Āmoho 5:7 - Paipera Tapu 2012

⁷ E te hunga i puta kē ai te whakawā hei taru kawa, i tāia ai te tika ki te whenua.

Te Paipera Tapu 1952

⁷ E te hunga i puta ke ai te whakawa hei taru kawa, i taia ai te tika ki te whenua;

Āmoho 5:7 Iomraidhean Croise

Waiata 125:5

Ko te hunga ia e peka kē ana ki ō rātou ara kōpikopiko, mā Ihowā rātou e ārahi tahi atu me ngā kaimahi i te kino. Kia mau te rongo ki a Īharaira!

Waiata 36:3

He kino ngā kupu a tōna māngai, he rauhanga hoki, kua mahue i a ia te mahara, te mahi i te pai.

Whakatauki 21:7

Mā te pāhua a te hunga kino e tahi atu rātou; mō rātou kāhore e pai ki te whakawā.

Ihāia 1:23

Ko ōu rangatira kei te whakakeke, ā, he hoa rātou nō te hunga tāhae. E whakapai ana rātou ki te moni whakapati, e whai ana i te utu. Kāhore rātou e whakawā ana mō te pani, ā, kāhore te tohe a te pouaru e tae ana ki a rātou.

Ihāia 10:1

Auē te mate mō te hunga e whakatakoto ana i ngā tikanga hē, mō ngā kaituhituhi anō hoki e tuhituhi nei i te mea nanakia;

Ihāia 46:12

“Whakarongo ki ahau, e te hunga ngākau pakari, e matara atu ana i te tika.

Ihāia 5:20

Auē te mate mō te hunga e mea nei ki te kino, he pai, ki te pai hoki, he kino; e mea nei i te pōuri hei mārama, i te mārama hoki hei pōuri; e mea nei i te kawa hei reka, i te reka hei kawa!

Ihāia 5:7

Ko te māra wāina hoki a Ihowā o ngā mano, ko te whare o Īharaira, ā, ko ngā tāngata o Hūrā tāna mea āhuareka i whakatō ai; ka tatari ia ki te whakawā, nā, ko te tūkino; ki te tika, nā, he auē.

Ehekiera 18:24

“Ki te tahuri atu ia te tangata tika i tōna tika, ki te mahia e ia te hē, ā, ka rite tāna mahi ki ngā mea whakarihariha katoa i mahia e te tangata kino, e ora rānei ia? E kore āna mahi tika katoa e maharatia; ka mate ia i runga i tōna kino i kino ai ia, i runga anō i tōna hara i hara ai ia.

Ehekiera 3:20

“Nā, ki te tahuri atu te tangata tika i tōna tika, ā, ka mahia e ia te kino, ā, ka hoatu e ahau he tūtukitanga waewae ki tōna aroaro, ka mate ia. I te mea kīhai koe i whakatūpato i a ia, ka mate ia i runga i tōna hara, e kore anō āna mahi tika i mahia e ia e maharatia; otiia ka rapua e ahau he utu mō ōna toto i tōu ringa.

Ehekiera 33:18

Ki te tahuri atu te tangata tika i tōna tika, ā, ka mahia e ia te hē, ka mate ia i aua hē.

Hōhea 10:4

E kōrero ana rātou i ngā kōrero horihori, e oati teka ana i te mea e whakarite whakawā ana; nā reira e rite ana te tupu o te whakawā ki tō te hemoreke i ngā moa o te māra.

Āmoho 2:3

Ā, ka hātepea atu e ahau te kaiwhakawā i roto i a ia, ka patua rātou tahi ko ngā rangatira katoa o reira,” e ai tā Ihowā.

Āmoho 3:10

“Kāhore hoki rātou e mōhio ki te mahi i te tika,” e ai tā Ihowā, “e rongoā nei rātou i te mahi tutū me te pāhua i roto i ō rātou whare kīngi.”

Āmoho 6:12

E rere rānei te hōiho i runga i te kāmaka? E parautia rānei a reira ki te kau? I whakaputaina kētia ai e koutou te whakawā hei au, ngā hua hoki o te tika hei taru kawa –

Mika 3:9

Tēnā rā, whakarongo ki tēnei, e ngā upoko o te whare o Hākopa, e ngā ariki hoki o te whare o Īharaira, e whakarihariha nā ki te whakawā, e whakapeau kē nā i te tika katoa.

Hapakuku 1:4

Nā reira kahakore noa iho te ture, kore tonu ake e puta te whakawā; e karapotia ana hoki te tika e te kino – nā reira, te putanga o te whakawā, he parori kē.

Tepania 1:6

Me te hunga i tahuri atu nei i te whai i a Ihowā, me te hunga kīhai nei i ui ki a Ihowā, kīhai anō i rapu i a ia.”

Tiuteronomi 29:18

Kei noho i roto i a koutou he tangata, he wahine rānei, he hapū, he iwi rānei, e tahuri kē atu ana tōna ngākau i tēnei rā i a Ihowā, i tō tātou Atua, e haere ana ki te mahi ki ngā atua o ērā iwi; kei puta ake i roto i a koutou he pakiaka e tupu ake ai te taru whakamate me te taru kawa.