Āmoho 6:1 - Paipera Tapu 2012

¹ Auē te mate mō te hunga e noho hūmārie ana i Hiona, mō te hunga hoki e whakawhirinaki ana ki te maunga o Hamaria, ngā tāngata whai ingoa o te tuatahi o ngā iwi, i tae atu nei te whare o Īharaira ki a rātou!

Te Paipera Tapu 1952

¹ Aue, te mate mo te hunga e noho humarie ana i Hiona, mo te hunga hoki e whakawhirinaki ana ki te maunga o Hamaria, nga tangata whai ingoa o te tuatahi o nga iwi, i tae atu nei te whare o Iharaira ki a ratou.

Āmoho 6:1 Iomraidhean Croise

1 Kīngi 16:24

Nā, ka hokona e ia i a Hemere te pukepuke, a Hamaria, mō ngā taranata hiriwa e rua; ā, hanga ana ia ki runga ki te pukepuke, ā, huaina iho e ia te ingoa o te pā i hangā e ia ko Hamaria, ko te ingoa o Hemere, o te tangata nōna te puke.

Waiata 123:4

Kapi tonu tō mātou wairua i te whakahī a te hunga e noho noa ana, i te whakahāwea a te hunga whakakake.

Whakatauki 1:32

Ko te tahuritanga atu hoki o ngā kūware hei patu i a rātou; ko te ngākau warea anō hoki o ngā wairangi hei huna i a rātou.

Ihāia 33:14

Pawera noa iho ngā tāngata hara i Hiona, mau pū te hunga atuakore i te tūiri. “Ko wai o tātou e noho ki te ahi e kai ana? Ko wai o tātou e noho ki ngā tahunga e kore nei e mutu?”

Heremaia 2:3

He tapu a Īharaira ki a Ihowā, ko ngā mātāmua ia o ōna hua. Ko te hunga katoa e kai ana i a ia, ka kīia he hē tā rātou; ka pā te kino ki a rātou,” e ai tā Ihowā.

Heremaia 48:11

“I runga a Moapa i te rangimārie nō tōna tamarikitanga ake, ā, i āta takoto ia i runga i ōna nganga, kīhai i ringihia atu i tētahi oko ki tētahi oko, kīhai anō hoki ia i riro i te whakarau. Heoi, mau tonu tōna reka ki a ia, ā, kīhai tōna kakara i rerekē.

Heremaia 49:31

“Whakatika, whakaekea te iwi e noho ana i te rangimārie, e noho kore wehi nā,” e ai tā Ihowā; “kāhore nā ō rātou kēti, kāhore he tūtaki, e noho takitahi ana.

Heremaia 5:5

Ka haere ahau ki ngā tāngata rarahi, ka kōrero ki a rātou; e mōhio ana hoki rātou ki te ara a Ihowā, ki te whakarite a tō rātou Atua.” Heoi, ko ēnei, kotahi tonu rātou tahi nāna i wāwāhi te ioka, i motumotu hoki ngā here.

Heremaia 7:4

Kei whakawhirinaki ki ngā kupu teka noa, kei kī: “Ko te temepara o Ihowā, ko te temepara o Ihowā, ko te temepara o Ihowā ēnei.”

Ngā Tangi 1:1

Taukiri e! Noho mokemoke ana te pā i kī nei i te tangata! Ānō tōna rite he pouaru! Kua waiho hei hoatu takoha te mea i nui nei i roto i ngā iwi, te rangatira i roto i ngā kāwanatanga!

Āmoho 3:2

“Ko koutou anake tāku i mōhio ai o ngā hapū katoa o te ao. Mō reira ka whiua koutou e ahau mō ō koutou hē katoa.”

Āmoho 3:9

Pānuitia atu i roto i ngā whare kīngi i Aharoro, i ngā whare kīngi hoki i te whenua o Īhipa, mea atu, “Whakamine i a koutou ki runga ki ngā maunga o Hamaria, ka mātakitaki ki ngā ngangau nui i waenga o reira, ki ngā tūkinotanga hoki i waenga o reira.”

Āmoho 4:1

Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Āmoho 5:27

Nā, ka whakaraua koutou e ahau ki kō atu i Ramahiku,” e ai tā Ihowā nōna nei te ingoa, Ko te Atua o ngā Mano.

Āmoho 8:14

Nā, ko te hunga e oati ana i te hē o Hamaria, e kī ana, ‘Kei te ora tōu Atua, e Rāna,’ me tēnei, ‘Kei te ora te tikanga o Peerehepa’ – ka taka rawa rātou, e kore anō e ara ā muri ake nei.”

Āmoho 9:10

Ka mate i te hoari te hunga hara katoa o tāku iwi, ēnā e kī nā, ‘E kore tātou e mau, e kore anō e haukotia e te kino.’ ”

Mika 3:1

Ā, i mea ahau: “Whakarongo mai, e ngā upoko o Hākopa, e ngā ariki o te whare o Īharaira! He teka ianei mō koutou te mātauranga ki te whakawā?

Tepania 1:12

I taua rā ka rapua e ahau tā Hiruhārama, mea rawa ki te rama; ka whiua anō ngā tāngata kua tōtoka i runga i ō rātou nganga, ā, e mea ana i roto i ō rātou ngākau, ‘E kore a Ihowā e mahi i te pai, e kore anō e mahi i te kino.’

Hēmi 1:18

Nā tōna hiahia ake anō tātou whānau ai, he meatanga nā te kupu o te pono, kia meinga ai tātou me he mātāmua mō āna mea i hanga ai.

Hēmi 5:5

Kua kai koutou i ngā kai papai i runga i te whenua, whāia ana e koutou a te tinana whakaahuareka; atawhaitia ana e koutou ō koutou ngākau, me te mea anō ko te rā okanga tēnei.

1 Pita 5:7

Makā atu ō koutou mānukanuka katoa ki runga ki a ia; e whakaaro ana hoki ia ki a koutou.

Kaiwhakariterite 18:7

Nā, ka haere aua tāngata tokorima, ka tae ki Raihi, ā, ka kite i ngā tāngata o reira, i te pai o tā rātou noho, rite tonu ki a ngā Haironi, te āta noho, te mau; kāhore hoki he tangata whai mana o te whenua hei mea kia whakamā rātou ki tētahi mea, ā, e matara mai ana rātou i ngā Haironi, kāhore hoki ā rātou aha ki tētahi tangata.