Āmoho 5:24 - Paipera Tapu 2012

²⁴ Engari, kia huri mai te whakawā ānō he wai, te tika ānō he awa nui.

Te Paipera Tapu 1952

²⁴ Engari kia huri mai te whakawa ano he wai, te tika ano he awa nui.

Āmoho 5:24 Iomraidhean Croise

Whakatauki 21:3

Ko te mahi i te tika, i te whakawā, ki tā Ihowā, pai atu i te patunga tapu.

Ihāia 48:18

Auē, me i rongo koe ki āku whakahau, inā, kua rite ki te awa te mau o te rongo ki a koe; ko tōu tika, koia anō kei ngā ngaru o te moana.

Heremaia 22:3

Ko te kupu tēnei a Ihowā: Whakaritea te whakawā me te tika, whakaorangia te tangata e pāhuatia ana i te ringa o te kaitūkino. Kaua e mauria kinotia, kaua e whakatupuria kinotia te manene, te pani, te pouaru, kaua hoki e whakahekea te toto harakore ki tēnei wāhi.

Ehekiera 45:9

“Ko te kupu tēnei a te Ariki, a Ihowā: Kāti tā koutou, e ngā rangatira o Īharaira; whakarērea atu te tūkino, te pāhua, mahia te whakawā, me te tika, whakamutua ā koutou peinga i tāku iwi, e ai tā te Ariki, tā Ihowā.”

Hōhea 6:6

Ko tāku hoki i pai ai ko te tohu tangata, hāunga te patunga tapu. Ko te mātau ki te Atua, pai ake i ngā tahunga tinana.

Āmoho 5:23

Maua atu kia matara i ahau te ngangau o āu waiata; e kore hoki ahau e whakarongo ki te rangi o āu hātere.

Āmoho 5:7

E te hunga i puta kē ai te whakawā hei taru kawa, i tāia ai te tika ki te whenua.

Mika 6:8

Kua whakaaturia e ia ki a koe, e te tangata, te mea pai; ā, he aha tā Ihowā e rapu nei ki a koe, heoi anō ko te whakawā tika, ko te pai ki te tohu tangata, ko te whakaiti me te haere tahi i tōu Atua?