Āmoho 5:14 - Paipera Tapu 2012

¹⁴ Rapua te pai, kauaka hoki te kino, kia ora ai koutou; pēnei ko Ihowā, ko te Atua o ngā mano hei hoa mō koutou, hei pēnā anō me tā koutou e kī nā.

Te Paipera Tapu 1952

¹⁴ Rapua te pai, kauaka hoki te kino, kia ora ai koutou: penei ko Ihowa, ko te Atua o nga mano hei hoa mo koutou, hei pena ano me ta koutou e ki na.

Āmoho 5:14 Iomraidhean Croise

Kenehi 39:23

Kīhai te rangatira o te whare herehere i titiro ki tētahi o ngā mea i tōna ringa; nō te mea i a ia a Ihowā, i mea anō a Ihowā kia pono tāna i mea ai.

1 Whakapapa 28:20

I mea anō a Rāwiri ki tāna tama, ki a Horomona, “Kia kaha, kia māia, mahia, kaua e wehi, kaua e pāwera; kei a koe nā hoki a Ihowā, te Atua, arā tōku Atua. E kore ia e whakarere i a koe, e kore anō koe e mahue i a ia, kia oti rā anō ngā mea katoa mō te mahi ki te whare o Ihowā.

2 Whakapapa 15:2

Nā, ka haere ia ki te whakatau i a Aha, ka mea ki a ia, “Whakarongo ki ahau, e Aha, koutou ko Hūrā katoa, ko Pineamine; kei a koutou a Ihowā, i te mea i a ia koutou. Ki te rapua hoki ia e koutou, e kitea ia e koutou. Ki te whakarērea ia e koutou ka whakarērea koutou e ia.

Waiata 46:11

Kei a tātou a Ihowā o ngā mano; ko te Atua o Hākopa tō tātou piringa. Hera

Waiata 97:10

E te hunga e aroha ana ki a Ihowā, e kino ki te hē; e tiakina ana e ia ngā wairua o tāna hunga tapu; e whakaorangia ana rātou e ia i ngā ringa o te hunga kino.

Ekoruhe 3:12

Ā, ka mea ia, “Kei a koe tonu rā ahau; ko te tohu anō tēnei mōu ka ungā nei e ahau. Ka whakaputaina mai e koe te iwi i Īhipa, ka mahi koutou ki te Atua ki runga i tēnei maunga.”

Whakatauki 11:27

Ko te tangata e āta rapu ana i te pai, e rapu ana i te whakapai; ko te tangata ia e rapu ana i te hē, ka tae tērā ki a ia.

Ihāia 55:2

He aha rā i hokona ai e koutou te moni mō ngā mea ehara i te taro, tō koutou uaua mō ngā mea e kore ai koutou e mākona? Āta whakarongo mai ki ahau, ā, kainga te mea pai; kia ora hoki ō koutou wairua i ngā mea mōmona.

Ihāia 8:10

Whakatakotoria he whakaaro, ā, ka taka noa iho; kōrerotia te kupu, e kore anō e tū; kei a mātou nei hoki te Atua.

Āmoho 3:3

E haere tahi anō rānei te tokorua, ki te kore e whakaae ki a rāua?

Āmoho 5:6

Rapua a Ihowā, ā, ka ora koutou; kei toro atu ia, ānō he ahi, i roto i te whare o Hōhepa, ā, pau noa, ā, kore noa iho he kaitinei i roto i Pētēre.

Mika 3:11

E whakawā ana ōna upoko, he mea nā te patipati, e whakaako ana ōna tohunga, he mea nā te utu; ko ōna poropiti nā te hiriwa i kite tikanga ai; otiia kei te whakawhirinaki rātou ki a Ihowā, kei te mea, “He teka ianei kei roto a Ihowā i a tātou? E kore tētahi hē e pā ki a tātou.”

Mika 6:8

Kua whakaaturia e ia ki a koe, e te tangata, te mea pai; ā, he aha tā Ihowā e rapu nei ki a koe, heoi anō ko te whakawā tika, ko te pai ki te tohu tangata, ko te whakaiti me te haere tahi i tōu Atua?

Tepania 2:3

Rapua a Ihowā, e te hunga māhaki katoa o te whenua, e te hunga e mahi ana i tāna i whakarite ai; rapua te tika, rapua te tikanga māhaki; me kāhore koutou e piri i te rā o tō Ihowā riri.

Tauanga 16:3

Ka whakahuihui rātou i a rātou ki a Mohi rāua ko Ārona, ka mea ki a rāua, “He kaha rawa tā kōrua tango tikanga, he tapu kau nei te whakaminenga katoa, kei waenganui anō hoki a Ihowā i a rātou. He aha rā kōrua i whakanui ai i a kōrua ki runga ake i te whakaminenga a Ihowā?”

Matiu 1:23

“Nā, ka hapū te wāhina, ka whānau hoki he tama, ā, ka huaina e rātou tōna ingoa ko Emānuera,” ko tōna whakamāoritanga tēnei, “Kei a tātou te Atua.”

Matiu 28:20

ākona rātou kia mau ki ngā mea katoa i whakahaua, e ahau ki a koutou. Nā, ko ahau tēnā hei hoa mō koutou i ngā rā katoa, ā te mutunga rā anō o te ao.” Āmine.

Matiu 6:33

Engari mātua rapua tōna rangatiratanga, me āna mea tika; ā, ka tāpiritia ēnei mea katoa mā koutou.

2 Timoti 4:22

Kia noho te Ariki ki tōu wairua. Kia tau te aroha noa ki a koutou.

Hohua 1:9

Kāhore ianei ahau i whakahau ki a koe? Kia kaha, kia māia; kaua e wehi, kaua hoki e pāwera; nō te mea kei a koe a Ihowā, tōu Atua, i ngā wāhi katoa e haere ai koe.”