Āmoho 4:9 - Paipera Tapu 2012

⁹ “Kua patua koutou e ahau ki te ngingio, ki te koriri; nui noa ā koutou kāri, ā koutou māra wāina, ā koutou piki, ā koutou ōriwa, pau ake i te whangawhanga; heoi, kīhai koutou i hoki mai ki ahau,” e ai tā Ihowā.

Te Paipera Tapu 1952

⁹ Kua patua koutou e ahau ki te ngingio, ki te koriri: nui noa a koutou kari, a koutou mara waina, a koutou piki, a koutou oriwa, pau ake i te whangawhanga: heoi kihai koutou i hoki mai ki ahau, e ai ta Ihowa.

Āmoho 4:9 Iomraidhean Croise

1 Kīngi 8:37

“Ki te mea he matekai tō te whenua, he mate urutā, ki te mea he ngingio, he koriri, he māwhitiwhiti rānei, he moka rānei; ki te whakapaea rānei rātou e ō rātou hoariri ki te whenua o ō rātou pā; ki te pā mai tētahi whiu, tētahi mate tūroro rānei;

2 Whakapapa 6:28

“Ki te mea he matekai tō te whenua, he mate urutā, ki te mea he ngingio, he koriri, he māwhitiwhiti rānei, he whē rānei; ki te whakapaea rānei rātou e ō rātou hoariri ki te whenua o ō rātou pā; ki te pā mai he whiu, he mate tūroro rānei;

Ihāia 1:5

Kia patua tonutia hoki koutou hei aha, i tutū tonu ai koutou? Kei te mate katoa te māhunga, kei te ruhi katoa hoki te ngākau.

Ihāia 50:11

Nanā, e koutou katoa e tahu nā i te ahi, e whītiki nā i a koutou ki ngā rama muramura. Haere i te mārama o tā koutou ahi, i ngā rama muramura hoki i whakangihaia nā e koutou! Tēnei tā tōku ringa mō koutou: ka takoto iho koutou me te tangi anō.

Ihāia 9:12

ko ngā Hīriani ki mua, ko ngā Pirihitini ki muri, hāmama tonu ki te kai i a Īharaira. Ahakoa ko tēnei katoa e kore tōna riri e tahuri kē, engari mārō tonu tōna ringa.

Heremaia 3:10

Nā, ahakoa ko tēnei katoa, kīhai i whakapaua te ngākau o tōna tuakana tinihanga, o Hūrā, ki te hoki ki ahau; he hoki teka kau ia,” e ai tā Ihowā.

Heremaia 5:3

He teka ianei, e Ihowā, kei runga ōu kanohi i te pono? I whiua rātou e koe, heoi kīhai i pōuri; mōtī iho rātou i a koe, heoi kāhore i pai kia anga mai ki te ako. Kua meinga e rātou ō rātou mata kia mārō atu i te kōhatu, kua kore e pai ki te hoki mai.

Hōhea 11:5

“E kore ia e hoki atu ki te whenua o Īhipa; engari ko te Ahiriana hei kīngi mōna, mō rātou kīhai i pai ki te hoki.

Hoera 1:4

Ko te toenga a te whangawhanga pau ake i te māwhitiwhiti; ko te toenga a te māwhitiwhiti pau ake i te tātarakihi; ā, ko te toenga a te tātarakihi pau ake i te moka.

Hoera 1:7

Kore ake i a ia tāku wāina, ko tāku piki tīhorea ake e ia; poto rawa te peha i a ia, ākiri rawa; ko ōna manga meinga ana kia mā.

Hoera 2:25

“Ā, ka whakahokia mai e ahau ki a koutou ngā tau i kainga e te māwhitiwhiti, e te tātarakihi, e te moka, e te whangawhanga, e tāku ope nui i tukua atu e ahau ki a koutou.

Āmoho 4:6

“I tukua anō e ahau he parakore mō ngā niho ki a koutou i roto i ō koutou pā katoa, he tarokore ki ō koutou wāhi katoa; heoi, kīhai koutou i tahuri ki ahau,” e ai tā Ihowā.

Āmoho 4:8

Nā, kōpiko atu ana ētahi pā e rua, e toru, ki te pā kotahi ki te inu wai, ā, kore ake i mākona; otiia, kīhai koutou i hoki mai ki ahau,” e ai tā Ihowā.

Hapakuku 3:17

Ahakoa kore te piki e kōpuku, kore ngā wāina e whai hua; ka hē te mahi ōriwa, kāhore hoki ngā māra e whai kai; ko ngā hipi poto ake i roto i ngā taiepa, kāhore hoki he kau i roto i ngā taiepa kau;

Hākai 2:17

I patua koutou e ahau, ngā mahi katoa a ō koutou ringa ki te ngingio, ki te koriri, ki te whatu, ā, kīhai koutou i tahuri ki ahau,’ e ai tā Ihowā.

Maraki 3:11

Ā, ka rīria e ahau te kaiwhakapareho, he mea mō koutou, ā, e kore e hunā e ia ngā hua o tō koutou oneone; e kore anō e marere noa ngā hua o tā koutou wāina i te māra,” e ai tā Ihowā o ngā mano.

Tiuteronomi 28:22

Ka whiua koe e Ihowā ki te kohi, ki te kirikā, ki te mumura, ki te toronga nui, ki te hoari, ki te tauraki, te hōpurupuru; ā, ka whai ēnā i a koe ā ngaro noa koe.

Tiuteronomi 28:42

Ko āu rākau katoa me ngā hua o tōu oneone ka pau i te māwhitiwhiti.