Āmoho 7:17 - Paipera Tapu 2012

¹⁷ Nō reira ko te kupu tēnei a Ihowā, ‘Tērā tāu wahine e kairau i roto i te pā, ā, ka hinga āu tama me āu tamāhine i te hoari, ka wehewehea tōu oneone, mea rawa ki te aho; ka mate koe i runga i te oneone poke, ka whakaraua rawatia atu hoki a Īharaira i tōna oneone.’ ”

Te Paipera Tapu 1952

¹⁷ No reira ko te kupu tenei a Ihowa, Tera tau wahine e kairau i roto i te pa, a ka hinga au tama me au tamahine i te hoari, ka wehewehea tou oneone, mea rawa ki te aho; ka mate koe i runga i te oneone poke, ka whakaraua rawatia atu hoki a Iharaira i tona oneone.

Āmoho 7:17 Iomraidhean Croise

2 Kīngi 17:6

I te iwa o ngā tau o Hohea ka horo Hamaria i te kīngi o Ahiria, ā, whakahekea atu ana e ia a Īharaira ki Ahiria, ā, whakanohoia ana ki Haraha, ki Haporo, i te taha o te awa, o Kotana, ā, ki ngā pā o ngā Meri.

Waiata 78:55

Peia ana e ia ngā tauiwi i tō rātou aroaro; ā, wehea ana e ia he kāinga mō rātou ki te aho, whakanohoia iho ngā hapū o Īharaira ki ō rātou tēneti.

Ihāia 13:16

Ka tāia iho hoki ā rātou kōhungahunga i tā rātou tirohanga; ka pāhuatia ō rātou whare, ka moea anō ā rātou wāhine.

Ihāia 22:18

He pono ka tahuri ia, ka whiua koe, ānō he mea porotaka ki tētahi whenua nui; hei reira koe mate ai, ki reira anō hoki ngā hāriata o tōu korōria, e koe, e te whakamā o te whare o tōu ariki.

Heremaia 14:16

Nā, ko te iwi ki a ia nei tā rātou poropititanga, ka ākiritia ki ngā ara o Hiruhārama i te ngaunga a te hemokai, a te hoari; kāhore hoki he tangata hei tanu i a rātou, i a rātou, i ā rātou wāhine, i ā rātou tama, i ā rātou tamāhine. Nō te mea ka ringihia e ahau tō rātou kino ki runga ki a rātou.

Heremaia 20:6

Nā, ko koe, e Pahuru, koutou ko ngā tāngata katoa e noho ana i tōu whare, ka riro koutou ki te whakarau; ā, ka tae koe ki Papurōna, mate atu ki reira, tanumia atu ki reira, a koe me ōu hoa aroha katoa, i poropiti teka atu nā koe ki a rātou.’ ”

Heremaia 28:12

Kātahi ka puta mai te kupu a Ihowā ki a Heremaia i muri i te wawāhanga a Hanania poropiti i te ioka i te kakī o Heremaia poropiti, ā, ka mea ia:

Heremaia 28:16

Mō reira ko te kupu tēnei a Ihowā: ‘Nanā, ka peia atu koe e ahau i te mata o te oneone. I tēnei tau anō ka mate koe, nō te mea kua kōrero koe i te tutū ki a Ihowā.’ ”

Heremaia 29:21

Ko te kupu tēnei a Ihowā o ngā mano, a te Atua o Īharaira, mō Āhapa tama a Koraia, mō Terekia tama a Maaheia, e poropiti teka nā ki a koutou i runga i tōku ingoa: “Nanā, ka hoatu rāua e ahau ki te ringa o Nepukareha kīngi o Papurōna; ā, māna rāua e whakamate i ō koutou aroaro.

Heremaia 29:25

“Ko te kupu tēnei a Ihowā o ngā mano, a te Atua o Īharaira, e mea ana ia: I te mea kua tukua e koe ētahi pukapuka i runga i tōu ake ingoa ki te iwi katoa i Hiruhārama, ki te tohunga, ki a Tepania tama a Maaheia, rātou ko ngā tohunga katoa, kua mea atu:

Ngā Tangi 5:11

Taea ana e rātou ngā wāhine o Hiona, ngā wāhina i ngā pā o Hūrā.

Ehekiera 4:13

Ā, i kī mai a Ihowā, “Ka pēnā anō te kai a ngā tama a Īharaira, i tā rātou taro poke i roto i ngā tauiwi e peia atu ai rātou e ahau.”

Hōhea 9:3

E kore rātou e noho ki te whenua o Ihowā; engari ka hoki a Ēparaima ki Īhipa; ā, ka kai rātou i te mea poke ki Ahiria.

Āmoho 6:7

Nā āianei, ko rātou ki mua ka whakaraua atu o te hunga e whakaraua ana, ā, ka kore te hākari a te hunga i whārōrō rā.

Āmoho 7:11

Ko te kupu hoki tēnei a Āmoho, ‘Ka mate a Ieropoama i te hoari, ā, ka whakaraua rawatia atu a Īharaira i tō rātou oneone.’ ”

Āmoho 8:1

I whakakitea anō tēnei e te Ariki, e Ihowā, ki ahau – nā, he kete hua raumati.

Āmoho 9:1

I kite ahau i te Ariki e tū ana i te taha o te āta, nā, ka mea ia: “Tāia ngā puku whakapaipai, kia ngarue ai ngā paepae; ākina kia pakaru rikiriki ki runga ki te māhunga o rātou katoa; ā, ka tukitukia e ahau ngā whakamutunga o rātou ki te hoari; e kore rawa tētahi kotahi o rātou e rere, e kore hoki tētahi kotahi e mawhiti.

Āmoho 9:8

Nanā, kei runga ngā kanohi o te Ariki, o Ihowā, i te kīngitanga hara, ā, ka poto atu i ahau i runga i te mata o te whenua – e kore ia e poto rawa i ahau te whare o Hākopa,” e ai tā Ihowā.

Mika 1:16

Moremorea tōu māhunga, kutikutia hoki, mō āu tamariki i āhuareka ai; whakanuia tōu pākira kia rite ki tō te ēkara; kua mawehe atu hoki rātou i a koe, kua whakaraua.

Hakaraia 14:2

Nā, ka huihuia e ahau ngā iwi katoa ki te tatau ki Hiruhārama, ā, ka horo te pā, ka pāhuatia ngā whare, ka moea ngā wāhine, ā, ko tētahi hāwhe o te pā ka riro hei whakarau, e kore anō ia te toenga o te iwi e hātepea atu i roto i te pā.