Āmoho 5:12 - Paipera Tapu 2012

¹² E mōhiotia ana hoki e ahau te maha o ō koutou poka kē, me te kaha o ō koutou hara – o koutou e whakatupu kino nei i te tangata tika, e tango nei i te utu whakapati, e whakangau kē nei i tā te rawakore i te kūwaha.

Te Paipera Tapu 1952

¹² E mohiotia ana hoki e ahau te maha o o koutou poka ke, me te kaha o o koutou hara: o koutou, e whakatupu kino nei i te tangata tika, e tango nei i te utu whakapati, e whakangau ke nei i ta te rawakore i te kuwaha.

Āmoho 5:12 Iomraidhean Croise

Hopa 20:19

Nāna hoki i tūkino ngā rawakore, whakarērea iho; murua ana e ia he whare, ā, e kore e hangā anō e ia.

Hopa 31:21

ki te mea i ara tōku ringa hei pēhi i te pani, i tōku kitenga he āwhina tērā mōku kei te kūwaha;

Waiata 127:5

Ka hari te tangata kua kī nei tāna papa pere i a rātou. E kore rātou e whakamā, ina kōrero ki ō rātou hoariri i te kūwaha.

Ekoruhe 23:3

kaua anō e whakanuia te rawakore, ina tohe ia.

Ekoruhe 23:6

“Kei whakapeaua kētia e koe te whakawā mō tōu tangata rawakore, ina tohe ia.

Whakatauki 17:8

Ko te tangata i te mea hōmai noa, he kōhatu whakapaipai tērā ki tāna titiro; tōna tahuritanga ake ki hea, ki hea, ka whiwhi ki te pai.

Whakatauki 22:22

Kaua e pāhuatia te rawakore, nō te mea he rawakore ia, kaua hoki e whakatupuria kinotia te tangata iti i te kūwaha.

Ihāia 1:23

Ko ōu rangatira kei te whakakeke, ā, he hoa rātou nō te hunga tāhae. E whakapai ana rātou ki te moni whakapati, e whai ana i te utu. Kāhore rātou e whakawā ana mō te pani, ā, kāhore te tohe a te pouaru e tae ana ki a rātou.

Ihāia 10:2

hei whakakotiti kē i te whakawā mō ngā rawakore, hei tango noa iho i te mea e tika ana mā ngā ware o tōku iwi, kia waiho ai ngā mea a te pouaru hei taonga mā rātou, kia pāhuatia ai e rātou ngā pani!

Ihāia 29:21

e whakatau hē nei ki te tangata e kōrero ana, e whakatakoto rore nei mō te kairiri o te hē i te kūwaha; ā, kāhore he rawa i whakapeaua kētia ai e rātou te tangata tika.

Ihāia 33:15

Ko te tangata e haere ana i runga i te tika, he tika anō āna kōrero; ko te tangata e whakahāwea ana ki ngā taonga o te tūkino, e rukerukea ana e tōna ringa te utu whakapati; e punia ana ōna taringa kei rangona he kōrero toto, e whakamoe ana i ōna kanohi kei kite i te kino;

Ihāia 47:9

Otirā, ka pā whakarere ēnei e rua ki a koe i te rā kotahi: te matenga o ngā tamariki, te pouarutanga; ka pā ēnei ki a koe i tōna tōnuitanga, ahakoa te nui o āu mahi mākutu, te maha rawa o āu whaiwhaiā.

Ihāia 5:23

e whakatika nei i tā te tangata hē, he whakaaro ki te utu; e tango atu nei i te tika o te tangata tika.

Ihāia 66:18

“E mōhio ana hoki ahau ki ā rātou mahi, ki ō rātou whakaaro. Tēnei ake ka huihuia e ahau ngā iwi katoa, ngā reo, ā, ka haere mai rātou, ka kite i tōku korōria.

Heremaia 29:23

Kua mahi pōauau hoki rāua i roto i a Īharaira, kua pūremu ki ngā wāhine a ō rāua hoa, kua kōrero hoki i ngā kupu teka i runga i tōku ingoa, he mea kīhai i whakahaua atu e ahau ki a rāua; ko ahau tēnei e mōhio ana, ko ahau te kaiwhakaatu,” e ai tā Ihowā.

Ngā Tangi 3:34

Ko te kuru i ngā herehere katoa o te whenua ki raro i ōna waewae;

Ehekiera 13:22

Nō te mea kua whakapōuritia e koutou ki te kupu teka te ngākau o te tangata tika, kīhai nei i whakapōuritia e ahau; ā, whakaūngia ana ngā ringa o te tangata kino, i kore ai e tahuri mai i tōna ara kino, kia ora ai.

