Āmoho 4:2 - Paipera Tapu 2012

² Kua oatitia tōna tapu e te Atua, e Ihowā: “Nanā, kei te haere mai ngā rā ki a koutou e mauria ai koutou e rātou ki te matau, ō koutou whakamutunga ki te matau ika.

Te Paipera Tapu 1952

² Kua oatitia tona tapu e te Atua, e Ihowa, nana, kei te haere mai nga ra ki a koutou e mauria ai koutou e ratou ki te matau, o koutou whakamutunga ki te matau ika.

Āmoho 4:2 Iomraidhean Croise

Waiata 89:35

Kotahi āku oatitanga i tōku tapu; e kore ahau e teka ki a Rāwiri.

Waiata 89:36

Ka mau tonu tōna uri ake ake; ā, ka rite tōna torōna ki te rā i tōku aroaro.

Ihāia 37:29

Nā, mō tāu nananga ki ahau, mō te mea kua tae ake nei tāu whakamanamana ki ōku taringa, mō reira ka kuhua e ahau tāku matau ki tōu ihu, tāku paraire ki ōu ngutu; ā, ka whakahokia koe nā te ara i haere mai nā koe.

Heremaia 16:16

“Nanā, ka tīkina atu e ahau ētahi kaihī ika tokomaha,” e ai tā Ihowā, “ā, ka hīa rātou e rātou. Muri iho ka tīkina e ahau he tangata whai kīrehe mohoao, he tokomaha, ā, ka whāia rātou i runga i ngā maunga katoa, i runga i ngā pukepuke katoa, i roto hoki i ngā rua o ngā kāmaka.

Ehekiera 29:4

Ā, ka makā e ahau he matau ki ōu kauae, ka meinga anō e ahau ngā ika o ōu awa kia piri ki ōu unahi. Ka tangohia mai anō koe e ahau i waenganui o ōu awa, me ngā ika katoa o ōu awa e piri ana ki ōu unahi.

Ehekiera 34:16

Māku e rapu te mea i ngaro, māku anō e whakahoki mai te mea i āia atu, māku e takai te mea i whati, māku anō e whakakaha te mea tūroro. Nā, ko te mea mōmona, ko te mea kaha, ka ngaro i ahau; ka whāngaia rātou e ahau i runga i te whakawā.

Ehekiera 38:4

Ka whakatahuritia anō koe e ahau, ka whakamaua he matau ki ōu kauae, ā, ka whakaputaina koe ki waho, me tōu ope katoa, ngā hōiho, me ngā kaieke hōiho, he mea whakakākahu rātou katoa ki ngā kākahu o te whawhai, he ope nui me te puapua, me te whakangungu rākau, ā, he hāpai hoari rātou katoa.

Āmoho 6:8

Kua oatitia te Ariki, a Ihowā, e ia anō, e ai tā Ihowā, tā te Atua o ngā mano: “E whakarihariha ana ahau ki tā Hākopa e whakaī nā, e kino ana ki ōna whare kīngi; mō reira ka tukua atu e ahau te pā me ngā mea i roto.”

Āmoho 8:7

Kua oatitia e Ihowā te nui o Hākopa: “E kore ahau e wareware ki tētahi o ā rātou mahi ā ake ake.