Āmoho 7:3 - Paipera Tapu 2012

³ I puta kē tō Ihowā whakaaro mō tēnei: “E kore e meatia,” e ai tā Ihowā.

Te Paipera Tapu 1952

³ I puta ke to Ihowa whakaaro mo tenei; E kore e meatia, e ai ta Ihowa.

Āmoho 7:3 Iomraidhean Croise

Kenehi 6:7

Nā, ka mea a Ihowā, “Ka whakangaromia atu e ahau i te mata o te whenua te tangata i hangā nei e ahau – te tangata, te kīrehe, te mea ngōkingōki, me ngā manu o te rangi; kua puta kē hoki tōku whakaaro i hangā ai rātou e ahau.”

1 Whakapapa 21:15

I tonoa anō e te Atua he anahera ki Hiruhārama whakangaro ai; ā, i a ia e mea ana ki te whakangaro, ka titiro a Ihowā. Nā, ka puta kē tō Ihowā whakaaro mō te kino, ā, ka mea ki te anahera whakangaro, “Kua nui! Kati tōu ringa.” Nā, tū ana te anahera a Ihowā i te patunga wīti a Oronana Iepuhi.

Waiata 106:45

I mahara hoki ia ki tāna kawenata ki a rātou, ā, rite tonu ki te tini o āna mahi aroha te putanga kētanga o ōna whakaaro.

Waiata 78:38

Ko tāna ia, he aroha; hīpokina ana e ia te hē, kīhai anō i whakangaro. Āe rā, he maha āna whakahokinga iho i tōna riri, ā, kīhai i oho katoa tōna riri.

Waiata 90:13

Hoki mai, e Ihowā, kia pēhea ake te roa? Ā, kia puta kē he whakaaro mōu ki āu pononga.

Ekoruhe 32:14

Nā, ka puta kē tā Ihowā i whakaaro ai mō te kino i kīia e ia kia meatia ki tāna iwi.

Heremaia 26:19

“I anga rānei a Hetekia kīngi o Hūrā rātou ko Hūrā katoa, i mea rawa ki te whakamate i a ia? He teka ianei i wehi ia i a Ihowā, ā, īnoi ana ki te mata o Ihowā, ā, rīpenetā ana a Ihowā ki te kino i kōrerotia e ia mō rātou? Nā, ko tātou, mā konei tātou e mea ai i te kino nui ki ō tātou nei wairua!”

Heremaia 42:10

‘Ki te noho tonu koutou ki tēnei whenua, kātahi ahau ka hanga i a koutou, ā, kāhore e wāhi iho i a koutou, ka whakatōkia hoki koutou e ahau, ā, kāhore e hūtia ake. Nō te mea e rīpenetā ana ahau ki te kino kua oti nei i ahau te mea ki a koutou.

Hōhea 11:8

“Me pēhea koe ka hoatu whakarere ai e ahau, e Ēparaima? Me pēhea ka tukua ai koe e ahau, e Īharaira? Me pēhea ka meinga ai koe e ahau kia rite ki Arema? Me pēhea ka waiho ai koe kia rite ki Tepoimi? Kua puta kē tōku ngākau i roto i ahau, ngiha tahi anō ōku kōnohinohitanga.

Hoera 2:13

Haea hoki ō koutou ngākau, hāunga ō koutou kākahu. Ā, tahuri ki a Ihowā, ki tō koutou Atua, he aroha hoki tōna, he mahi tohu, he pūhoi ki te riri, he nui tōna atawhai, ā, e rīpenetā ana ia ki te kino.

Hoera 2:14

Ko wai ka tohu, tērā pea ka tahuri, ka puta kē ōna whakaaro, ā, ka mahue he manaaki i muri i a ia, arā he whakahere totokore, he ringihanga mā Ihowā, mā tō koutou Atua?

Āmoho 5:15

Kinongia te kino, arohaina te pai, whakapūmautia te whakawā ki te kūwaha. Tērā pea a Ihowā, te Atua o ngā mano, ka aroha ki te toenga o Hōhepa.

Āmoho 7:6

I puta kē tō Ihowā whakaaro mō tēnei; “E kore anō tēnei e meatia,” e ai tā te Ariki, tā Ihowā.

Hona 3:10

Ā, ka kite te Atua i ā rātou mahi, kua tahuri atu rātou i tō rātou ara kino; nā, ka puta kē te whakaaro o te Atua mō te kino i kīia e ia kia meatia ki a rātou; ā, kīhai i meatia e ia.

Tiuteronomi 32:36

Nō te mea ka whakatika a Ihowā i tā tāna iwi, ka aroha hoki ki āna pononga; ina kite ia kua riro tō rātou kaha, ā, kāhore he mea i toe, i tūtakina ki roto, i waiho atu rānei ki waho.

Hēmi 5:16

Whākina ō koutou hē tētahi ki tētahi, me īnoi anō koutou tētahi mō tētahi, kia ora ai ō koutou mate. Nui atu te mana o te īnoi kaha a te tangata tika.