka mea a Hamuera ki a Haora, “He aha koe i whakaohooho ai i ahau, i mea ai kia haere ake ahau?” Anō rā ko Haora, “Nui atu tōku mate; e whawhai ana hoki ngā Pirihitini ki ahau, ā, kua mahue ahau i te Atua, kāhore ake hoki he kupu āna e whakahokia mai ki ahau e ngā poropiti, e ngā moe rānei; koia ahau i karanga ai ki a koe, hei ako i ahau ki tāku e mea ai.”

1 Hamuera 28:6

Nā, i te uinga a Haora ki a Ihowā, hore rawa he kupu a Ihowā i whakahokia mai ki a ia, e ngā moe, e ngā Urimi, e ngā poropiti rānei.

1 Hamuera 3:1

Nā, i te minita te tamaiti, a Hamuera, ki a Ihowā i te aroaro o Eri. Ā, he taonga mōmōhanga te kupu a Ihowā i aua rā; kāhore he whakakitenga nui.