Āmoho 5:19 - Paipera Tapu 2012

¹⁹ ka pērā me te tangata i rere atu i te aroaro o te raiona, ā, ka tūtaki te pea ki a ia; i haere rānei ki roto ki te whare, ā, okioki atu ana tōna ringa ki te pakitara, nā, ngaua iho ia e te nākahi.

Te Paipera Tapu 1952

¹⁹ Ka pera me te tangata i rere atu i te aroaro o te raiona, a ka tutaki te pea ki a ia; i haere ranei ki roto ki te whare, a okioki atu ana tona ringa ki te pakitara, na ngaua iho ia e te nakahi.

Āmoho 5:19 Iomraidhean Croise

Kaikauwhau 10:8

Ko te tangata e keri ana i te rua, ka taka anō ki roto; ko te tangata e wāhi ana i te taiepa, ka ngaua e te nākahi.

Ihāia 10:2

hei whakakotiti kē i te whakawā mō ngā rawakore, hei tango noa iho i te mea e tika ana mā ngā ware o tōku iwi, kia waiho ai ngā mea a te pouaru hei taonga mā rātou, kia pāhuatia ai e rātou ngā pani!

Ihāia 10:3

Ka pēhea rā koutou i te rā o te tirohanga mai, o te whakangaromanga ka pā mai i tawhiti? Ka rere koutou ki a wai hei āwhina, ā, ka waiho tō koutou korōria ki hea?

Ngā Mahi 28:4

Ā, i te kitenga o ngā tāngata māori i te ngārara e werewere ana ki tōna ringa, ka mea rātou tētahi ki tētahi, “Koia, he tangata kōhuru tēnei, ka ora nei ia i te moana, nā, kīhai i tukua e te tika kia ora.”

Tiuteronomi 32:24

Ka hemo rātou i te matekai, ka pau hoki i te hana o te wera me te hunanga nui whakaharahara; māku hoki e tuku iho te niho o ngā kararehe ki a rātou, me te hūwhare whakamate o ngā mea e ngōki ana i te puehu.

Hohua 10:18

Nā, ka mea a Hohua, “Hurihia atu ētahi kōhatu nunui ki te kūwaha o te ana, whakanohoia hoki ētahi tāngata ki reira hei tiaki i a rātou.