Āmoho 5:6 - Paipera Tapu 2012

⁶ Rapua a Ihowā, ā, ka ora koutou; kei toro atu ia, ānō he ahi, i roto i te whare o Hōhepa, ā, pau noa, ā, kore noa iho he kaitinei i roto i Pētēre.

Te Paipera Tapu 1952

⁶ Rapua a Ihowa, a ka ora koutou; kei toro atu ia, ano he ahi, i roto i te whare o Hohepa, a pau noa, a kore noa iho he kaitinei i roto i Peteere.

Āmoho 5:6 Iomraidhean Croise

2 Hamuera 19:20

E mōhio ana hoki tāu pononga i hara ahau. Koia ahau i haere mai ai ināianei, ko te tuatahi o te whare katoa o Hōhepa; i haere mai hoki ki raro, ki te whakatau i tōku ariki, i te kīngi.”

1 Kīngi 11:28

Nā, he mārohirohi a Ieropoama, he toa; ā, ka kite a Horomona i taua taitama he uaua ki te mahi, nā, meinga ana ia e ia hei kaitirotiro mō ngā mahi katoa a te whare o Hōhepa.

2 Whakapapa 34:25

Mō rātou i whakarere i ahau, i tahu whakakakara hoki ki ngā atua kē, hei whakapātaritari i ahau ki ngā mahi katoa a ō rātou ringa; koia tōku riri ka ringihia ai ki tēnei wāhi; e kore anō e tineia.

Waiata 27:8

I a koe i mea, “Rapua e koutou tōku mata.” Ka mea tōku ngākau ki a koe, “Ka rapu ahau i tōu mata, e Ihowā.”

Waiata 69:33

Nō te mea ka rongo a Ihowā ki ngā rawakore, e kore anō e whakahāwea ki āna herehere.

Ekoruhe 22:6

“Ki te toro atu te ahi, ā, ka pono ki ngā tātarāmoa, ā, ka pau ngā whakapū wīti, te wīti rānei e tū ana, te māra rānei; me āta whakautu e te tangata nāna i tahu te ahi.

Ihāia 1:31

Ā, hei muka te mea kaha, hei korakora anō tāna mahi; nā, ka ngiha ngātahi rāua, kāhore hoki he tangata hei tinei.

Ihāia 55:3

Tahuri mai ō koutou taringa, haere mai ki ahau; whakarongo mai, ā, ka ora ō koutou wairua. Ā, māku e whakarite ki a koutou he kawenata mau tonu, arā ngā atawhainga pono i a Rāwiri.

Ihāia 55:6

Rapua a Ihowā, kei kitea ana ia, karangatia atu, kei tata ana mai ia;

Heremaia 38:20

Otiia ka mea a Heremaia, “E kore koe e tukua e rātou. Whakarongo oti ki te reo o Ihowā e kōrerotia nei e ahau ki a koe. Nā, ka whiwhi koe ki te pai, ā, ka ora tōu wairua.

Heremaia 4:4

Kotia hoki koutou, hei mea ki a Ihowā, whakarērea hoki ngā kiri matamata o ō koutou ngākau, e ngā tāngata o Hūrā, e te hunga anō e noho ana i Hiruhārama; kei puta tōku riri ānō he ahi, kei mura, ā, kāhore e tineia, mō te kino hoki o ā koutou mahi.”

Heremaia 7:20

“ ‘Nā, ko te kupu tēnei a te Ariki, a Ihowā: Nanā, ka ringihia tōku riri, tōku āritarita, ki runga ki tēnei wāhi, ki runga ki te tangata, ki te kararehe, ki te rākau o te māra, ki ngā hua o te oneone; ā, ka ngiha, e kore anō e tineia.

Ehekiera 21:3

mea atu hoki ki te whenua o Īharaira: ‘Ko te kupu tēnei a Ihowā: Nanā, hei hoariri ahau mōu, ka maunu anō i ahau tāku hoari i roto i tōna takotoranga, ka hātepea atu e ahau te tangata tika rāua ko te tangata hē i roto i a koe.

Ehekiera 33:11

Mea atu ki a rātou, ‘E ora ana ahau, e ai tā te Ariki, tā Ihowā, kāhore ōku ngākau koa ki te matenga o te tangata kino; engari kia tahuri te tangata kino i tōna ara, kia ora; tahuri mai, tahuri mai koutou i ō koutou ara kino; kia mate hoki koutou hei aha, e te whare o Īharaira?’

Ehekiera 37:19

Mea atu ki a rātou: ‘Ko te kupu tēnei a te Ariki, a Ihowā: Nanā ka mau ahau ki te rākau o Hōhepa, ki tērā i te ringa o Ēparaima, ki ōna hoa anō, ki ngā iwi o Īharaira; ā, ka whakatakotoria rātou e ahau ki tērā, arā ki te rākau o Hūrā, ka meinga hoki rāua hei rākau kotahi, ā, ka kotahi tonu rāua i roto i tōku ringa.’

Āmoho 3:14

“Nō te mea hei te rā e pā ai tāku ki a Īharaira mō ōna poka kē, ka pā anō hoki tāku ki ngā āta o Pētēre, ā, ka pōutoa ngā haona o te āta, ka taka ki te whenua.

Āmoho 5:14

Rapua te pai, kauaka hoki te kino, kia ora ai koutou; pēnei ko Ihowā, ko te Atua o ngā mano hei hoa mō koutou, hei pēnā anō me tā koutou e kī nā.

Āmoho 5:4

Ko te kupu hoki tēnei a Ihowā ki te whare o Īharaira: “Rapua ahau, kia ora ai koutou;

Āmoho 6:6

e inu ana i te wāina o ngā peihana, ā, e whakawahi ana i a rātou ki ngā hinu pai rawa; kāhore ia ō rātou pōuri mō te aituā o Hōhepa,

Tepania 2:3

Rapua a Ihowā, e te hunga māhaki katoa o te whenua, e te hunga e mahi ana i tāna i whakarite ai; rapua te tika, rapua te tikanga māhaki; me kāhore koutou e piri i te rā o tō Ihowā riri.

Hakaraia 10:6

“Nā, ka kaha i ahau te whare o Hūrā, ka ora anō i ahau te whare o Hōhepa. Ka whakahokia ki te nohoanga; nō te mea ka tohungia rātou e ahau, ā, me te mea kīhai rātou i peia e ahau; ko ahau hoki, ko Ihowā, tō rātou Atua, ka whakarongo anō ahau ki a rātou.

Tiuteronomi 32:22

Ka ngiha hoki te ahi i ahau e riri ana, ka toro atu ki te takere rā anō o te rēinga, pau ake hoki te whenua, tahuna ana ngā tūranga o ngā maunga.

Tiuteronomi 4:24

Ko Ihowā hoki, ko tōu Atua, he ahi e kai ana, he Atua hae ia.

Hohua 18:5

Me wehe hoki e rātou kia whitu ngā wāhi; me noho a Hūrā ki tōna wāhi ki te tonga, me noho anō hoki te whare o Hōhepa ki tōna wāhi ki te raki.