Āmoho 5:18 - Paipera Tapu 2012

¹⁸ Auē te mate mō koutou e hiahia nei ki te rā o Ihowā! Hei aha mā koutou te rā o Ihowā? He pōuri hoki, ehara i te mārama;

Te Paipera Tapu 1952

¹⁸ Aue, te mate mo koutou e hiahia nei ki te ra o Ihowa! Hei aha ma koutou te ra o Ihowa? he pouri hoki, ehara i te marama.

Āmoho 5:18 Iomraidhean Croise

Ihāia 13:6

Auē koutou, kua tata hoki te rā o Ihowā; tērā e puta mai, ānō he whakangaromanga nā te Kaha Rawa!

Ihāia 24:18

Nā, ko te tangata e rere mai i te ngangau o te wehi, ka taka ki te rua; ā, ko te tangata e puta ake ana i roto i te rua, ka mau i te rore. Kua puare hoki ngā matapihi o runga, ā, e rū ana ngā tūranga o te whenua.

Ihāia 5:19

e mea nei, “Kia hihiko ia, kia hohoro tāna mahi, kia kite ai mātou; kia whakatata mai hoki, kia tae mai te whakaaro o te Mea Tapu o Īharaira, kia mōhio ai mātou!”

Ihāia 5:30

Nā, ka hāmama rātou ki a rātou i taua rā, me te mea ko te moana e haruru ana; ā, ki te titiro tētahi ki te whenua – nanā, he pōuri me te tuatea, ā, kua pōuri te mārama i ōna kapua.

Ihāia 58:2

He rapu anō ia tā rātou i ahau i tēnei rā, i tēnei rā, e āhuareka ana hoki ki te mōhio ki āku ara; me te mea he iwi e mahi ana i te tika, ā, kīhai i whakarere i te whakaritenga a tōna Atua, e ui ana rātou ki ahau ki ngā whakaritenga o te tika, e āhuareka ana ki te awhi ki te Atua.

Ihāia 8:22

ā, ka titiro rātou ki te whenua, nā, he whakapāwera, he pōuri, ko te pōruru o te mamae; ā, ka āia atu rātou ki roto ki te pōuri kerekere.

Ihāia 9:19

Nā te riri o Ihowā o ngā mano i toro ai te whenua; ā, ko te iwi, ānō he kai mā te ahi; e kore tōna tuakana, tōna teina e tohungia e tētahi.

Heremaia 13:16

Whakakorōriatia tō koutou Atua, a Ihowā, i te mea kīanō ia i whakapōuri noa, i te mea kīanō ō koutou waewae i tūtuki i runga i ngā maunga pōuri, i te mea hoki e tatari ana koutou ki te mārama; nā, kua puta kē i a ia ko te ātārangi o te mate, kua meinga kia pōuri kerekere.

Heremaia 17:15

Nanā, kei te kī mai rātou ki ahau, “Kei hea te kupu a Ihowā? Tēnā rā, kia puta mai.”

Heremaia 30:7

Auē! He rā nui hoki taua rā, kāhore he rite mōna. Ko te wā hoki ia o tō Hākopa mamae; otiia ka whakaorangia ia i taua mamae.

Ehekiera 12:22

“E te tama a te tangata, he aha tēnā whakatauki a koutou i te whenua o Īharaira, e mea nā, ‘Ka roa nei ngā rā, kua kore anō he kitenga’?

Ehekiera 12:27

“E te tama a te tangata, nanā, e kī ana te whare o Īharaira, ‘Mō ngā rā maha te kitenga e kitea nei e ia, ko ngā wā i tawhiti rawa tāna e poropiti nei.’

Hoera 1:15

Auē te mate o taua rā nei! Kua tata hoki te rā o Ihowā, ka rite hoki tōna putanga mai ki te whakangaromanga a te Kaha Rawa.

Hoera 2:10

Rū ana te whenua i tō rātou aroaro; wiri ana ngā rangi. Ko te rā me te marama, pōuri tonu, ka mutu anō te titi o ngā whetū.

Hoera 2:11

Nā, ka puaki te reo o Ihowā i te aroaro o tāna ope; nui atu hoki tāna puni! He kaha hoki ia e mahi nei i tāna kupu. He nui nei hoki te rā o Ihowā, he wehi rawa; ko wai e kaha ake ki reira?

Hoera 2:31

Ka rerekē te rā, ka pōuri, ka whakatoto te marama, i te mea kīanō i puta mai te rā nui, te rā wehi o Ihowā.

Opāria 1:15

“Kua tata hoki te rā o Ihowā ki ngā tauiwi katoa. Ka rite ki tāu i mea ai ka meatia ki a koe; ka hoki tāu utu ki runga ki tōu māhunga.

Maraki 4:1

“Tā te mea, nanā, kei te haere mai te rā, e ngiha ai ānō he oumu. Nā, ko te hunga whakakake katoa, me te hunga katoa e mahi ana i te kino hei kakau wīti rātou; ā, ka tahuna e te rā meāke nei puta,” e ai tā Ihowā o ngā mano, “e kore anō he pakiaka, he manga e mahue ki a rātou.

Tiuteronomi 32:24

Ka hemo rātou i te matekai, ka pau hoki i te hana o te wera me te hunanga nui whakaharahara; māku hoki e tuku iho te niho o ngā kararehe ki a rātou, me te hūwhare whakamate o ngā mea e ngōki ana i te puehu.

2 Pita 3:10

E puta mai hoki te rā o te Ariki ānō he tāhae i te pō; ko reira pahemo atu ai ngā rangi, tōna nui hoki o te tangi; nā, ka ngiha ngā mea tīmatanga i te ahi, ka rewa; ā, pau ake i te ahi te whenua me āna mahi.

2 Pita 3:4

e mea ana, “Kei hea te kōrero o tōna haerenga mai? Mau tonu hoki ngā mea katoa nō te moenga rā anō o ngā mātua, pērā tonu me tō te orokohanganga.”