Āmoho 5:15 - Paipera Tapu 2012

¹⁵ Kinongia te kino, arohaina te pai, whakapūmautia te whakawā ki te kūwaha. Tērā pea a Ihowā, te Atua o ngā mano, ka aroha ki te toenga o Hōhepa.

Te Paipera Tapu 1952

¹⁵ Kinongia te kino, arohaina te pai, whakapumautia te whakawa ki te kuwaha: tera pea a Ihowa, te Atua o nga mano, ka aroha ki te toenga o Hohepa.

Āmoho 5:15 Iomraidhean Croise

2 Hamuera 16:12

Tērā pea a Ihowā e titiro ki tōku mate, e hōmai i te pai ki ahau hei utu mō tāna kanga ki ahau i tēnei rā.”

1 Kīngi 20:31

Nā, ka mea āna tāngata ki a ia, “Nanā, kua rongo mātou he kīngi tohu tāngata ngā kīngi o te whare o Īharaira; tēnā, kia makā iho e mātou he kākahu taratara ki ō mātou hope, me ētahi taura ki ō mātou mātenga, ā, kia haere atu ki te kīngi o Īharaira; tērā pea koe e whakaorangia e ia.”

2 Kīngi 13:7

Kāhore hoki i waiho e ia o te iwi ki a Iehoahata, ko ngā kaieke hōiho anake e rima tekau, tekau ngā hāriata, kotahi tekau mano ngā hōia haere raro; i hunā hoki rātou e te kīngi o Hīria, ā, meinga ana kia rite ki te puehu i te patunga wīti.

2 Kīngi 15:29

I ngā rā o Peka kīngi o Īharaira, ka haere mai a Tikirata Pirehere kīngi o Ahiria, ā, riro ana i a ia a Īono, a Apere Petemaaka, a Ianoha, a Kerehe, a Hatoro, a Kireara, a Karirī, te whenua katoa o Napatari, whakahekea atu ana rātou e ia ki Ahiria.

2 Kīngi 19:4

Tērā pea ka rongo a Ihowā, tōu Atua ki ngā kupu katoa a Rapahake i ungā mai nei e tōna ariki, e te kīngi o Ahiria, hei whākorekore ki te Atua ora; ā, ka riri ki ngā kupu i rongo ai a Ihowā, tōu Atua. Nā, kia ara tāu īnoi mō ngā toenga e noho nei.”

Waiata 119:104

Nā āu ako ahau i whai mōhio ai; nā reira ahau i kino ai ki ngā ara teka katoa.

Waiata 34:14

Mawehe atu i te kino, mahia te pai; rapua te āta noho, whāia hoki.

Waiata 36:4

He mahi nanakia tāna e whakaaro ai i runga i tōna moenga; ehara i te pai te ara e tūria ana e ia, kāhore ōna whakarihariha ki te kino.

Waiata 37:27

Whakarērea te kino, mahia te pai, ka noho tonu ai.

Waiata 80:1

Tahuri mai tōu taringa, e te Hēpara o Īharaira, e ārahi nei i a Hōhepa ānō he kāhui hipi! Whiti mai koe e noho mai nā i waenganui i ngā kerupima;

Waiata 97:10

E te hunga e aroha ana ki a Ihowā, e kino ki te hē; e tiakina ana e ia ngā wairua o tāna hunga tapu; e whakaorangia ana rātou e ia i ngā ringa o te hunga kino.

Ekoruhe 32:30

Nā, i te aonga ake, ka mea a Mohi ki te iwi, “Kua hara koutou, he nui te hara. Nā, me haere ahau āianei ki runga, ki a Ihowā; tērā pea e taea e ahau te whakamārie mō tō koutou hara.”

Heremaia 18:8

ki te tahuri taua iwi i kōrerotia rā e ahau i tō rātou kino, ka puta kē tōku whakaaro mō te kino i whakaaro ai ahau kia meatia ki a rātou.

Heremaia 22:3

Ko te kupu tēnei a Ihowā: Whakaritea te whakawā me te tika, whakaorangia te tangata e pāhuatia ana i te ringa o te kaitūkino. Kaua e mauria kinotia, kaua e whakatupuria kinotia te manene, te pani, te pouaru, kaua hoki e whakahekea te toto harakore ki tēnei wāhi.

Heremaia 31:7

Ko te kupu hoki tēnei a Ihowā: “Waiata i runga i te koa ki a Hākopa, hāmama mō te metararahi o ngā iwi; kōrerotia atu, whakamoemititia, mea atu, ‘E Ihowā, whakaorangia tāu iwi, te mōrehu o Īharaira.’

