Āmoho 5:4 - Paipera Tapu 2012

⁴ Ko te kupu hoki tēnei a Ihowā ki te whare o Īharaira: “Rapua ahau, kia ora ai koutou;

Te Paipera Tapu 1952

⁴ Ko te kupu hoki tenei a Ihowa ki te whare o Iharaira, Rapua ahau, kia ora ai koutou.

Āmoho 5:4 Iomraidhean Croise

2 Kīngi 20:3

“Tēnā rā, e Ihowā, kia mahara ki ōku hāereerenga i tōu aroaro i runga i te pono, i te ngākau tapatahi, ki tāku meatanga i te pai ki tāu titiro.” Nā, tangi ana a Hetekia, nui atu te tangi.

1 Whakapapa 28:9

Me koe hoki, “E tāku tama, e Horomona, kia mōhio koe ki te Atua o tōu pāpā, kia tapatahi hoki te ngākau, kia hihiko te wairua e mahi ai koe ki a ia; e rapua ana hoki e Ihowā ngā mea o ngā ngākau katoa, ā, e mōhiotia katoatia ana e ia ngā tokonga ake o ngā whakaaro. Ki te rapua ia e koe, ka kitea, ā, ki te whakarērea ia e koe, ka peia koe e ia ā ake ake.

2 Whakapapa 15:2

Nā, ka haere ia ki te whakatau i a Aha, ka mea ki a ia, “Whakarongo ki ahau, e Aha, koutou ko Hūrā katoa, ko Pineamine; kei a koutou a Ihowā, i te mea i a ia koutou. Ki te rapua hoki ia e koutou, e kitea ia e koutou. Ki te whakarērea ia e koutou ka whakarērea koutou e ia.

2 Whakapapa 20:3

Nā, ka wehi a Iehohāpata, ā, ka tahuri tōna aroaro ki te rapu i a Ihowā; i karangatia anō e ia he nohopuku puta noa i a Hūrā.

2 Whakapapa 20:4

Nā, ka huihuia a Hūrā ki te rapu i tā Ihowā. I puta rātou i ngā pā katoa o Hūrā ki te rapu i tā Ihowā.

2 Whakapapa 34:3

I te waru hoki o ngā tau o tōna kīngitanga, i te mea he taitamariki anō ia, ka tīmata ia te rapu i te Atua o tōna tupuna, o Rāwiri; ā, i te tekau mā rua o ngā tau ka tīmata ia te tahi i te poke o Hūrā, o Hiruhārama, arā i ngā wāhi tiketike, i ngā Aherimi, i ngā whakapakoko whaowhao, i ngā whakapakoko whakarewa.

Waiata 14:2

I titiro iho a Ihowā i te rangi ki ngā tama a te tangata, kia kite me kāhore tētahi e mahara ana, e rapu ana i te Atua.

Waiata 22:26

Ka kai te hunga māhaki, ā, ka mākona; ka whakamoemiti ki a Ihowā te hunga e rapu ana ki a ia. Kia ora tonu ō koutou ngākau, ake, ake!

Waiata 27:8

I a koe i mea, “Rapua e koutou tōku mata.” Ka mea tōku ngākau ki a koe, “Ka rapu ahau i tōu mata, e Ihowā.”

Waiata 69:32

Kua kite te hunga māhaki, kua hari; ka ora anō ō koutou ngākau, e te hunga e rapu nei i te Atua.

Waiata 69:33

Nō te mea ka rongo a Ihowā ki ngā rawakore, e kore anō e whakahāwea ki āna herehere.

Ihāia 31:1

Auē te mate mō te hunga e haere ana ki raro, ki Īhipa ki te tiki whakauru, e okioki ana ki te hōiho; e whakawhirinaki ana ki te hāriata, nō te mea he maha, ki te kaieke hōiho anō, nō te mea he nui te kaha; kāhore ia e titiro ki te Mea Tapu o Īharaira, kāhore hoki e rapu tikanga ki a Ihowā!

Ihāia 55:3

Tahuri mai ō koutou taringa, haere mai ki ahau; whakarongo mai, ā, ka ora ō koutou wairua. Ā, māku e whakarite ki a koutou he kawenata mau tonu, arā ngā atawhainga pono i a Rāwiri.

Heremaia 38:20

Otiia ka mea a Heremaia, “E kore koe e tukua e rātou. Whakarongo oti ki te reo o Ihowā e kōrerotia nei e ahau ki a koe. Nā, ka whiwhi koe ki te pai, ā, ka ora tōu wairua.

Ehekiera 18:9

i haere i runga i āku tikanga, i pupuri tonu i āku whakaritenga, i pono tonu te mahi; he tika tērā, ka ora ia, e ai tā te Ariki, tā Ihowā.

Hōhea 10:12

Whakatōkia tā koutou i runga i te tika, tapahia i runga i te mahi tohu; mahia tā koutou pātohe. Ko te wā hoki tēnei e rapua ai a Ihowā, kia tae mai rā anō ia, kia ringihia rā anō e ia te tika ki runga ki a koutou.

Āmoho 5:6

Rapua a Ihowā, ā, ka ora koutou; kei toro atu ia, ānō he ahi, i roto i te whare o Hōhepa, ā, pau noa, ā, kore noa iho he kaitinei i roto i Pētēre.

Tepania 2:3

Rapua a Ihowā, e te hunga māhaki katoa o te whenua, e te hunga e mahi ana i tāna i whakarite ai; rapua te tika, rapua te tikanga māhaki; me kāhore koutou e piri i te rā o tō Ihowā riri.

Matiu 7:8

Ka whiwhi hoki te tangata ina īnoi, ka kite ina rapu; ka uakina hoki ki te tangata e pātōtō ana.

Tiuteronomi 32:46

nā, ka mea ia ki a rātou: “Kia anga mai ō koutou ngākau ki ngā kupu katoa e kauwhautia atu nei e ahau ki a koutou i tēnei rā; hei whakahau atu mā koutou ki ā koutou tamariki kia puritia, kia mahia, ngā kupu katoa o tēnei ture.

Tiuteronomi 32:47

Nō te mea ehara tēnei i te mea noa iho ki a koutou; ko tō koutou oranga hoki ia, ā, mā tēnei mea e roa ai ō koutou rā ki te whenua ka whiti atu nei koutou i Horano ki reira ki te tango.”

Tiuteronomi 4:29

Otiia ki te rapu koe i reira i a Ihowā, i tōu Atua, nā, ka kitea e koe, ki te whakapaua katoatia tōu ngākau me tōu wairua ki te rapu i a ia.