Hōhea 5:3

“E mōhio ana ahau ki a Ēparaima, kāhore a Īharaira e ngaro i ahau; kei te moepuku nei hoki koe ināianei, e Ēparaima, kua poke a Īharaira.

Āmoho 2:16

Ā, ko te tangata māia i roto i ngā mārohirohi, ka rere tahanga atu i taua rā,” e ai tā Ihowā.

Āmoho 2:3

Ā, ka hātepea atu e ahau te kaiwhakawā i roto i a ia, ka patua rātou tahi ko ngā rangatira katoa o reira,” e ai tā Ihowā.

Āmoho 5:10

E kinongia ana e rātou te kairiri hē i te kūwaha, ā, he mea whakarihariha ki a rātou te tangata kōrero tika.

Āmoho 5:7

E te hunga i puta kē ai te whakawā hei taru kawa, i tāia ai te tika ki te whenua.

Āmoho 8:4

Whakarongo ki tēnei, e te hunga i horomia ai te rawakore, i meinga ai te hunga iti o te whenua kia ngohe;

Mika 3:11

E whakawā ana ōna upoko, he mea nā te patipati, e whakaako ana ōna tohunga, he mea nā te utu; ko ōna poropiti nā te hiriwa i kite tikanga ai; otiia kei te whakawhirinaki rātou ki a Ihowā, kei te mea, “He teka ianei kei roto a Ihowā i a tātou? E kore tētahi hē e pā ki a tātou.”

Mika 7:3

Kei runga ō rātou ringa i te mea kino kia mahia mārietia e rātou; ka tono te rangatira, kei te tatari hoki te kaiwhakawā kia utua; ā, ko te tangata nui, e puaki ana i a ia te nanakia o tōna wairua; nā, whiria tahitia ake e rātou.

Maraki 3:5

“Ka whakatata atu anō ahau ki a koutou ki te whakawā; ka hohoro anō ahau hei kaiwhakaatu i te hē o ngā kaimākutu, o te hunga pūremu, o ngā kaioati teka, o te hunga e tāhae ana i ngā utu o te kaimahi, i tā te pouaru, i tā te pani, e whakapeau kē ana i tā te manene, ā, kāhore e wehi i ahau, e ai tā Ihowā o ngā mano.”

Ngā Mahi 7:52

Ko tēhea o ngā poropiti kīhai i whakatupuria kinotia e ō koutou mātua? Whakamatea iho e rātou te hunga i poropititia ai te haerenga mai o te Mea Tika; ko koutou nei ōna kaituku, ōna kaikōhuru.

Tiuteronomi 16:18

Whakatūria ētahi kaiwhakawā, me ētahi rangatira mōu i ōu kūwaha katoa, e hōmai ana e Ihowā, e tōu Atua, ki a koe, mō ōu iwi; kia tika hoki tā rātou whakawā mō te iwi.

Tiuteronomi 31:21

Ā tēnei ake, hei te pānga o ngā kino maha, o ngā mate maha ki a rātou, nā, mā tēnei waiata e whakaatu ki tō rātou aroaro; nō te mea e kore e mahue i ngā waha o ō rātou uri. E mōhio ana hoki ahau ki ō rātou whakaaro e tito nei rātou ināianei nei anō, i te mea kīanō ahau i kawe noa i a rātou ki te whenua i oati ai ahau.”

Hēmi 5:4

Nanā, kei te karanga te utu i kaiponuhia e koutou mā ngā kaimahi nāna i kokoti ā koutou māra, kua tae atu anō hoki ngā karanga a ngā kaikokoti ki ngā taringa o te Ariki o ngā Mano Tini.

Hēmi 5:6

Whakatakā ana e koutou ki te hē, patua iho te mea tika, kīhai anō ia i pēhi atu i tā koutou.

Rutu 4:1

Nā, ka haere a Poaha ki te kūwaha, ā, noho ana i reira. Nā, ko te whanaunga tata i kōrerotia rā e Poaha e haere ana. Kātahi tērā ka mea atu, “E! Ko koe tonu ia! Peka mai nei ki konei noho ai.” Nā, ka peka atu ia, ā, noho ana.

1 Hamuera 8:3

Nā, kīhai āna tama i tika i tōna ara, engari peka kē ana rāua ki te apo, i tango hoki i te moni whakapati, ā, whakapeaua kētia ake te whakawā.