Āmoho 4:7 - Paipera Tapu 2012

⁷ “I kaiponuhia anō e ahau te ua ki a koutou i te mea kia toru ake marama ko te kotinga wīti; i meinga anō e ahau kia ua ki runga ki tētahi pā, ā, ki tētahi pā i mea ahau kia kaua e ua. Ko tētahi wāhi i uaina, ā, ko te wāhi kīhai i uaina, maroke noa iho.

Te Paipera Tapu 1952

⁷ I kaiponuhia ano e ahau te ua ki a koutou i te mea kia toru ake marama ko te kotinga witi: i meinga ano e ahau kia ua ki runga ki tetahi pa, a ki tetahi pa i mea ahau kia kaua e ua: ko tetahi wahi i uaina, a ko te wahi kihai i uaina, maroke noa i ho.

Āmoho 4:7 Iomraidhean Croise

Ekoruhe 10:22

Nā, ka toro atu te ringa o Mohi ki te rangi, ā, kua pōuri kerekere i te whenua katoa o Īhipa, e toru ngā rā.

Ekoruhe 10:23

Kāhore tētahi i kite i tētahi, kīhai anō hoki i whakatika atu tētahi i tōna wāhi i ngā rā e toru. Tēnā ko ngā tama a Īharaira, mārama ana ō rātou nā nohoanga.

Ekoruhe 8:22

“ ‘Ā, ka wehea atu e ahau i taua rā te whenua o Kohena, e noho nei tāku iwi, kei whai pōkai namu a reira; kia mōhio ai koe ko Ihowā ahau i waenganui o te whenua.

Ekoruhe 9:26

Ko te whenua ia o Kohena, i ngā tama a Īharaira, kāhore he whatu.

Ekoruhe 9:4

Ā, e wehewehe a Ihowā i ngā kararehe a Īharaira, i ngā kararehe a Īhipa; e kore e mate tētahi o ngā mea katoa a ngā tama a Īharaira.’ ”

Ihāia 5:6

Ā, ka meinga e ahau kia ururua; e kore e tapatapahia, e kore e ngakia, engari, ka huaranga ake te tātarāmoa me te tūmatakuru; ka ako atu hoki ahau ki ngā kapua kia kaua te ua e uaina ki reira.

Heremaia 14:22

Kei roto rānei i ngā mea horihori a ngā tauiwi tētahi hei mea kia ua? Mā ngā rangi rānei e hōmai ngā ua nehu? He teka ianei ko koe ia, e Ihowā, e tō mātou Atua? Nā reira mātou ka tatari ki a koe, nāu hoki i hanga ēnei mea katoa.

Heremaia 14:3

Nā, ka unga ō rātou ariki i ā rātou tamariki ririki ki ngā awa; ka tae rātou ki ngā poka, kāhore e kite wai; ka hoki me ā rātou oko, tahanga kau. Ka whakamā rātou, ka numinumi, ka hīpoki i ō rātou māhunga.

Heremaia 14:4

I te ngātata o te oneone, kāhore anō nei hoki he ua ki runga ki te whenua, ka whakamā ngā kaiparau ka hīpoki i ō rātou māhunga.

Heremaia 3:3

Nā reira i kaiponuhia ai ngā ua, kāhore hoki he ua ō muri. Engari, he rae tōu nō te wahine kairau, e whakakāhore ana ki te whakamā.

Hoera 2:23

Nā, whakamanamana, e ngā tama a Hiona, kia koa ki a Ihowā, ki tō koutou Atua; ka tika hoki tāna hōmai i tō mua ua ki a koutou, ā, ka meinga e ia te ua, tō mua ua, me tō muri ua, kia heke iho mā koutou i te marama tuatahi.

Hakaraia 14:17

Nā, ko te tangata o ngā hapū o te whenua ka kore e haere mai ki Hiruhārama ki te koropiko ki te Kīngi, ki a Ihowā o ngā mano, kāhore he ua mō rātou.

Hoani 4:35

E kore ianei koutou e mea, ‘Kia whā atu ngā marama, ā, ka taea te kotinga?’ Nanā, ko tāku kupu tēnei ki a koutou, kia ara ake ō koutou kanohi, titiro ki ngā māra; kua mā noa ake; ko te kotinga tēnei.

1 Koriniti 4:7

Ko wai kei te mea kia rerekē koe? Ko tēhea mea hoki āu ehara i te mea hoatu ki a koe? Nā, he mea i hoatu ki a koe, he aha koe ka whakamanamana ai, me te mea nei ehara i te mea hoatu?

Tiuteronomi 11:17

ā, ka mura te riri o Ihowā ki a koutou, ā, ka tūtakina e ia te rangi, e kore ake ai te ua, e kore ai hoki e tukua mai e te whenua ōna hua. Nā, ka hohoro koutou te mate atu i te whenua pai ka hōmai nei e Ihowā ki a koutou.

Hēmi 5:17

He tangata a Irāia, he rite tahi te ngākau ki ō tātou, heoi, ka kaha nei tāna īnoi kia kaua e ua; kore ake he ua ki runga ki te whenua, ā, e toru ngā tau, e ono ngā marama.

Whakakitenga 11:6

Kei a rāua te tikanga mō te kōpani i te rangi, kia kaua e ua te ua i ngā rā o tā rāua poropititanga. Kei a rāua anō te tikanga mō te whakaputa kē i ngā wai hei toto, mō te patu anō i te whenua ki ngā patunga katoa, i ngā wā e pai ai rāua.