Āmoho 4:1 - Paipera Tapu 2012

¹ Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Te Paipera Tapu 1952

¹ Whakarongo ki tenei kupu, e nga kau o Pahana, i te maunga o Hamaria, e whakatupu kino na i nga ware, e kuru na i nga rawakore, e mea na ki o ratou ariki, Kawea mai, kia inu tatou.

Āmoho 4:1 Iomraidhean Croise

1 Kīngi 16:24

Nā, ka hokona e ia i a Hemere te pukepuke, a Hamaria, mō ngā taranata hiriwa e rua; ā, hanga ana ia ki runga ki te pukepuke, ā, huaina iho e ia te ingoa o te pā i hangā e ia ko Hamaria, ko te ingoa o Hemere, o te tangata nōna te puke.

Hopa 20:19

Nāna hoki i tūkino ngā rawakore, whakarērea iho; murua ana e ia he whare, ā, e kore e hangā anō e ia.

Hopa 24:4

Whakapekaia kētia ana e rātou ngā rawakore i te ara; huihui ana ngā ware o te whenua, piri ana.

Waiata 12:5

“Mō te tūkinotanga i te hunga iti, mō te auē a te hunga rawakore, ka whakatika ahau āianei,” e ai tā Ihowā, “Ka whakanohoia ia e ahau ki te wāhi e ora ai ia i ngā tāngata e whakatūpererū ana ki a ia.”

Waiata 140:12

E mātau ana anō ahau mā Ihowā e tohe te whakawā a te tangata e tūkinotia ana, te mea hoki e rite ana mā ngā rawakore.

Waiata 22:12

He tini ngā pūru e karapoti nei i ahau; e whakapaea ana ahau e ngā mea kaha o Pahana.

Whakatauki 22:7

E whakatakoto tikanga ana te tangata taonga mō ngā rawakore; ā, ko te tangata i te nama, hei pononga ia mā te tangata nāna i whakatārewa mai.

Kaikauwhau 4:1

Nā, ka tahuri ahau, ā, ka titiro ki ngā tūkinotanga katoa e mahia nei i raro i te rā. Nā, ko ngā roimata o te hunga i tūkinotia, kāhore hoki ō rātou kaiwhakamārie; ā, he kaha kei te ringa o ō rātou kaitūkino, otiia kāhore ō rātou kaiwhakamārie.

Kaikauwhau 5:8

Ki te kite koe i te rawakore e tūkinotia ana, ā, e kāhakina kētia ana te whakawā rāua ko te tika i te kāwanatanga, kaua e mīharo ki taua mea; nō te mea e maharatia ana e tētahi, he tiketike ake nei i te mea tiketike; tēnei anō hoki tētahi e tiketike ake ana i a rātou.

Ihāia 28:1

Auē te hē mō te karauna whakapehapeha o te hunga haurangi o Ēparaima, ki te puāwai memenge hoki o tōna ātaahua whakakorōria, tērā i te wāhi ki runga o te awaawa mōmona o te hunga kua hinga i te wāina!

Ihāia 5:8

Auē te mate mō te hunga e hono ana i te whare ki te whare, e whakapiri nei i te māra ki te māra, ā, kore noa iho he wāhi, ā, ka meinga koutou kia noho, ko koutou anake, i waenganui i te whenua!

Ihāia 56:12

Ko tā rātou kī, “Haere mai, māku e tiki he wāina, kia nui anō tā tātou inu i te wai kaha; ā, ka rite te rā āpōpō ki tēnei rā, he rā kei runga noa atu tōna nui.”

Ihāia 58:6

“He teka ianei ko te nohopuku tēnei i whiriwhiria e ahau? Kia whakatangorotia ngā here a te kino, kia wetekina ngā paihere o te ioka, kia tukua te hunga e tūkinotia ana kia haere noa atu, kia wāwāhia e koutou ngā ioka katoa?

Heremaia 50:11

“Nō te mea e koa ana koutou, nō te mea e whakamanamana ana koutou, e te hunga e pāhua nei i tōku kāinga tupu, nō te mea e tākarokaro ana koutou, pērā i te kau kūao e takahi ana i te wīti, e tangi ana pērā i ngā hōiho kaha;

Heremaia 50:27

Patua ana pūru katoa; tukua rātou kia haere ki raro ki te patunga. Auē te mate mō rātou! Kua tae mai hoki tō rātou rā, te wā e whiua ai rātou.

Heremaia 51:34

“Kua pau ahau i a Nepukareha kīngi o Papurōna, kua pēpē ahau i a ia, kua meinga ahau e ia hei oko tahanga, kua horomia ahau e ia ānō nā te tarakona, whakakīia ana hoki e ia tōna kōpū ki āku kai reka; kua makā ahau e ia ki waho.

Heremaia 6:6

Ko te kupu hoki tēnei a Ihowā o ngā mano: “Tuaina he rākau, haupūria ake he pukepuke hei whawhai ki Hiruhārama. Ko te pā tēnei e whiua; he tūkino kau tāna i roto i a ia.

