Āmoho 7:6 - Paipera Tapu 2012

⁶ I puta kē tō Ihowā whakaaro mō tēnei; “E kore anō tēnei e meatia,” e ai tā te Ariki, tā Ihowā.

Te Paipera Tapu 1952

⁶ I puta ke to Ihowa whakaaro mo tenei, E kore ano tenei e meatia, e ai ta te Ariki, ta Ihowa.

Āmoho 7:6 Iomraidhean Croise

Kenehi 6:7

Nā, ka mea a Ihowā, “Ka whakangaromia atu e ahau i te mata o te whenua te tangata i hangā nei e ahau – te tangata, te kīrehe, te mea ngōkingōki, me ngā manu o te rangi; kua puta kē hoki tōku whakaaro i hangā ai rātou e ahau.”

1 Whakapapa 21:15

I tonoa anō e te Atua he anahera ki Hiruhārama whakangaro ai; ā, i a ia e mea ana ki te whakangaro, ka titiro a Ihowā. Nā, ka puta kē tō Ihowā whakaaro mō te kino, ā, ka mea ki te anahera whakangaro, “Kua nui! Kati tōu ringa.” Nā, tū ana te anahera a Ihowā i te patunga wīti a Oronana Iepuhi.

Waiata 106:45

I mahara hoki ia ki tāna kawenata ki a rātou, ā, rite tonu ki te tini o āna mahi aroha te putanga kētanga o ōna whakaaro.

Waiata 135:14

Ka whakawā hoki a Ihowā mō tāna iwi; ā, ka puta kē tōna whakaaro ki āna pononga.

Waiata 78:38

Ko tāna ia, he aroha; hīpokina ana e ia te hē, kīhai anō i whakangaro. Āe rā, he maha āna whakahokinga iho i tōna riri, ā, kīhai i oho katoa tōna riri.

Waiata 90:13

Hoki mai, e Ihowā, kia pēhea ake te roa? Ā, kia puta kē he whakaaro mōu ki āu pononga.

Ekoruhe 32:14

Nā, ka puta kē tā Ihowā i whakaaro ai mō te kino i kīia e ia kia meatia ki tāna iwi.

Heremaia 26:19

“I anga rānei a Hetekia kīngi o Hūrā rātou ko Hūrā katoa, i mea rawa ki te whakamate i a ia? He teka ianei i wehi ia i a Ihowā, ā, īnoi ana ki te mata o Ihowā, ā, rīpenetā ana a Ihowā ki te kino i kōrerotia e ia mō rātou? Nā, ko tātou, mā konei tātou e mea ai i te kino nui ki ō tātou nei wairua!”

Heremaia 42:10

‘Ki te noho tonu koutou ki tēnei whenua, kātahi ahau ka hanga i a koutou, ā, kāhore e wāhi iho i a koutou, ka whakatōkia hoki koutou e ahau, ā, kāhore e hūtia ake. Nō te mea e rīpenetā ana ahau ki te kino kua oti nei i ahau te mea ki a koutou.

Hoera 2:13

Haea hoki ō koutou ngākau, hāunga ō koutou kākahu. Ā, tahuri ki a Ihowā, ki tō koutou Atua, he aroha hoki tōna, he mahi tohu, he pūhoi ki te riri, he nui tōna atawhai, ā, e rīpenetā ana ia ki te kino.

Āmoho 7:3

I puta kē tō Ihowā whakaaro mō tēnei: “E kore e meatia,” e ai tā Ihowā.

Āmoho 7:7

I whakakitea tēnei e ia ki ahau: nā, ko te Ariki e tū ana i runga i te taiepa, he mea paramu ki te aho, me te aho paramu i tōna ringa.

Hona 3:10

Ā, ka kite te Atua i ā rātou mahi, kua tahuri atu rātou i tō rātou ara kino; nā, ka puta kē te whakaaro o te Atua mō te kino i kīia e ia kia meatia ki a rātou; ā, kīhai i meatia e ia.

Hona 4:2

Ā, ka īnoi ia, ki a Ihowā, ka mea, “Auē, e Ihowā, he teka ianei ko tāku tēnei i mea ai i ahau anō i tōku whenua? Nā reira ahau i rere wawe ai ki Tarahihi; i mōhio hoki ahau he Atua atawhai koe, he tohu tangata, he pūhoi ki te riri, he nui te aroha, e puta kē ana te whakaaro mō te kino.

Kaiwhakariterite 10:16

Nā, ka whakarērea e rātou ngā atua kē i roto i a rātou, ā, ka mahi ki a Ihowā; nā, ka kōingo tōna ngākau ki a Īharaira i mate nei.

Kaiwhakariterite 2:18

Ā, i ngā wā i whakaara ake ai a Ihowā i ngā kaiwhakarite mō rātou, nā, i te kaiwhakarite a Ihowā, ā, whakaorangia ake rātou e ia i te ringa o ō rātou hoariri i ngā rā katoa o te kaiwhakarite: i puta kē hoki te whakaaro o Ihowā i a rātou e auē ana i ō rātou kaitūkino, i ō rātou kaiwhakatoi.