Ehekiera 45:9

“Ko te kupu tēnei a te Ariki, a Ihowā: Kāti tā koutou, e ngā rangatira o Īharaira; whakarērea atu te tūkino, te pāhua, mahia te whakawā, me te tika, whakamutua ā koutou peinga i tāku iwi, e ai tā te Ariki, tā Ihowā.”

Raniera 2:49

Nā, ka tono a Raniera ki te kīngi, ā, whakaritea ana e ia a Hataraka, a Mehaka, a Apereneko hei kaitirotiro mō ngā mea o te kāwanatanga o Papurōna. Ko Raniera ia i noho ki te kūwaha o te kīngi.

Hoera 2:14

Ko wai ka tohu, tērā pea ka tahuri, ka puta kē ōna whakaaro, ā, ka mahue he manaaki i muri i a ia, arā he whakahere totokore, he ringihanga mā Ihowā, mā tō koutou Atua?

Āmoho 5:10

E kinongia ana e rātou te kairiri hē i te kūwaha, ā, he mea whakarihariha ki a rātou te tangata kōrero tika.

Āmoho 5:24

Engari, kia huri mai te whakawā ānō he wai, te tika ānō he awa nui.

Āmoho 5:6

Rapua a Ihowā, ā, ka ora koutou; kei toro atu ia, ānō he ahi, i roto i te whare o Hōhepa, ā, pau noa, ā, kore noa iho he kaitinei i roto i Pētēre.

Āmoho 6:12

E rere rānei te hōiho i runga i te kāmaka? E parautia rānei a reira ki te kau? I whakaputaina kētia ai e koutou te whakawā hei au, ngā hua hoki o te tika hei taru kawa –

Āmoho 7:3

I puta kē tō Ihowā whakaaro mō tēnei: “E kore e meatia,” e ai tā Ihowā.

Hona 1:6

Nā, ko te haerenga atu o te rangatira o te kaipuke, ka mea ki a ia, “He aha tāu, e te tangata e moe nā? Maranga, karanga ki tōu Atua, me kāhore te Atua e whakaaro ki a tātou, kei ngaro tātou.”

Hona 3:9

Ko wai ka tohu tērā pea te Atua ka tahuri, ā, ka puta kē tōna whakaaro, ka tahuri atu hoki i te muranga o tōna riri, ā, e kore tātou e ngaro?”

Mika 2:12

“He pono ka kohikohi ahau i a koe katoa, e Hākopa; he pono ka whakawhāititia e ahau ngā mōrehu o Īharaira. Ka huihuia rātou e ahau, ka pērātia me ngā hipi o Potora; ka rite ki te kāhui i waenganui o tō rātou taiepa, ka nui tō rātou ngē i te tini hoki o te tangata.

Mika 3:2

E kino nā ki te pai, e aroha nā ki te kino; e tīhore nā i tō rātou kiri i ō rātou tinana, i tō rātou kikokiko i ō rātou wheua;

Mika 5:3

Mō reira rātou ka tukua atu ai e ia, kia tae rā anō ki te wā e whānau ai tēnei e whakamamae nei; hei reira ngā toenga o ōna tuākana hoki ai ki ngā tama a Īharaira.

Tepania 2:3

Rapua a Ihowā, e te hunga māhaki katoa o te whenua, e te hunga e mahi ana i tāna i whakarite ai; rapua te tika, rapua te tikanga māhaki; me kāhore koutou e piri i te rā o tō Ihowā riri.

Maraki 3:18

Ko reira anō koutou hoki ai, kite ai i te rerekētanga o tā te tika, o tā te kino, o tā tērā e mahi ana ki te Atua, o tā tērā kāhore e mahi ki a ia.”

Rōma 12:9

Ko te aroha, hei te mea tinihangakore. Kia whakarihariha ki te kino; kia ū ki te pai.

Rōma 7:22

E āhuareka ana hoki ahau ki te ture a te Atua, arā tō roto tangata.

Rōma 8:7

He tikanga whawhai hoki ki te Atua te whakaaro ki te kikokiko e kore nei hoki e ngāwari ki te ture a te Atua, kāhore anō e āhei kia ngāwari;

3 Hoani 1:11

E te hoa aroha, kaua e arumia te kino, engari te pai. Ko te tangata e mahi pai ana, nō te Atua ia; tēnā, ko te kaimahi i te kino, kāhore anō ia kia kite i te Atua.