Āmoho 5:21 - Paipera Tapu 2012

²¹ “E kino ana ahau, e whakarihariha ana ki ā koutou hākari, ā, e kore ahau e āhuareka ki ā koutou huihui nunui.

Te Paipera Tapu 1952

²¹ E kino ana ahau, e whakarihariha ana ki a koutou hakari, a e kore ahau e ahuareka ki a koutou huihui nunui.

Āmoho 5:21 Iomraidhean Croise

Kenehi 8:21

Nā, ka hongi a Ihowā ki te kakara reka; ā, ka mea a Ihowā i roto i tōna ngākau, “E kore ahau e kanga anō i te oneone ā muri ake nei mō ngā mahi a te tangata; otiia he kino ngā tokonga ake o te ngākau o te tangata, o tōna taitamarikitanga ake anō; e kore anō hoki ahau e patu i ngā mea ora katoa ā muri ake nei, e pēnei me tēnei meatanga āku.

Whakatauki 15:8

He mea whakarihariha ki a Ihowā te whakahere a te hunga kino; engari, e manako ana ia ki te īnoi a te hunga tika.

Whakatauki 21:27

He mea whakarihariha te whakahere a te tangata kino; tērā noa ake ina hē te whakaaro i kawea mai ai e ia.

Whakatauki 28:9

Ko te tangata e tahuri kē ana tōna taringa, ā, kāhore e rongo ki te ture, ko tāna īnoi nei ānō he mea whakarihariha.

Ihāia 66:3

“Ko te tangata e patu ana i te kau, me te mea e tukituki ana i te tangata; te tangata he reme nei tāna patunga tapu, me te mea he kakī kurī e pōutoa ana e ia; te tangata e whakaeke ana i te whakahere, me te mea e whakaeke ana i te toto poaka; te tangata e tahu ana i te whakakakara, me te mea e manaaki ana i te whakapakoko. Āe rā, kua whiriwhiria e rātou ō rātou ara, e āhuareka ana hoki tō rātou wairua ki ā rātou mea whakarihariha.

Heremaia 14:12

Ka nohopuku rātou, e kore ahau e rongo ki tā rātou karanga; ka whakaekea e rātou te tahunga tinana me te whakahere, e kore ahau e manako ki a rātou; engari ka poto rātou i ahau, i te hoari, i te hemokai, i te mate urutā.”

Heremaia 6:20

Hei aha te whakakakara i tae mai ai ki ahau i Hēpā, te kākaho kakara i te whenua tawhiti? E kore ā koutou tahunga tinana e arongia, e kore anō ā koutou patunga tapu e reka ki ahau.

Ehekiera 23:18

Heoi, ka whakakitea e ia ōna moepuku, ka whakakitea anō ia e noho tahanga ana; nā, ngākaukore noa iho ahau ki a ia, pērā tonu me ahau i ngākaukore rā ki tōna tuakana.

Hōhea 2:11

Ka mutu katoa anō i ahau tōna koa, ōna rā hākari, ōna kōwhititanga marama, ōna hāpati, me āna huihui nunui katoa.

Hōhea 5:6

Ka haere rātou me ā rātou hipi, me ā rātou kau, ki te rapu i a Ihowā. Heoi, e kore e kitea; kua mawehe atu ia i roto i a rātou.

Hōhea 8:13

Nā, ko ngā patunga tapu hei whakahere ki ahau, e patu kikokiko ana rātou, kainga iho; otiia kāhore e manakohia ana e Ihowā. Ākuanei ia mahara ai ki tō rātou hē, whiu ai i ō rātou hara; ka hoki rātou ki Īhipa.

Rewitikuha 26:31

Ka ururua anō i ahau ō koutou pā, ka hoki ō koutou wāhi tapu, e kore anō hoki ahau e hongi ki ā koutou kakara reka.

Āmoho 4:4

“Haere mai ki Pētēre, ki reira poka kē ai; ki Kirikara whakanui ai i te poka kē; kawea mai anō ā koutou patunga tapu i tēnei ata, i tēnei ata, ā koutou whakatekau, i te toru o ngā rā.

Āmoho 4:5

Tāpaea anō he whakahere whakawhetai, he mea kīnaki ki te rēwena, kauwhautia hoki, kārangarangatia ngā whakahere noa ake; ko tā koutou hoki tēnei i pai ai, e ngā tama a Īharaira,” e ai tā te Ariki, tā Ihowā.

Āmoho 6:8

Kua oatitia te Ariki, a Ihowā, e ia anō, e ai tā Ihowā, tā te Atua o ngā mano: “E whakarihariha ana ahau ki tā Hākopa e whakaī nā, e kino ana ki ōna whare kīngi; mō reira ka tukua atu e ahau te pā me ngā mea i roto.”

Āmoho 8:10

Ka puta kē anō i ahau ā koutou hākari hei tangihanga, ā koutou waiata katoa hei apakura; he taratara tāku kākahu mō ngā hope katoa; mō ngā māhunga katoa he pākira. Ka rite i ahau ki te tangihanga ki te huatahi, ā, ko tōna mutunga hei rā mamae.

Matiu 23:13

“Auē te mate mō koutou, e ngā karaipi, e ngā Parihi, e te hunga tinihanga! E tūtakina ana hoki e koutou te rangatiratanga o te rangi ki ngā tāngata. Kāhore koutou e tomo, kāhore anō e tukua te hunga e tomo ana kia tapoko.

Epeha 5:2

haere hoki i runga i te aroha, kia pērā me te Karaiti i aroha ki a tātou, i tuku i a ia anō mō tātou hei whakahere, hei patunga tapu ki te Atua, hei kakara pai.

Piripai 4:18

Otiia, kei te whiwhi ahau i ngā mea katoa, hira noa ake hoki āku; kua kī ahau, kua tae mai nei i a Epaporitu ngā mea i ahu mai i a koutou, he kakara reka, he patunga tapu e manakohia ana, ko tā te Atua e āhuareka mai ai.