Āmoho 7:2 - Paipera Tapu 2012

² Nā, ka poto te tarutaru o te whenua te kai, ka mea ahau, “E te Ariki, e Ihowā, tēnā rā, murua te hē. Mā te aha oti a Hākopa ka ara ai? He iti nei hoki ia!”

Te Paipera Tapu 1952

² Na ka poto te tarutaru o te whenua te kai, ka mea ahau, E te Ariki, e Ihowa, tena ra, murua te he: ma te aha oti a Hakopa ka ara ai? he iti nei hoki ia.

Āmoho 7:2 Iomraidhean Croise

Waiata 12:1

Whakaorangia, e Ihowā; ka mutu hoki ngā tāngata tapu; ka taweke atu te hunga pono i roto i ngā tama a te tangata.

Ekoruhe 10:15

Ngaro ana hoki i a rātou te mata o te whenua katoa, pōuri ana te whenua; ā, kainga ake e rātou ngā otaota katoa o te whenua, me ngā hua katoa o ngā rākau i toe i te whatu. Kīhai i mahue tētahi tupu o ngā rākau, o ngā otaota rānei o te māra, i te whenua katoa o Īhipa.

Ekoruhe 34:9

ā, ka mea, “Ki te mea kua manakohia mai ahau e koe, e te Ariki, kia haere rā tōku Ariki i waenganui i a mātou; he iwi kakī mārō hoki tēnei; murua atu hoki tō mātou kino, me tō mātou hara, waiho hoki mātou hei taonga tupu mōu.”

Ihāia 37:4

Tērā pea a Ihowā, tōu Atua, ka rongo ki ngā kupu a Rapahake i tonoa mai nei e tōna ariki, e te kīngi o Ahiria, hei whākorekore ki te Atua ora, ā, ka riri ki ngā kupu i rongo ai a Ihowā, tōu Atua. Nā, kia ara tāu īnoi mō ngā toenga e noho nei.”

Ihāia 51:19

Ka rua ēnei mea ka pono nei ki a koe – ko wai hei tangi ki a koe? Ko te whakangaromanga, ko te wawāhanga, ko te matekai, ko te hoari me pēhea tāku whakamārie i a koe?

Heremaia 14:7

Ahakoa whakaatu noa ō mātou kino i tō mātou hē, e mahi koe, e Ihowā, kia mahara hoki ki tōu ingoa; kua tini nei hoki ō mātou tahuritanga kētanga, kua hara mātou ki a koe.

Heremaia 42:2

ā, ka mea ki a Heremaia poropiti, “Tēnā, tukua atu tā mātou īnoi kia manaakitia ki tōu aroaro; māu hoki e īnoi mō mātou ki a Ihowā, ki tōu Atua, arā mō ēnei mōrehu katoa. He torutoru noa hoki mātou o te tokomaha i toe iho, e kite nā ōu kanohi i a mātou.

Ehekiera 11:13

Nā, i ahau e poropiti ana, ka mate a Peratia tama a Penaia. Kātahi ahau ka tāpapa ki raro, he nui tōku reo ki te karanga, i mea ahau, “Auē, e te Ariki, e Ihowā! Ka poto rawa rānei i a koe ngā mōrehu o Īharaira?”

Ehekiera 9:8

Nā, i a rātou e patu ana, ā, ka mahue ahau, ka tāpapa ahau, ka karanga, ka mea, “Auē, e te Ariki, e Ihowā! Ka ngaro ianei i a koe ngā mōrehu katoa o Īharaira, i te mea ka ringihia nei e koe tōu weriweri ki runga ki Hiruhārama?”

Raniera 9:19

Whakarongo, e te Ariki! E te Ariki, murua te hē! E te Ariki, whakarongo mai, e mahi! Kaua e whakaroa; kia mahara anō ki a koe, e tōku Atua, kua oti hoki tōu ingoa te whakahua mō tāu pā, mō tāu iwi.”

Hoera 2:17

Kia tangi ngā tohunga, ngā minita a Ihowā, ki te takiwā o te whakamahau, o te āta. Me te kī atu anō, “Tohungia, e Ihowā, tāu iwi, kaua anō tōu kāinga tupu e tukua ki te ingoa kino, kia meinga ko ngā tauiwi hei rangatira mō rātou. Kia kōrerotia hei aha i roto i ngā iwi, ‘Kei hea tō rātou Atua?’ ”

Āmoho 4:9

“Kua patua koutou e ahau ki te ngingio, ki te koriri; nui noa ā koutou kāri, ā koutou māra wāina, ā koutou piki, ā koutou ōriwa, pau ake i te whangawhanga; heoi, kīhai koutou i hoki mai ki ahau,” e ai tā Ihowā.

Āmoho 7:5

Nā, ka mea ahau, “Kāti rā, e te Ariki, e Ihowā! Mā te aha oti a Hākopa ka ara ai? He iti nei hoki ia!”

Hakaraia 4:10

“Ko wai oti i whakahāwea ki te rā o ngā mea ririki? Ka koa hoki rātou, ka kite hoki i te kōhatu paramu i roto i te ringa o Herupapera. Arā ēnei e whitu nei, koia nei ngā kanohi o Ihowā; e kōpikopiko ana rātou i te whenua katoa.”

Whakakitenga 9:4

I kōrerotia hoki ki a rātou kia kaua e kino i a rātou te tarutaru o te whenua, tētahi mea matomato rānei, tētahi rākau rānei; ko ngā tāngata anake kāhore nei te hīri a te Atua i ō rātou rae.