Āmoho 5:1 - Paipera Tapu 2012

¹ Whakarongo ki tēnei kupu, kua maranga nei i ahau hei tangi ki a koutou, e te whare o Īharaira:

Te Paipera Tapu 1952

¹ Whakarongo ki tenei kupu, kua maranga nei i ahau hei tangi ki a koutou, e te whare o Iharaira.

Āmoho 5:1 Iomraidhean Croise

Heremaia 18:13

Nā reira tēnei kupu a Ihowā: “Tēnā, uia atu ki ngā iwi: Ko wai i rongo ki ngā mea pēnei? He hanga whakawehi rawa te mahi a te wāhina o Īharaira.

Heremaia 7:29

Waruhia ōu makawe, e Hiruhārama, makā atu; anga atu ki te tangi ki runga ki ngā wāhi tiketike; kua paopaongia nei hoki e Ihowā, kua whakarērea te whakatupuranga i riri ai ia.

Heremaia 9:10

He whakaaro ki ngā maunga i ara ai tāku tangi, tāku auē, he whakaaro ki ngā puninga o te koraha tāku uhunga; nō te mea kua wera, kāhore tētahi tangata e tika nā reira, kāhore e rangona te reo o ngā kararehe; ko ngā manu o te rangi, ko ngā kararehe, pūtere atu ana, kua riro.

Heremaia 9:17

Ko te kupu tēnei a Ihowā o ngā mano: “Whakaaroa e koutou, karangatia hoki ngā wāhine tangi kia haere mai; unga tāngata ki ngā wāhine whakaaro nui kia haere mai.

Heremaia 9:20

Whakarongo rāia, e ngā wāhine, ki te kupu a Ihowā, kia riro anō i ō koutou taringa te kupu a tōna māngai. Whakaakona ā koutou tamāhine ki te tangi, ngā hoa hoki o tēnei, o tēnei, ki te uhunga.

Heremaia 9:9

E kore ianei ahau e whiu i a rātou mō ēnei mea? e ai tā Ihowā; e kore ianei tōku wairua e rapu utu i te iwi pēnei?”

Ehekiera 19:1

“Nā, whakahuatia he tangi mō ngā rangatira o Īharaira,

Ehekiera 19:14

Ā, kua puta atu he ahi i roto i ngā peka o ōna manga, pau ake ōna hua; kore ake ōna peka kaha hei hēpeta kīngi.’ He tangi tēnei, ka waiho anō hei tangi.”

Ehekiera 26:17

Ā, ka maranga tā rātou tangi mōu, ka mea rātou ki a koe: ‘Taukiri e, kua ngaro koe, e te pā o te hunga rere moana! E te pā ingoa nui i kaha nei i runga i te moana, ā, ia me ōna tāngata anō, e mea nei i tō rātou wehi kia pā ki ngā tāngata katoa e takataka ana i reira!

Ehekiera 27:2

“Kia anga atu ākuanei tāu tangi, e te tama a te tangata, ki a Tāira;

Ehekiera 28:12

“E te tama a te tangata, kia ara tāu tangi mō te kīngi o Tāira, mea atu hoki ki a ia: Ko te kupu tēnei a te Ariki, a Ihowā: Kei te tino o te pai tāu hīri, kī tonu koe i ngā whakaaro nunui, pai rerehua te ātaahua.

Ehekiera 32:16

“Ko te tangi tēnei e tangihia ai ia e rātou, ka tangihia ia e ngā tamāhine a ngā iwi. Ka tangihia ia e rātou, arā a Īhipa rātou ko ōna mano tini, e ai tā te Ariki, tā Ihowā.”

Ehekiera 32:2

“E te tama a te tangata, kia ara tōu tangi mō Parao kīngi o Īhipa, mea atu hoki ki a ia: Ko tōu rite kei te kūao raiona o ngā iwi; otiia, e rite ana koe ki te tarakona o ngā moana; i kōkiri mai anō koe me ōu awa, pōkarekare ana ngā wai i ōu waewae, poke ana i a koe ō rātou awa.”

Āmoho 3:1

Whakarongo ki tēnei kupu i kōrerotia e Ihowā mō koutou, e ngā tama a Īharaira, mō te hapū katoa i kawea mai e ahau i te whenua o Īhipa, i mea ahau:

Āmoho 4:1

Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Āmoho 5:16

Mō reira tēnei kupu a Ihowā, a te Atua o ngā mano, a te Ariki: “I ngā waharoa katoa ko te tangi; ko tā rātou kupu i ngā huarahi katoa, ‘Auē! auē!’ Ka karangatia te kaingaki whenua ki te tangi, me te hunga mātau ki te uhunga, hei auē;

Āmoho 8:14

Nā, ko te hunga e oati ana i te hē o Hamaria, e kī ana, ‘Kei te ora tōu Atua, e Rāna,’ me tēnei, ‘Kei te ora te tikanga o Peerehepa’ – ka taka rawa rātou, e kore anō e ara ā muri ake nei.”

Mika 2:4

I taua rā ka ara i a rātou tētahi whakatauki mō koutou, ka tangi hoki i tētahi tangi mamae nui, ā, ka mea, ‘Kua pāhuatia rawatia tātou; kua puta kē i a ia te wāhi o tāku iwi. Auē, tāna wehenga atu i ahau! Wehea ana e ia ā tātou māra mā te hunga whakakeke.’ ”