Āmoho 4:12 - Paipera Tapu 2012

¹² “Mō reira ka meatia tēnei e ahau ki a koe, e Īharaira; ka meinga nei tēnei e ahau ki a koe, nā, kia rite ōu mea mō tōu tūtaki ki tōu Atua, e Īharaira.”

Te Paipera Tapu 1952

¹² Mo reira ka meatia tenei e ahau ki a koe, e Iharaira, Ka meinga nei tenei e ahau ki a koe, na kia rite ou mea mo tou tutaki ki tou Atua, e Iharaira.

Āmoho 4:12 Iomraidhean Croise

Ihāia 32:11

E wiri, e ngā wāhine e noho hūmārie ana; pōkaikaha noa iho, e te hunga maharakore; whakarērea ngā kākahu, noho tahanga, whītikiria he kākahu taratara ki ō koutou hope.

Ihāia 47:3

Ka kitea ōu wāhi e takoto tahanga ana, āe rā, ka kitea tōu mea e whakamā ai koe. Ka rapu utu ahau, e kore anō e whakaae ki tētahi tangata.

Ihāia 64:2

Kia rite ki te ngiha o te ahi tahu rārā, ki te ahi e koropupū ai ngā wai – kia mōhiotia ai tōu ingoa e ōu hoariri, kia wiri ai ngā iwi i tōu aroaro!

Heremaia 5:22

Kāhore rānei ō koutou wehi ki ahau? e ai tā Ihowā. E kore ianei koutou e hopohopo ki tōku aroaro? Nāku nei hoki i mea te onepū hei rohe ki te moana, he tikanga mau tonu, e kore anō e koni mai. Ahakoa ngana noa ōna ngaru, e kore e taea tā rātou; hāmama noa, e kore anō e koni mai.

Ehekiera 13:5

Kīhai koutou i haere ki ngā wāhi pakaru, kīhai anō i hangā i te taiepa mō te whare o Īharaira, hei tūranga i te tatauranga i te rā o Ihowā.

Ehekiera 22:30

“I te rapu anō ahau i te tangata i roto i a rātou hei hanga i te taiepa, hei tū ki te wāhi pakaru ki tōku aroaro mō te whenua, hei mea kei whakangaromia e ahau; heoi kīhai i kitea.

Hōhea 13:8

Ko tōku tūtakitanga ki a rātou ka rite ki tō te pea kua tangohia nei āna kūao, ka haea hoki e ahau te taupā o ō rātou ngākau; ā, hei reira ka kainga rātou e ahau ki te kai a te raiona; ka haehaea rātou e te kīrehe o te pārae.

Āmoho 2:14

Nā, ka kore te oma i te tangata tere, e kore e nui ake te kaha o te tangata kaha, e kore hoki te mārohirohi e mawhiti i te mate;

Matiu 24:44

Nā, kia mataara hoki koutou; nō te mea ka puta mai te Tama a te tangata i te hāora e kore ai koutou e mahara.”

Matiu 5:25

“Kia hohoro te whakarite i tā kōrua kōrero ko tōu hoa tauwhāinga, i a kōrua anō i te ara, kei tukua koe e te hoa tauwhāinga ki te kaiwhakawā, ā, ka tukua e te kaiwhakawā ki te kātipa, ā, ka makā koe ki te whare herehere.

Whakakitenga 3:3

Kia mahara rā ki te rironga o ngā mea i a koe, ki āu i rongo ai, ā, puritia, rīpenetā hoki. Nā, ki te kore koe e mataara, ka tae atu ahau ki a koe, ānō he tāhae; e kore hoki koe e mātau ki te hāora e tae atu ai ahau ki a koe.