Āmoho 4:11 - Paipera Tapu 2012

¹¹ “I hurihia ētahi o koutou e ahau ki raro, i pērātia me tā te Atua hurihanga i Horoma, i Komora, ā, rite tonu koutou ki te mōunga i kapohia mai i roto i te weranga; heoi, kīhai koutou i hoki mai ki ahau,” e ai tā Ihowā.

Te Paipera Tapu 1952

¹¹ I hurihia etahi o koutou e ahau ki raro, i peratia me ta te Atua hurihanga i Horoma, i Komora, a rite tonu koutou ki te mounga i kapohia mai i roto i te weranga: heoi kihai koutou i hoki mai ki ahau, e ai ta Ihowa.

Āmoho 4:11 Iomraidhean Croise

Ihāia 13:19

Ā, ko Papurōna, ko te korōria o ngā kīngitanga, ko te mea ātaahua whakahirahira a ngā Karari, tērā ia e rite ki tā te Atua hurihanga i Horoma, i Komora.

Ihāia 7:4

Ka mea ki a ia, ‘Kia mahara, kia āta noho; kaua e wehi, kaua, hoki tōu ngākau e pāwera ki ngā pito e rua o ēnei ngotungotu e paowa nei, ki te riri nui o Retini rātou ko Hīria, o te tama hoki a Remaria.

Ihāia 9:12

ko ngā Hīriani ki mua, ko ngā Pirihitini ki muri, hāmama tonu ki te kai i a Īharaira. Ahakoa ko tēnei katoa e kore tōna riri e tahuri kē, engari mārō tonu tōna ringa.

Heremaia 23:14

Kei ngā poropiti anō hoki o Hiruhārama, kua kitea e ahau tētahi mea whakahouhou rawa: e pūremu ana rātou, ā, ka haere i runga i te teka, ā, e whakakahangia ana e rātou ngā ringa o ngā kaimahi o te kino, e kore rawa ai tētahi e tahuri mai i tōna kino. Ki ahau kua rite rātou katoa ki Horoma, ā, ko ngā tāngata o reira, koia anō kei o Komora.”

Heremaia 49:18

Ka rite ki te hurihanga o Horoma, o Komora, o ngā pā hoki i tata ki reira,” e ai tā Ihowā, “e kore tētahi tangata e whai kāinga ki reira, e kore hoki tētahi tama a te tangata e noho ki reira.

Heremaia 5:3

He teka ianei, e Ihowā, kei runga ōu kanohi i te pono? I whiua rātou e koe, heoi kīhai i pōuri; mōtī iho rātou i a koe, heoi kāhore i pai kia anga mai ki te ako. Kua meinga e rātou ō rātou mata kia mārō atu i te kōhatu, kua kore e pai ki te hoki mai.

Heremaia 50:40

Ka rite ki tā te Atua hurihanga i Horoma, i Komora, i ngā pā anō hoki e tata ana ki reira,” e ai tā Ihowā; “ka pērā te kore o te tangata e noho ki reira, e kore anō hoki tētahi tama a te tangata e whai kāinga ki reira.

Ehekiera 24:13

“He hē kei roto i tōu poke. Nā, mea noa ahau i a koe kia mā, ā, kīhai koe i mā; mō reira e kore tōu poke e whakamākia ā muri ake nei, kia mākona rā anō tōku riri ki a koe.

Hōhea 11:5

“E kore ia e hoki atu ki te whenua o Īhipa; engari ko te Ahiriana hei kīngi mōna, mō rātou kīhai i pai ki te hoki.

Hōhea 11:8

“Me pēhea koe ka hoatu whakarere ai e ahau, e Ēparaima? Me pēhea ka tukua ai koe e ahau, e Īharaira? Me pēhea ka meinga ai koe e ahau kia rite ki Arema? Me pēhea ka waiho ai koe kia rite ki Tepoimi? Kua puta kē tōku ngākau i roto i ahau, ngiha tahi anō ōku kōnohinohitanga.

Āmoho 4:6

“I tukua anō e ahau he parakore mō ngā niho ki a koutou i roto i ō koutou pā katoa, he tarokore ki ō koutou wāhi katoa; heoi, kīhai koutou i tahuri ki ahau,” e ai tā Ihowā.

Hākai 2:17

I patua koutou e ahau, ngā mahi katoa a ō koutou ringa ki te ngingio, ki te koriri, ki te whatu, ā, kīhai koutou i tahuri ki ahau,’ e ai tā Ihowā.

Hakaraia 3:2

Nā, ka mea atu a Ihowā ki a Hātana, “Kia whakatūpehupehu a Ihowā ki a koe, e Hātana! Āe rā, ko Ihowā nāna nei a Hiruhārama i whiriwhiri, kia whakatūpehupehu a Ihowā ki a koe; he teka ianei he mōunga tēnei kua kapohia mai i roto i te ahi?”

Rōma 9:29

Ā, e kī rā a Ihāia i mua rā, “Me kāhore te toe i te Atua o ngā mano he whānau mō tātou, kua pērā tātou me Horoma, kua rite anō hoki ki Komora.”

1 Koriniti 3:15

Ki te wera te mahi a tētahi ka maumauria tāna; ko ia, ia ka ora; otirā me te mea mā roto i te ahi.

Tiuteronomi 28:24

Ka hōmai e Ihowā hei ua mō tōu whenua te puehu me te nehu; ka rere iho taua mea i te rangi ki runga ki a koe, kia ngaro rā anō koe.

Tiuteronomi 29:23

i te whenua katoa hoki he whānāriki, he tote, he ngiha, kāhore e whakatōkia, kāhore e tupu, kāhore hoki e pihi ake tētahi otaota ki reira, pērā me te hunanga o Horoma rāua ko Komora, o Arema rāua ko Tepoimi, i hunā e Ihowā i a ia e āritarita ana, e riri ana –

2 Pita 2:6

Ā, meinga ana ngā pā, a Horoma, a Komora, kia pungarehu rawa, ko tāna whakataunga hē he hurihanga, waiho iho hei tohu ki te hunga e noho karakiakore i ngā wā i muri.

Hūrā 1:23

Ko ētahi me whakaora, ka tō mai i roto i te kāpura; ā, ko ētahi tohungia, i runga i te mataku; me te weriweri rawa ki te kākahu i poke i te kikokiko.

Hūrā 1:7

Ka rite ki Horoma, ki Komora, ki ngā pā hoki i tata ki reira, i pērā me ēnei, te moepuku, te whai i ngā kikokiko kē. Kua waiho rātou hei tohu, pāngia ana rātou e te whiu, arā e te ahi kā tonu.

Whakakitenga 9:20

Nā, ko ērā atu tāngata, kīhai nei i whakamatea e ēnei mate, kāhore rātou i rīpenetā ki ngā mahi a ō rātou ringaringa, kīhai hoki i mutu tō rātou koropiko ki ngā rēwera, ki ngā whakapakoko kōura, hiriwa, parāhi, kōhatu, rākau rānei; ki ngā mea kāhore nei e kite, kāhore e rongo, kāhore e hāereere.