Āmoho 3:9 - Paipera Tapu 2012

⁹ Pānuitia atu i roto i ngā whare kīngi i Aharoro, i ngā whare kīngi hoki i te whenua o Īhipa, mea atu, “Whakamine i a koutou ki runga ki ngā maunga o Hamaria, ka mātakitaki ki ngā ngangau nui i waenga o reira, ki ngā tūkinotanga hoki i waenga o reira.”

Te Paipera Tapu 1952

⁹ Panuitia atu i roto i nga whare kingi i Aharoro, i nga whare kingi hoki i te whenua o Ihipa, mea atu, Whakamine i a koutou ki runga ki nga maunga o Hamaria, ka matakitaki ki nga ngangau nui i waenga o reira, ki nga tukinotanga hoki i waenga o rei ra.

Āmoho 3:9 Iomraidhean Croise

2 Hamuera 1:20

“Kaua e kōrerotia ki Kāta; kaua e kauwhautia ki ngā huarahi o Ahakerono; kei koa ngā tamāhine a ngā Pirihitini, kei whakamanamana ngā tamāhine a te kokotikore.

Whakatauki 1:13

Ka kitea e tātou ngā taonga utu nui katoa; ka whakakīia ō tātou whare ki tā tātou e pāhua ai.

Whakatauki 11:16

Ka mau te korōria i te wahine tikanga pai; ka mau hoki te taonga i ngā tāngata taikaha.

Kaikauwhau 4:1

Nā, ka tahuri ahau, ā, ka titiro ki ngā tūkinotanga katoa e mahia nei i raro i te rā. Nā, ko ngā roimata o te hunga i tūkinotia, kāhore hoki ō rātou kaiwhakamārie; ā, he kaha kei te ringa o ō rātou kaitūkino, otiia kāhore ō rātou kaiwhakamārie.

Heremaia 31:5

Tērā koe e whakatō anō he māra wāina ki runga ki ngā maunga o Hamaria. Ka whakatō ngā kaiwhakatō, ā, ka kai i ōna hua.

Heremaia 46:14

“Kauwhautia e koutou ki Īhipa, pānuitia ki Mikitoro, pānuitia ki Nopo, ki Tahapanehe, mea atu, ‘E tū, kia tūmatohi; kua kai hoki te hoari i tētahi taha ōu, i tētahi taha.’

Heremaia 50:2

“Kauwhautia i roto i ngā tauiwi, pānuitia, ā, ka whakaara he kara; pānuitia atu, kaua e hunā, mea atu: ‘Kua horo a Papurōna, kua whakamā a Pere, kua pororaru a Meroraka. Kua whakamā āna whakapakoko, kua wehi āna whakaahua.’

Ehekiera 36:8

“Ko koutou ia, e ngā maunga o Īharaira, ka wana ō koutou manga, ka whai hua koutou mā tāku iwi, mā Īharaira; ka tata hoki rātou te puta.

Ehekiera 37:22

Ka meinga hoki rātou e ahau hei iwi kotahi ki te whenua, ki ngā maunga o Īharaira; ā, kotahi tonu he kīngi hei kīngi mō rātou katoa; kore ake ō rātou iwi e rua i muri nei, heoi rawa ō rātou wehenga kia rua kīngitanga.

Hōhea 7:1

“I ahau e mea ana ki te rongoā i a Īharaira, ka kitea te hē o Ēparaima, te kino hoki o Hamaria. Nō te mea e mahi ana rātou i te teka, e tomo ana hoki te tāhae ki roto, e pāhua ana te taua i waho.

Āmoho 1:8

Ā, ka hātepea atu e ahau te tangata noho o Aharoro, me te kaipupuri hēpeta i Ahakerono; ka tahuri hoki tōku ringa ki Ekerono, ā, ka ngaro te mōrehu o ngā Pirihitini,” e ai tā te Ariki, tā Ihowā.

Āmoho 4:1

Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Āmoho 5:11

Nā, i te mea he takahi tā koutou i te ware, he tango i te takoha wīti i a ia; he whare kōhatu tārai tā koutou i hanga ai, nā, e kore e nohoia e koutou; he māra wāina e minaminatia ana tā koutou i whakatō ai, otiia e kore te wāina o aua māra e inumia e koutou.

Āmoho 6:1

Auē te mate mō te hunga e noho hūmārie ana i Hiona, mō te hunga hoki e whakawhirinaki ana ki te maunga o Hamaria, ngā tāngata whai ingoa o te tuatahi o ngā iwi, i tae atu nei te whare o Īharaira ki a rātou!

Āmoho 6:3

E te hunga e whakamatara atu nā i te rā kino, e mea nā i te nohoanga o te tutū kia tata mai.

Āmoho 8:6

kia hokona ai e tātou ngā ware ki te hiriwa, te rawakore ki ngā hū e rua; nā, ko te wīti rukenga me hoko atu.

Mika 6:10

Tērā anō rānei ngā taonga o te kino kei roto i te whare o te tangata kino, me te mēhua iti, whakarihariha anō?

1 Hamuera 5:1

Nā, tērā kua riro te āka a te Atua i ngā Pirihitini, kua mauria atu i Epenētere ki Aharoro.