Heremaia 7:6

ki te kore koutou e tūkino i te manene, i te pani, i te pouaru, ā, kāhore e whakaheke i ngā toto o te harakore ki tēnei wāhi, kāhore hoki e haere, e whai i ngā atua kē hei hē mō koutou;

Ehekiera 18:12

kua tūkino i te ware rāua ko te rawakore, kua pāhua kino, ā, kīhai i whakahokia e ia te taunaha, kua anga ōna kanohi ki ngā whakapakoko, kua mahi hoki i te mea whakarihariha,

Ehekiera 22:12

I roto i a koe i tango rātou i te utu whakapati e whakahekea ai he toto; kua tango koe i te moni whakatupu, i ngā hua anō hoki, kua haoa mai anō e koe ngā taonga a ōu hoa, he mea tūkino, kua wareware anō koe ki ahau, e ai tā te Ariki, tā Ihowā.

Ehekiera 22:27

Ko ōna rangatira i roto i a ia, rite tonu ki te wuruhi e haehae ana i te tūpāpaku; he whakaheke toto, he whakangaro wairua, kia riro mai ai he taonga whānako.

Ehekiera 22:29

Ko tā te iwi o te whenua, he whakatupu kino, he pāhua; āe rā, e tūkinotia ana e rātou te ware me te rawakore; e whakatupuria kinotia ana e rātou te tautangata i te mea kāhore nei he take.

Ehekiera 22:7

E whakahāwea ana rātou ki te pāpā, ki te whaea, i roto i a koe; he mahi whakatupu kino tā rātou ki te tautangata i roto i a koe. E tūkinotia ana e rātou te pani me te pouaru i roto i a koe.

Ehekiera 34:16

Māku e rapu te mea i ngaro, māku anō e whakahoki mai te mea i āia atu, māku e takai te mea i whati, māku anō e whakakaha te mea tūroro. Nā, ko te mea mōmona, ko te mea kaha, ka ngaro i ahau; ka whāngaia rātou e ahau i runga i te whakawā.

Ehekiera 39:18

Ka kai koutou i ngā kikokiko o te hunga mārohirohi, ka inu i ngā toto o ngā rangatira o te whenua, o ngā hipi toa, o ngā reme, o ngā koati, o ngā pūru, he mea mōmona katoa nō Pahana.

Hoera 3:3

Ā, kua maka rota rātou mō tāku iwi; ā, kua hoatu e rātou te tama hei utu mō te wahine kairau, ā, kua hokona e rātou he kōtiro ki te wāina, hei inu mā rātou.

Āmoho 3:1

Whakarongo ki tēnei kupu i kōrerotia e Ihowā mō koutou, e ngā tama a Īharaira, mō te hapū katoa i kawea mai e ahau i te whenua o Īhipa, i mea ahau:

Āmoho 3:3

E haere tahi anō rānei te tokorua, ki te kore e whakaae ki a rāua?

Āmoho 5:11

Nā, i te mea he takahi tā koutou i te ware, he tango i te takoha wīti i a ia; he whare kōhatu tārai tā koutou i hanga ai, nā, e kore e nohoia e koutou; he māra wāina e minaminatia ana tā koutou i whakatō ai, otiia e kore te wāina o aua māra e inumia e koutou.

Āmoho 6:1

Auē te mate mō te hunga e noho hūmārie ana i Hiona, mō te hunga hoki e whakawhirinaki ana ki te maunga o Hamaria, ngā tāngata whai ingoa o te tuatahi o ngā iwi, i tae atu nei te whare o Īharaira ki a rātou!

Āmoho 6:6

e inu ana i te wāina o ngā peihana, ā, e whakawahi ana i a rātou ki ngā hinu pai rawa; kāhore ia ō rātou pōuri mō te aituā o Hōhepa,

Maraki 3:5

“Ka whakatata atu anō ahau ki a koutou ki te whakawā; ka hohoro anō ahau hei kaiwhakaatu i te hē o ngā kaimākutu, o te hunga pūremu, o ngā kaioati teka, o te hunga e tāhae ana i ngā utu o te kaimahi, i tā te pouaru, i tā te pani, e whakapeau kē ana i tā te manene, ā, kāhore e wehi i ahau, e ai tā Ihowā o ngā mano.”

Tauanga 21:33

Nā, ka tahuri rātou, ā, ka haere ki runga nā te ara o Pahana; nā, ko te putanga mai o Oka kīngi o Pahana, ki te whakatūtaki i a rātou, a ia, me tōna iwi katoa ki te whawhai ki Eterei.

Tiuteronomi 24:14

Kei tūkinotia e koe te kaimahi, he rawakore, he mate, ahakoa nō ōu tuākana, nō ōu tāngata iwi kē rānei i tōu whenua, i roto i ōu kūwaha.

Tiuteronomi 28:33

Ko ngā hua o tōu oneone me tōu uauatanga katoa, ka kainga e tētahi iwi kīhai nei i mōhiotia e koe; ā, hei tūkinotanga kautanga koe, hei kurunga i ngā rā katoa;