Āmoho 4:6 - Paipera Tapu 2012

⁶ “I tukua anō e ahau he parakore mō ngā niho ki a koutou i roto i ō koutou pā katoa, he tarokore ki ō koutou wāhi katoa; heoi, kīhai koutou i tahuri ki ahau,” e ai tā Ihowā.

Te Paipera Tapu 1952

⁶ I tukua ano e ahau he parakore mo nga niho ki a koutou i roto i o koutou pa katoa, he tarokore ki o koutou wahi katoa; heoi kihai koutou i tahuri ki ahau, e ai ta Ihowa.

Āmoho 4:6 Iomraidhean Croise

1 Kīngi 17:1

Nā, ka mea a Irāia Tihipi, nō ngā tāngata o Kireara, ki a Āhapa, “E ora ana a Ihowā, te Atua o Īharaira, kei tōna aroaro nei ahau e tū ana, e kore ēnei tau e whai tōmairangi, e whai ua; engari mā tāku kupu anake.”

1 Kīngi 18:2

Nā, haere ana a Irāia ki te whakakite i a ia ki a Āhapa. Nui atu hoki te matekai o Hamaria.

2 Kīngi 4:38

Nā, ka tae anō a Eriha ki Kirikara; ā, he matekai i te whenua; ā, i tōna aroaro ngā tama a ngā poropiti e noho ana; ā, ka mea ia ki tāna tangata, “Whakaekea te kōhua nui, kōhuatia he kai mā ngā tama a ngā poropiti.”

2 Kīngi 8:1

Nā, kua kōrero a Eriha ki te wahine nāna nei te tamaiti i whakaorangia e ia, kua mea, “Whakatika, haere koutou ko tōu whare, ā, e noho ki tāu wāhi e noho ai koe; kua karangatia hoki e Ihowā he matekai; ā, ka pā hoki ki te whenua, e whitu tau.”

2 Whakapapa 28:22

Nā, i te wā i hē ai ia, ka tohe anō ia ki te hē ki a Ihowā, taua kīngi a Ahata.

Ihāia 26:11

E Ihowā, kua ara tōu ringa ki runga, heoi kāhore rātou e kite. Otiia, ka kite rātou i tōu hae mō te iwi, ā, ka whakamā; āe rā, mā te ahi e kai ōu hoariri.

Ihāia 3:1

Nō te mea tēnei te Ariki, a Ihowā o ngā mano, te tango atu nei i Hiruhārama, i a Hūrā, i te tītoko me te tokotoko – i te tītoko taro katoa, i te tītoko wai katoa –

Ihāia 9:12

ko ngā Hīriani ki mua, ko ngā Pirihitini ki muri, hāmama tonu ki te kai i a Īharaira. Ahakoa ko tēnei katoa e kore tōna riri e tahuri kē, engari mārō tonu tōna ringa.

Ihāia 9:13

Nā, kīhai anō te iwi i tahuri ki tō rātou kaiwhiu, kīhai anō hoki i rapu i a Ihowā o ngā mano.

Heremaia 14:18

Ki te haere ahau ki te pārae, nanā, ko ngā tūpāpaku a te hoari! Ki te tomo ahau ki te pā, nanā, ko te hunga e mate ana i te hemokai! Ko te poropiti hoki rāua tahi ko te tohunga kei te hāereere noa iho i te whenua, ā, kāhore e mōhio.’ ”

Heremaia 5:3

He teka ianei, e Ihowā, kei runga ōu kanohi i te pono? I whiua rātou e koe, heoi kīhai i pōuri; mōtī iho rātou i a koe, heoi kāhore i pai kia anga mai ki te ako. Kua meinga e rātou ō rātou mata kia mārō atu i te kōhatu, kua kore e pai ki te hoki mai.

Ehekiera 14:21

“Nō te mea ko te kupu tēnei a te Ariki, a Ihowā: Tērā noa ake ina tukua e ahau āku whakawā kino e whā, te hoari, te hemokai, te kīrehe kino, te mate urutā ki Hiruhārama, hei hātepe atu i te tangata, i te kararehe o reira.

Ehekiera 16:27

Nā reira, nanā, kua totoro atu tōku ringa ki runga ki a koe, kua whakaititia anō e ahau ngā kai i rite māu, ā, hoatu ana koe e ahau ki tā ōu hoariri i pai ai, ki ngā tamāhine a ngā Pirihitini, e whakamā nei ki tōu ara pūremu.

Hōhea 11:5

“E kore ia e hoki atu ki te whenua o Īhipa; engari ko te Ahiriana hei kīngi mōna, mō rātou kīhai i pai ki te hoki.

Hōhea 5:15

Ka haere ahau ka hoki ki tōku wāhi, kia whakaae rā anō rātou ki tō rātou hē, kia rapua rā anō tōku mata e rātou. Ā, i a rātou e mate ana, kaha tonu tā rātou rapu i ahau.”

Hoera 1:16

He teka ianei kua hātepea atu te kai i mua atu i ō tātou kanohi, āe rā, te koa, me te whakamanamana i roto i te whare o tō tātou Atua?

Rewitikuha 26:23

“Ā, ki te kāhore koutou e hoki ake ki te pai i ēnei meatanga āku, ā, ka anga kē atu koutou i ahau;

Rewitikuha 26:26

Ki te whati i ahau tā koutou tokotoko, arā te taro, ka tunua tā koutou taro e ngā wāhine kotahi tekau ki te oumu kotahi, ā, ka whakahokia e rātou tā koutou taro, he mea pāuna; ā, ka kai koutou, ā, e kore e mākona.

Hākai 2:17

I patua koutou e ahau, ngā mahi katoa a ō koutou ringa ki te ngingio, ki te koriri, ki te whatu, ā, kīhai koutou i tahuri ki ahau,’ e ai tā Ihowā.

Tiuteronomi 28:38

He nui te purapura e kawea atu e koe ki te māra, ā, he iti tāu e kohikohi mai ai; ka pau hoki i te māwhitiwhiti.

Whakakitenga 2:21

Ā, i hoatu e ahau ki a ia he tāima e rīpenetā ai ia; otirā, kāhore ia e pai kia rīpenetā i tāna moepuku.

Rutu 1:1

Nā, i ngā rā i whakarite ai ngā kaiwhakarite, kua pā te matekai ki te whenua, ā, ka haere tētahi tangata o Pēterehema Hūrā ki te whenua o Moapa noho ai; a ia, tāna wahine, me āna tama tokorua.