Āmoho 6:8 - Paipera Tapu 2012

⁸ Kua oatitia te Ariki, a Ihowā, e ia anō, e ai tā Ihowā, tā te Atua o ngā mano: “E whakarihariha ana ahau ki tā Hākopa e whakaī nā, e kino ana ki ōna whare kīngi; mō reira ka tukua atu e ahau te pā me ngā mea i roto.”

Te Paipera Tapu 1952

⁸ Kua oatitia te Ariki, a Ihowa, e ia ano, e ai ta Ihowa, ta te Atua o nga mano, E whakarihariha ana ahau ki ta Hakopa e whakai na, e kino ana ki ona whare kingi: mo reira ka tukua atu e ahau te pa me nga mea i roto.

Āmoho 6:8 Iomraidhean Croise

Kenehi 22:16

ka mea, “Kua waiho e ahau ko ahau anō hei oati, e ai tā Ihowā, mōu i mea i tēnei mea, mōu anō hoki kīhai i kaiponu i tāu tama, i tāu huatahi,

Waiata 106:40

Koia i mura ai te riri o Ihowā ki tāna iwi, ā, whakarihariha ana ia ki tōna kāinga tupu;

Waiata 47:4

Māna e whiriwhiri tō tātou nohoanga mō tātou, te mea pai rawa o Hākopa, o tāna i aroha ai. Hera

Waiata 50:12

“Me he matekai tōku, e kore ahau e kōrero ki a koe; nāku nei hoki te ao, me ōna tini mea.

Waiata 78:59

I te rongonga o te Atua, ka riri, ka tino whakarihariha hoki ki a Īharaira.

Whakatauki 8:13

Ko te wehi ki a Ihowā koia tēnā ko te kino ki te hē. E kino ana ahau ki te whakapehapeha, ki te whakakake, ki te ara hē, ki te māngai whanokē.

Ihāia 28:1

Auē te hē mō te karauna whakapehapeha o te hunga haurangi o Ēparaima, ki te puāwai memenge hoki o tōna ātaahua whakakorōria, tērā i te wāhi ki runga o te awaawa mōmona o te hunga kua hinga i te wāina!

Heremaia 12:8

Ko tōku kāinga tupu, tōna rite ki ahau kei te raiona i roto i te ngahere. Hāmama ana ia ki ahau; nā reira kino iho ahau ki a ia.

Heremaia 22:14

e mea ana, ‘Ka hangā e ahau he whare māhorahora mōku, he rarahi ngā rūma.’ Pokaia ana he matapihi mōna i roto; ā, ko te hīpoki he hīta, pania ake ki te whero ngangana.

Heremaia 22:5

Engari, ki te kore koutou e whakarongo ki ēnei kupu, hei oati tēnei māku ki ahau anō, e ai tā Ihowā, tērā tēnei whare e takoto kau.’ ”

Heremaia 44:26

Mō reira whakarongo ki te kupu a Ihowā, e Hūrā katoa e noho nei i te whenua o Īhipa: ‘Nanā, kua oatitia e ahau tōku ingoa nui,’ e ai tā Ihowā, ‘e kore tōku ingoa e whakahuatia ā muri ake nei e te māngai o tētahi tangata o Hūrā i te whenua katoa o Īhipa, e kore e kīia, “E ora ana te Ariki, a Ihowā.”

Heremaia 49:13

Nō te mea kua waiho ahau e ahau anō hei oati, e ai tā Ihowā, ka waiho a Potora hei mīharotanga, hei ingoa kino, hei ururua, hei kanga anō hoki; ā, ka waiho ōna pā katoa hei koraha ake ake.”

Heremaia 51:14

Kua oatitia e Ihowā o ngā mano tōna oranga, kua mea: He pono ka whakakīia koe e ahau ki te tangata, kei te huhu te rite; ā, ka hāmama rātou ki a koe.

Ngā Tangi 2:5

Kua rite te Ariki ki te hoariri, kua horomia e ia a Īharaira; kua horomia e ia ōna whare kīngi katoa, kua whakamōtītia e ia ōna pā taiepa. Ā, kua whakanuia e ia te tangi me te auē o te tamāhine a Hūrā.

Ehekiera 24:21

Mea atu ki te whare o Īharaira: Ko te kupu tēnei a te Ariki, a Ihowā: Tēnei ahau te whakapoke nei i tōku wāhi tapu, i tā koutou i whakaī ai, i tā koutou kanohi e hiahia nei, i te mea e manawapātia ana e tō koutou wairua. Nā, ko ā koutou tama, ko ā koutou tamāhine, i mahue nei ki a koutou, ka hinga i te hoari.

Hōhea 11:6

Ka hāua iho te hoari ki runga ki ōna pā, whakamōtī ai i ōna tūtaki ā pau ake; nā ō rātou whakaaro hoki.

Rewitikuha 26:11

Ā, ka whakatūria e ahau tāku tapenākara ki waenganui i a koutou, e kore anō tōku wairua e whakarihariha ki a koutou.

Rewitikuha 26:30

Ā, ka ngaro i ahau ā koutou wāhi teitei, ka tapahia anō hoki ā koutou whakapakoko, ka makā ō koutou tinana ki runga ki ngā tinana o ā koutou whakapakoko; ā, ka whakarihariha anō hoki tōku wairua ki a koutou.

Āmoho 3:10

“Kāhore hoki rātou e mōhio ki te mahi i te tika,” e ai tā Ihowā, “e rongoā nei rātou i te mahi tutū me te pāhua i roto i ō rātou whare kīngi.”

Āmoho 3:11

Mō reira ko te kupu tēnei a te Ariki, a Ihowā: “He hoariri tērā, ka karapotia e ia te whenua; ā, ka riro iho i a ia tōu kaha, ka pāhuatia hoki ōu whare kīngi.”

Āmoho 4:2

Kua oatitia tōna tapu e te Atua, e Ihowā: “Nanā, kei te haere mai ngā rā ki a koutou e mauria ai koutou e rātou ki te matau, ō koutou whakamutunga ki te matau ika.

Āmoho 5:21

“E kino ana ahau, e whakarihariha ana ki ā koutou hākari, ā, e kore ahau e āhuareka ki ā koutou huihui nunui.

Āmoho 8:3

“He auē anō ngā waiata o te temepara i taua rā,” e ai tā te Ariki, tā Ihowā; “ka maha ngā tinana mate i ngā wāhi katoa; ka ākiritia pukutia atu.”

Āmoho 8:7

Kua oatitia e Ihowā te nui o Hākopa: “E kore ahau e wareware ki tētahi o ā rātou mahi ā ake ake.

Hakaraia 11:8

He mea hātepe anō nāku ngā hēpara tokotoru i te marama kotahi; i whakarihariha hoki tōku wairua ki a rātou, ko ō rātou wairua hoki i whakarihariha ki ahau.

Tiuteronomi 32:19

Ā, ka kite a Ihowā, nā anuanu ana ia ki a rātou, mō te mahi whakapātaritari a āna tama, a āna tamāhine.