Āmoho 4:3 - Paipera Tapu 2012

³ Ka haere atu anō koutou nā ngā pakaru, nā ngā wāhi e hāngai mai ana ki tēnei, ki tēnei; ā, ka ākiri koutou i a koutou ki Haramona,” e ai tā Ihowā.

Te Paipera Tapu 1952

³ Ka haere atu ano koutou na nga pakaru, na nga wahi e hangai mai ana ki tenei, ki tenei; a ka akiri koutou i a koutou ki Haramona, e ai ta Ihowa.

Āmoho 4:3 Iomraidhean Croise

2 Kīngi 25:4

Kātahi ka wāhia te pā, ā, rere ana ngā tāngata whawhai katoa i te pō nā te ara o te kūwaha i waenganui o ngā taiepa e rua, nā tērā i te kāri a te kīngi; he mea karapoti hoki te pā e ngā Karari; ko te kīngi i haere nā te Arapa.

2 Kīngi 7:15

Nā, haere ana rātou ki te whai i a rātou a Horano rā anō. Nā, kapi tonu te huarahi katoa i te kākahu, i ngā mea i rukea atu e ngā Hīriani i tō rātou pōnānā. Nā, hoki ana aua tāngata ki te kōrero ki te kīngi.

Ihāia 2:20

Ā taua rā ka ākiritia atu e te tangata āna whakapakoko hiriwa me āna whakapakoko kōura i hangā e rātou hei koropikotanga māna, ki ngā kiore, ki ngā pekapeka;

Ihāia 31:7

Ā taua rā hoki ka whakahāwea te tangata ki āna whakapakoko hiriwa, ki āna whakapakoko kōura, i hangā e ō koutou ringa mā koutou hei hara.

Heremaia 52:7

Kātahi ka pakaru te pā, rere ana ngā tāngata whawhai katoa, puta ana i roto i te pā i te pō, nā te ara o te kūwaha i waenganui o ngā taiepa e rua, nā tērā i te kāri a te kīngi, i karapotia hoki te pā e ngā Karari; ā, haere ana rātou nā te ara o te Arapa.

Ehekiera 12:12

“Ko te rangatira i roto i a rātou ka amo te pokohiwi i te pōuri, ka haere atu. Ka pokaia te taiepa hei whakaputanga atu; ko tōna mata hīpoki rawa, nō te mea e kore ia e kite i te whenua ki ōna kanohi.

Ehekiera 12:5

Pokaia e koe te taiepa i tā rātou tirohanga, ā, maua atu tāu kawenga mā reira.

Āmoho 6:7

Nā āianei, ko rātou ki mua ka whakaraua atu o te hunga e whakaraua ana, ā, ka kore te hākari a te hunga i whārōrō rā.

Tepania 1:18

E kore anō tā rātou hiriwa, tā rātou kōura, e tau hei whakaora i a rātou i te rā o tō Ihowā riri. Engari, ka pau te whenua katoa i te ahi, arā i tōna hae; ka ohorere hoki, ka poto i a ia ngā tāngata katoa o te whenua.”

Matiu 16:26

He aha hoki te pai ki te tangata, ki te riro i a ia te ao katoa, ā, ka kore he ora mōna? He aha hoki tā te tangata e hoatu ai hei utu mōna kia ora?

Kaiwhakariterite 5:17

I noho a Kireara ki tērā taha o Horano; nā, ko Rāna, he aha ia i noho ai i runga i ngā kaipuke? Ko Āhera, whakakeke tonu mai i te takutai moana, ā, noho ana ia i te taha o ōna manga wai.