Āmoho 5:16 - Paipera Tapu 2012

¹⁶ Mō reira tēnei kupu a Ihowā, a te Atua o ngā mano, a te Ariki: “I ngā waharoa katoa ko te tangi; ko tā rātou kupu i ngā huarahi katoa, ‘Auē! auē!’ Ka karangatia te kaingaki whenua ki te tangi, me te hunga mātau ki te uhunga, hei auē;

Te Paipera Tapu 1952

¹⁶ Mo reira tenei kupu a Ihowa, a te Atua o nga mano, a te Ariki, I nga waharoa katoa ko te tangi; ko ta ratou kupu i nga huarahi katoa, Aue! aue! ka karangatia te kaingaki whenua ki te tangi, me te hunga matau ki te uhunga, hei aue.

Āmoho 5:16 Iomraidhean Croise

2 Whakapapa 35:25

Ā, i waiatatia anō e Heremaia he apakura mō Hōhia; i kōrerotia anō a Hōhia e ngā kaiwaiata, e ngā tāne, e ngā wāhine, i ā rātou apakura, ā taea noatia tēnei rā; ā, waiho iho e rātou hei tikanga mā Īharaira. Nanā, kei roto nā i ngā Waiata Tangi.

Ihāia 15:8

Kua taiāwhiotia hoki ngā rohe o Moapa e te karanga; kua tae tōna auē ki Ekeraima, tōna auē ki Peererimi.

Ihāia 22:12

Heoi, ko te karangatanga a te Ariki, a Ihowā o ngā mano, i taua rā ki te tangi, ki te auē, ki te moremore, ki te whītiki i te kākahu taratara.

Heremaia 30:5

Ko te kupu hoki tēnei a Ihowā: “Kua rongo tātou i te reo o te tūiri, o te wehi, ehara i te rongo mau.

Heremaia 4:31

Kua rongo hoki ahau i te reo, me te mea nō te wahine e whānau ana, he mamae, me te mea ko tāna mātāmua e puta ana, ko te reo o te tamāhine a Hiona e whakahotuhotu ana, whewhera tonu ōna ringa, me te karanga, “Auē te mate i ahau! Kua hemo hoki tōku wairua i mua i ngā kaiwhakamate!”

Heremaia 9:10

He whakaaro ki ngā maunga i ara ai tāku tangi, tāku auē, he whakaaro ki ngā puninga o te koraha tāku uhunga; nō te mea kua wera, kāhore tētahi tangata e tika nā reira, kāhore e rangona te reo o ngā kararehe; ko ngā manu o te rangi, ko ngā kararehe, pūtere atu ana, kua riro.

Heremaia 9:16

Ka whakamararatia anō rātou e ahau ki roto ki ngā iwi kīhai nei i mōhiotia e rātou, e ō rātou mātua; ka ungā anō e ahau te hoari hei whai i a rātou ā poto noa rātou i ahau.”

Hōhea 4:3

Mō reira te whenua ka pōuri, ko ōna tāngata katoa ka tangi, me ngā kīrehe o te pārae, me ngā manu o te rangi; ka whakakorea anō ngā ika o te moana.

Hoera 1:11

Kia whakamā, e ngā kaingaki whenua; auē, e ngā kaimahi wāina, mō te wīti, mō te pārei; kua kore nei hoki ngā hua o te māra.

Hoera 1:14

Whakatapua he nohopuku, karangatia he hui nui. Whakaminea ngā kaumātua, ngā tāngata katoa o te whenua, ki te whare o Ihowā, o tō koutou Atua, ka karanga ki a Ihowā.

Hoera 1:15

Auē te mate o taua rā nei! Kua tata hoki te rā o Ihowā, ka rite hoki tōna putanga mai ki te whakangaromanga a te Kaha Rawa.

Hoera 1:8

E tangi, kia rite ki te tamahine kua oti te whītiki ki te kākahu taratara, e tangi ana ki te makau o tōna tamāhinetanga.

Āmoho 3:13

“Whakarongo koutou, whakaaturia hoki he hē mō te whare o Hākopa,” e ai tā te Ariki, tā Ihowā, tā te Atua o ngā mano.

Āmoho 5:27

Nā, ka whakaraua koutou e ahau ki kō atu i Ramahiku,” e ai tā Ihowā nōna nei te ingoa, Ko te Atua o ngā Mano.

Āmoho 8:10

Ka puta kē anō i ahau ā koutou hākari hei tangihanga, ā koutou waiata katoa hei apakura; he taratara tāku kākahu mō ngā hope katoa; mō ngā māhunga katoa he pākira. Ka rite i ahau ki te tangihanga ki te huatahi, ā, ko tōna mutunga hei rā mamae.

Āmoho 8:3

“He auē anō ngā waiata o te temepara i taua rā,” e ai tā te Ariki, tā Ihowā; “ka maha ngā tinana mate i ngā wāhi katoa; ka ākiritia pukutia atu.”

Mika 1:8

Mō reira ka tangi ahau, ka auē, ka haere ahau, tīhore rawa ngā kākahu, tahanga kau; ka rite tāku tangi ki tā ngā kurī mohoao, tāku uhunga ki tā ngā otereti.

Mika 2:4

I taua rā ka ara i a rātou tētahi whakatauki mō koutou, ka tangi hoki i tētahi tangi mamae nui, ā, ka mea, ‘Kua pāhuatia rawatia tātou; kua puta kē i a ia te wāhi o tāku iwi. Auē, tāna wehenga atu i ahau! Wehea ana e ia ā tātou māra mā te hunga whakakeke.’ ”

Whakakitenga 18:10

Ka tū mai rātou i tawhiti i te wehi ki tōna whakamamae, ka mea, “Auē, auē, te pā nui, Papurōna, te pā kaha! Kua tae mai hoki tōu whakawā i te hāora kotahi.”

Whakakitenga 18:19

Opehia ana hoki e rātou he puehu ki ō rātou māhunga, kei te karanga rātou, me te tangi, me te auē, kei te mea, “Auē, auē, te pā nui, i whai taonga ai i ōna utu nui te hunga katoa he kaipuke a rātou i te moana! Kotahi tonu nei hoki te hāora ā mōtī rawa iho!