Āmoho 5:17 - Paipera Tapu 2012

¹⁷ ā, he auē i ngā māra wāina katoa, ka tika atu hoki ahau i waenganui i a koe,” e ai tā Ihowā.

Te Paipera Tapu 1952

¹⁷ A he aue i nga mara waina katoa: ka tika atu hoki ahau i waenganui i a koe, e ai ta Ihowa.

Āmoho 5:17 Iomraidhean Croise

Ekoruhe 11:4

Nā, ka mea a Mohi, “Ko te kupu tēnei a Ihowā: ‘Hei waenganui pō ahau ka tika nā waenganui o Īhipa;

Ekoruhe 12:12

“Tā te mea ka tika ahau rā waenganui o te whenua o Īhipa i taua pō, ka patu hoki i ngā mātāmua katoa i te whenua o Īhipa, i te tangata ā tae iho ana ki te kararehe; ā, ka puta āku whakawā ki ngā atua katoa o Īhipa. Ko Ihowā ahau.

Ekoruhe 12:23

He mea hoki, ka haere atu a Ihowā ki te patu i ngā Īhipiana; ā, ka kite ia i te toto i te kōrupe, i ngā pou e rua hoki, ka kapea e Ihowā te kūwaha, e kore hoki e tukua e ia te kaiwhakamate kia haere ki roto ki ō koutou whare patu ai.

Ihāia 16:10

Kua tangohia atu te hari, me te koa i te māra mōmona; kāhore hoki he waiata i ngā māra wāina, kāhore he iere harakoa; e kore ngā kaitakahi e takahi wāina i ā rātou poka wāina; kua whakamutua e ahau te hāmama o te mahinga wāina.

Heremaia 48:33

Ā, kua whakakāhoretia atu te koa me te hari i te māra mōmona, i te whenua hoki o Moapa; ā, kua mutu i ahau he wāina mō ngā takahanga wāina; e kore tētahi e hāmama i te takahanga; ko tō rātou hāmama ehara i te hāmama.

Hoera 3:17

“Ā, ka mōhio koutou ko Ihowā ahau, ko tō koutou Atua e noho nei i Hiona, i tōku maunga tapu: kātahi a Hiruhārama ka tapu, ā, heoi anō hāereerenga o ngā tautāngata i reira.

Nahumu 1:12

Ko te kupu tēnei a Ihowā, “Ahakoa tino kaha rātou, ahakoa tini, heoi ka tapahia rātou, ka pahemo ia. Ahakoa i whiua koe e ahau, e kore koe e whiua e ahau ā muri ake nei.

Nahumu 1:15

Nanā, kei runga i ngā maunga ngā waewae o te kaikawe mai i te kōrero pai, o te kaikauwhau i te rongo mau! Mahia āu hākari, e Hūrā, whakamanā āu kupu taurangi; nō te mea heoi anō haeretanga atu o te tangata kino nā waenga i a koe; kua hātepea rawatia atu ia.

Hakaraia 9:8

Ka nohoia anō e ahau ngā taha o tōku whare, hei ārai mō te taua, mō te tangata anō e tika ana nā reira, mō te tangata e hoki ana. E kore anō te kaitūkino e tika nā waenga i a rātou ā muri ake nei; kua kite nei hoki ōku kanohi ināianei.