Āmoho 4:10 - Paipera Tapu 2012

¹⁰ “I tukua e ahau te mate urutā ki a koutou, he pērā tonu me tō Īhipa; ko ā koutou taitama he mea patu nāku ki te hoari, ko ā koutou hōiho riro ana i ahau, ā, meinga ana e ahau te piro o tō koutou puni kia kake ake ki ō koutou ihu rawa; heoi, kīhai koutou i hoki mai ki ahau,” e ai tā Ihowā.

Te Paipera Tapu 1952

¹⁰ I tukua e ahau te mate uruta ki a koutou, he pera tonu me to Ihipa: ko a koutou taitama he mea patu naku ki te hoari, ko a koutou hoiho riro ana i ahau, a meinga ana e ahau te piro o to koutou puni kia kake ake ki o koutou ihu rawa; heoi kihai k outou i hoki mai ki ahau, e ai ta Ihowa.

Āmoho 4:10 Iomraidhean Croise

2 Kīngi 10:32

I aua rā ka tīmata a Ihowā te tapahi i ngā taha o Īharaira; i patua hoki rātou e Hataere i ngā rohe katoa o Īharaira:

2 Kīngi 13:3

Nā, ka mura te riri o Ihowā ki a Īharaira, ā, hoatu ana rātou e ia ki te ringa o Hataere kīngi o Hīria, ki te ringa anō hoki o Pēneharara tama a Hataere i ō rāua rā katoa.

2 Kīngi 13:7

Kāhore hoki i waiho e ia o te iwi ki a Iehoahata, ko ngā kaieke hōiho anake e rima tekau, tekau ngā hāriata, kotahi tekau mano ngā hōia haere raro; i hunā hoki rātou e te kīngi o Hīria, ā, meinga ana kia rite ki te puehu i te patunga wīti.

2 Kīngi 8:12

Nā, ka mea a Hataere, “Nā te aha tōku ariki i tangi ai?” Anō rā ko ia, “Nō te mea e mōhio ana ahau ki te kino e meatia e koe ki ngā tama a Īharaira; ko ō rātou pā e tahuna e koe ki te ahi, ko ā rātou taitamariki e patua e koe ki te hoari, ko ā rātou kōhungahunga e tāia iho e koe, ā, ko ā rātou wāhine hapū ka ripiripia e koe.”

Ekoruhe 10:27

Otiia whakapakeketia ana e Ihowā te ngākau o Parao, ā, kīhai ia i pai ki te tuku i a rātou.

Ekoruhe 10:3

Ā, haere ana a Mohi rāua ko Ārona ki a Parao, mea ana ki a ia, “Ko te kupu tēnei a Ihowā, a te Atua o ngā Hiperu, ‘Kia pēhea te roa ōu kāhore nei e ngohengohe ki tōku aroaro? Tukua tāku iwi kia haere, kia mahi ki ahau.

Ekoruhe 14:4

Ā, māku e whakapakeke te ngākau o Parao, kia whai ai ia i a rātou; ā, ka whai korōria ahau i a Parao rātou ko tōna nuinga katoa; ā, ka mōhio ngā Īhipiana ko Ihowā ahau.” Ā, pērā ana rātou.

Ekoruhe 15:26

I mea hoki ia, “Ki te rongo mārie koe ki te reo o Ihowā, o tōu Atua, ā, ka mahi i te mea tika ki tāna titiro, ā, ka whai taringa ki āna whakahau, ka pupuri hoki i āna tikanga katoa, e kore rawa tētahi o aua mate i whakapāngia ki ngā Īhipiana e ahau, e whakapāngia atu e ahau ki a koe. Ko Ihowā hoki ahau e whakaora nei i a koe.”

Ekoruhe 8:19

Nā, ka mea ngā tohunga ki a Parao, “Nā te matikara o te Atua tēnei!” Ā, ka whakapakeketia te ngākau o Parao, kīhai hoki ia i rongo ki a rāua; ko tā Ihowā hoki i kī ai.

