Āmoho 5:3 - Paipera Tapu 2012

³ Nō te mea ko te kupu tēnei a te Ariki, a Ihowā: “Ko te pā kotahi nei te mano i te haerenga atu, kotahi rau e toe, ā, ko tērā kotahi nei te rau i te haerenga atu, kotahi tekau e toe ki te whare o Īharaira.”

Te Paipera Tapu 1952

³ No te mea ko te kupu tenei a te Ariki, a Ihowa; Ko te pa kotahi nei te mano i te haerenga atu, kotahi rau e toe, a ko tera kotahi nei te rau i te haerenga atu, kotahi tekau e toe ki te whare o Iharaira.

Āmoho 5:3 Iomraidhean Croise

Waiata 144:14

kia taimaha ā mātou kau i ngā pīkaunga. Kia kāhore he pākarutanga mai ki roto, he whatinga atu hoki ki waho, ā, kia kāhore he auē i ō mātou huarahi.

Ihāia 1:9

Me i kāhore a Ihowā o ngā mano te waiho i tētahi toenga nohinohi rawa nei ki a tātou, kua pērā tātou me Horoma, kua rite tātou ki Komora.

Ihāia 10:22

Nō te mea ahakoa i rite tōu iwi, a Īharaira ki te onepū o te moana, he toenga kau o rātou e hoki mai; ko te whakaotinga i whakaritea, me te mea e puhake ana i te tika.

Ihāia 6:13

Ā, ki te mau anō he whakatekau i roto i a ia, ka kainga tuaruatia anō ia; ka rite ki te terepini, ki te oki, e mau tonu nei tōna uho, i te mea kua tuaina.” Nā, hei uho mōna te uri tapu.

Ehekiera 12:16

Ka whakatoea anō ia ētahi o rātou e ahau, he hunga torutoru, i te hoari, i te hemokai, i te mate urutā; kia kōrero ai rātou i ā rātou mea whakarihariha katoa i roto i ngā iwi ka haere atu nei rātou ki reira, ā, ka mōhio rātou ko Ihowā ahau.”

Āmoho 6:9

Nā, ki te toe ngā tāngata kotahi tekau i roto i te whare kotahi, ka mate rātou.

Rōma 9:27

Ko tā Ihāia karanga hoki mō Īharaira, “Ahakoa i rite te tokomaha o ngā tama a Īharaira ki te onepū o te moana, ko te toenga kau e ora.

Tiuteronomi 28:62

Ā, ka mahue iho koutou he hunga torutoru, koutou i rite nei ki ngā whetū o te rangi te tini; nō te mea kīhai koe i whakarongo ki te reo o Ihowā, o tōu Atua.

Tiuteronomi 28:63

Nā, ka rite ki te koa o Ihowā i tāna whakawhiwhinga i a koutou ki te pai, i tāna whakanuinga hoki i a koutou; ka pēnā anō hoki te koa o Ihowā ki te mea i a koutou kia ngaro, ki te huna rawa atu i a koutou; ā, ka hūtia atu koutou i te whenua e haere atu nei koutou ki reira ki te tango.

Tiuteronomi 4:27

Ā, ka whakamarara a Ihowā i a koutou ki ngā tauiwi, ā, he hunga torutoru o koutou e toe i roto i ngā tauiwi, e kawea atu ai koutou e Ihowā ki reira.