Āmoho 7:1 - Paipera Tapu 2012

¹ Ko tā te Ariki, ko tā Ihowā tēnei i whakaatu ai ki ahau: Nanā, i hangā e ia he māwhitiwhiti i te tīmatanga o te pihinga ake o tō muri tupu; nanā, ko tō muri tupu ia i muri iho i ā te kīngi tapahanga.

Te Paipera Tapu 1952

¹ Ko ta te Ariki, ko ta Ihowa tenei i whakaatu ai ki ahau; nana, i hanga e ia he mawhitiwhiti i te timatanga o te pihinga ake o to muri tupu; nana, ko to muri tupu ia i muri iho i a te kingi tapahanga.

Āmoho 7:1 Iomraidhean Croise

Ihāia 33:4

Ko te kohikohinga o ō koutou taonga ānō he moka e kohi ana; kei te tarapeke o te māwhitiwhiti te rite ina kōkiritia e rātou.

Heremaia 24:1

I whakakite a Ihowā ki ahau, nā, e rua ngā kete piki i whakatūria ki mua i te temepara o Ihowā. I muri iho i te whakaraunga a Nepukareha kīngi o Papurōna i a Hekonia tama a Iehoiakimi kīngi o Hūrā, rātou ko ngā rangatira o Hūrā, ko ngā kāmura, ko ngā parakimete i Hiruhārama, i tāna kawenga hoki i a rātou ki Papurōna.

Ehekiera 11:25

Nā, kōrerotia ana e ahau ki ngā whakarau ngā mea katoa i whakakitea ki ahau e Ihowā.

Hoera 1:4

Ko te toenga a te whangawhanga pau ake i te māwhitiwhiti; ko te toenga a te māwhitiwhiti pau ake i te tātarakihi; ā, ko te toenga a te tātarakihi pau ake i te moka.

Hoera 2:25

“Ā, ka whakahokia mai e ahau ki a koutou ngā tau i kainga e te māwhitiwhiti, e te tātarakihi, e te moka, e te whangawhanga, e tāku ope nui i tukua atu e ahau ki a koutou.

Āmoho 4:9

“Kua patua koutou e ahau ki te ngingio, ki te koriri; nui noa ā koutou kāri, ā koutou māra wāina, ā koutou piki, ā koutou ōriwa, pau ake i te whangawhanga; heoi, kīhai koutou i hoki mai ki ahau,” e ai tā Ihowā.

Āmoho 7:4

Ko tā te Ariki, ko tā Ihowā tēnei i whakakite ai ki ahau: Nā, kua karangatia e te Ariki, e Ihowā, he whawhai, he mea ahi, ā, ka pau te rire nui, ā, ka mea kia kainga te whenua.

Āmoho 7:7

I whakakitea tēnei e ia ki ahau: nā, ko te Ariki e tū ana i runga i te taiepa, he mea paramu ki te aho, me te aho paramu i tōna ringa.

Āmoho 8:1

I whakakitea anō tēnei e te Ariki, e Ihowā, ki ahau – nā, he kete hua raumati.

Hakaraia 1:20

Nā, ka whakakitea e Ihowā ētahi kāmura ki ahau, tokowhā.

Maraki 3:11

Ā, ka rīria e ahau te kaiwhakapareho, he mea mō koutou, ā, e kore e hunā e ia ngā hua o tō koutou oneone; e kore anō e marere noa ngā hua o tā koutou wāina i te māra,” e ai tā Ihowā o ngā mano.