Ekoruhe 9:12

Nā, ka whakapakeke a Ihowā i te ngākau o Parao, ā, kīhai ia i rongo ki a rāua; ko tā Ihowā hoki i kī ai ki a Mohi.

Ekoruhe 9:17

E whakakake tonu ana anō koe ki tāku iwi, tē tuku ai i a rātou?

Ihāia 34:3

Ka ākiritia atu anō ō rātou tūpāpaku i patua, ka puta ake hoki te piro o ō rātou tinana; ā, ka rewa ngā maunga i ō rātou toto.

Ihāia 50:11

Nanā, e koutou katoa e tahu nā i te ahi, e whītiki nā i a koutou ki ngā rama muramura. Haere i te mārama o tā koutou ahi, i ngā rama muramura hoki i whakangihaia nā e koutou! Tēnei tā tōku ringa mō koutou: ka takoto iho koutou me te tangi anō.

Ihāia 9:12

ko ngā Hīriani ki mua, ko ngā Pirihitini ki muri, hāmama tonu ki te kai i a Īharaira. Ahakoa ko tēnei katoa e kore tōna riri e tahuri kē, engari mārō tonu tōna ringa.

Ihāia 9:13

Nā, kīhai anō te iwi i tahuri ki tō rātou kaiwhiu, kīhai anō hoki i rapu i a Ihowā o ngā mano.

Ihāia 9:17

Mō reira kāhore o te Ariki koa ki ā rātou taitamariki, e kore anō e tohungia ā rātou pani, ā rātou pouaru; nō te mea he noa rātou katoa, he kaimahi i te kino, he wairangi te kōrero a ngā māngai katoa. Ahakoa ko tēnei katoa, e kore tōna riri e tahuri kē, engari mārō tonu tōna ringa.

Heremaia 11:22

mō reira ko te kupu tēnei a Ihowā o ngā mano: ‘Tēnei ahau te whiu nei i a rātou; ka mate ngā taitamariki i te hoari; ko ā rātou tama, ko ā rātou tamāhine, ka mate i te hemokai.

Heremaia 15:3

“E whā hoki ngā tū mea e whakaritea e ahau mō rātou,” e ai tā Ihowā, “ko te hoari hei whakamate, ko ngā kurī hei haehae, ā, ko ngā manu o te rangi, ko ngā kararehe hoki o te whenua hei kai, hei whakamōtī.

Heremaia 16:4

“He kino rawa ngā mate e mate ai rātou; e kore rātou e tangihia, e kore hoki e tanumia; ka waiho rātou hei whakawairākau i runga i te mata o te oneone. Ka poto atu rātou i te hoari, i te hemokai; ko ō rātou tinana hei kai mā ngā manu o te rangi, mā ngā kararehe o te whenua.”

Heremaia 18:21

Mō reira hoatu ā rātou tamariki ki te hemokai, tukua atu ki te kaha o te hoari; whakapania ā rātou wāhine i te tamariki, whakapouarutia. Tukua ō rātou tāngata kia whakamatea, ā rātou taitamariki kia patua ki te hoari i te whawhai.

Heremaia 48:15

Kua pāhuatia a Moapa, ā, kua piki atu rātou ki ōna pā, kua heke iho hoki āna taitama, he mea whiriwhiri, kei raro, he parekura, e ai tā te Kīngi, ko Ihowā nei o ngā mano tōna ingoa.

Heremaia 49:26

Heoi, hinga ana āna taitama i ōna waharoa, mōtī pū ngā tāngata whawhai katoa i taua rā,” e ai tā Ihowā o ngā mano.

Heremaia 5:3

He teka ianei, e Ihowā, kei runga ōu kanohi i te pono? I whiua rātou e koe, heoi kīhai i pōuri; mōtī iho rātou i a koe, heoi kāhore i pai kia anga mai ki te ako. Kua meinga e rātou ō rātou mata kia mārō atu i te kōhatu, kua kore e pai ki te hoki mai.

Heremaia 6:11

Nā, kī tonu ahau i te riri o Ihowā; ruha iho ahau i te koromaki. “Ringihia ki runga ki te kōhungahunga i te ara, ki te whakaminenga anō o ngā taitamariki, hui katoa; nō te mea ka hopukia te tāne rāua ko te wahine, te koroheke rāua ko te tangata kua maha ōna rā.

Heremaia 9:22

Kōrero! “Ko te kupu tēnei a Ihowā: ‘Tērā ngā tinana o ngā tāngata e hinga ānō he whakawairākau ki te mata o te māra, ānō he kutanga wīti i muri i te kaitapahi, ā, kāhore he kaikohi.’ ”

Hōhea 11:5

“E kore ia e hoki atu ki te whenua o Īhipa; engari ko te Ahiriana hei kīngi mōna, mō rātou kīhai i pai ki te hoki.

Hoera 2:20

“Engari, ka mea ahau kia matara atu i a koutou te ope o te raki, ka āia atu anō ia e ahau ki te whenua waikore, maroke rawa; ko tōna mata, anga tonu ki te moana i te rāwhiti, ko tōna tuarā ki te moana i te uru; ā, ka puta ake tōna piro, ka puta ake anō tōna haunga kino, he nui hoki nō āna mahi.”

Rewitikuha 26:16

Nā, ka meinga anō hoki tēnei e ahau ki a koutou; ka meinga e ahau hei rangatira mō koutou te pāwera, te kohi, me te kirikā, hei ngau i ngā kanohi, hei whakapōuri i te ngākau. Ā, ka maumau tā koutou rui i ā koutou purapura; nō te mea ka kainga e ō koutou hoariri.

Rewitikuha 26:25

Ā, ka kawea e ahau he hoari ki a koutou, hei tohe i te utu mō tāku kawenata. Ā, ka huihui koutou ki roto ki ō koutou pā; ā, ka tukua e ahau te mate urutā ki a koutou; ā, ka hoatu koutou ki te ringa o te hoariri.

Āmoho 4:6

“I tukua anō e ahau he parakore mō ngā niho ki a koutou i roto i ō koutou pā katoa, he tarokore ki ō koutou wāhi katoa; heoi, kīhai koutou i tahuri ki ahau,” e ai tā Ihowā.

Āmoho 8:3

“He auē anō ngā waiata o te temepara i taua rā,” e ai tā te Ariki, tā Ihowā; “ka maha ngā tinana mate i ngā wāhi katoa; ka ākiritia pukutia atu.”

Hākai 2:17

I patua koutou e ahau, ngā mahi katoa a ō koutou ringa ki te ngingio, ki te koriri, ki te whatu, ā, kīhai koutou i tahuri ki ahau,’ e ai tā Ihowā.

Tiuteronomi 28:21

Ka meinga e Ihowā te mate urutā kia piri tonu ki a koe, kia whakapotoa atu rā anō koe e ia i runga i te whenua e haere atu nā koe ki reira ki te tango.

Tiuteronomi 28:22

Ka whiua koe e Ihowā ki te kohi, ki te kirikā, ki te mumura, ki te toronga nui, ki te hoari, ki te tauraki, te hōpurupuru; ā, ka whai ēnā i a koe ā ngaro noa koe.

Tiuteronomi 28:60

Ā, ka whakapāngia anō e ia ki a koe ngā mate katoa o Īhipa, i wehi rā koe; ā, ka piri ki a koe.

Tiuteronomi 7:15

Ka tangohia atu anō e Ihowā ngā tūrorotanga katoa, e kore rawa hoki ia e whakapā ki a koe i tētahi o ngā mate nanakia o Īhipa, i kite rā koe; engari ka whakapākia atu e ia ki ōu hoariri katoa.