Āmoho 3:2 - Paipera Tapu 2012

² “Ko koutou anake tāku i mōhio ai o ngā hapū katoa o te ao. Mō reira ka whiua koutou e ahau mō ō koutou hē katoa.”

Te Paipera Tapu 1952

² Ko koutou anake taku i mohio ai o nga hapu katoa o te ao: mo reira ka whiua koutou e ahau mo o koutou he katoa.

Āmoho 3:2 Iomraidhean Croise

Kenehi 10:32

Ko ngā toronga ēnei o ngā tama a Noa, i ō rātou whakatupuranga, me ō rātou iwi; ā, i wehea mai i ēnei ngā iwi o te whenua i muri iho i te waipuke.

Kenehi 18:19

E mōhio ana hoki ahau ki a ia, hei mea kia whakahaua iho ai e ia āna tama, me tōna whare, i muri i a ia, ā, kia whakaritea e rātou te ara o Ihowā, ka mahi hoki i te tika, i te whakawā; ā, kia kawea mai ai e Ihowā ki runga ki a Āperahama ngā mea katoa i kōrerotia e ia mōna.”

Waiata 147:19

E whakakitea ana e ia tāna kupu ki a Hākopa; āna tikanga, me āna whakaritenga ki a Īharaira.

Ekoruhe 32:34

Nā, haere rā, ārahina atu te iwi ki te wāhi i kōrerotia atu e ahau ki a koe, tēnā tāku anahera te haere atu nā i mua i a koe. Ahakoa rā, ko ā te rā e mea ai ahau, inā, ka meinga e ahau tō rātou hara kia tau ki runga ki a rātou.”

Ihāia 63:19

Kua meinga mātou kia rite ki te hunga kīhai nei koe i kīngi mō rātou; ki te hunga kīhai nei i huaina ki tōu ingoa.

Heremaia 1:15

Tēnei hoki ahau te karanga nei ki ngā hapū katoa o ngā kīngitanga o te raki,” e ai tā Ihowā. “Ā, ka haere mai rātou, ka whakatū i tōna torōna, i tōna torōna, ki te tomokanga i ngā kūwaha o Hiruhārama, ki ōna taiepa katoa, ā, karapoi noa, ki ngā pā katoa anō o Hūrā.

Heremaia 10:25

Ringihia atu tōu riri ki ngā tauiwi kāhore nei e mātau ki a koe, ki ngā hapū kāhore nei e karanga ki tōu ingoa. Kua pau hoki a Hākopa i a rātou, āe rā, pau rawa, mōtī rawa, ko tōna nohoanga hoki whakaururuatia ana e rātou.

Heremaia 11:22

mō reira ko te kupu tēnei a Ihowā o ngā mano: ‘Tēnei ahau te whiu nei i a rātou; ka mate ngā taitamariki i te hoari; ko ā rātou tama, ko ā rātou tamāhine, ka mate i te hemokai.

Heremaia 13:21

Ka pēhea tāu kupu ina whakanohoia e ia ōu hoa ki runga ake i a koe hei māhunga, nāu nā hoki rātou i ako hei rangatira, hei ariki mōu? E kore ianei koe e mau pū i te mamae, ānō he wahine e whakawhānau ana?

Heremaia 14:10

Ko te kupu tēnei a Ihowā ki tēnei iwi: “He pēnā tonu tō rātou matenui ki te taihaere, kīhai i kaiponuhia ō rātou waewae; nō reira kāhore a Ihowā e manako ki a rātou; ka mahara ia āianei ki ō rātou hē, ā, ka whiu i ō rātou hara.”

Heremaia 9:25

“Nanā, kei te haere mai ngā rā,” e ai tā Ihowā, “e whiua ai e ahau te hunga katoa i kotia i roto i tō rātou kotingakore:

Ehekiera 5:9

Ka mahia anō e ahau i roto i a koe he mea kīhai i mahia e ahau i mua, e kore he pēnā e mahia e ahau ā muri; mō āu mea whakarihariha katoa hoki.

Ehekiera 9:6

Patua kia ngaro te kaumātua, te taitama, te kōtiro, me ngā kōhungahunga, me ngā wāhine; kaua ia e tata ki tētahi tangata i a ia nei te tohu; me tīmata ki tōku wāhi tapu.” Nā, kua tīmata rātou ki ngā kaumātua i te aronga o te whare.

Raniera 9:12

Nā, kua pūmau i a ia āna kupu i kōrerotia e ia mō mātou, mō ō mātou kaiwhakawā i whakarite nei i ō mātou whakawā, nā te kino nui hoki kua kawea mai nei e ia ki runga ki a mātou. Kāhore hoki he rite mō te mea kua meatia nei ki Hiruhārama i raro i te rangi katoa.

Hōhea 2:13

Ka whiua anō ia e ahau mō ngā rā o ngā Paarimi, mō ērā i tahu whakakakara ai ia ki a rātou; ā, whakapaipai ana i a ia ki ōna whakakai, ki āna whakapaipai, haere ana ki te whai i āna i aroha ai, ā, wareware ake ki ahau,” e ai tā Ihowā.

Hōhea 5:3

“E mōhio ana ahau ki a Ēparaima, kāhore a Īharaira e ngaro i ahau; kei te moepuku nei hoki koe ināianei, e Ēparaima, kua poke a Īharaira.

Hōhea 8:13

Nā, ko ngā patunga tapu hei whakahere ki ahau, e patu kikokiko ana rātou, kainga iho; otiia kāhore e manakohia ana e Ihowā. Ākuanei ia mahara ai ki tō rātou hē, whiu ai i ō rātou hara; ka hoki rātou ki Īhipa.

Hōhea 9:9

Kua heke tō rātou tupu, ā, aua noa iho ki raro, e rite ana ki ngā rā i Kipea. Ka mahara ia ki tō rātou hē, ka tirotirohia e ia ō rātou hara.

Āmoho 2:4

Ko te kupu tēnei a Ihowā: “Ka toru nei ngā pokanga kētanga o Hūrā, āe rā, ka whā, nā, e kore e whakatahuritia atu e ahau te whiu mōna; nō te mea kua whakahāwea rātou ki te Ture a Ihowā, kīhai hoki i pupuri i āna tikanga, ā, kua meinga rātou e ā rātou kōrero teka kia kotiti kē, i whāia nei e ō rātou mātua.

Āmoho 3:3

E haere tahi anō rānei te tokorua, ki te kore e whakaae ki a rāua?

Āmoho 6:1

Auē te mate mō te hunga e noho hūmārie ana i Hiona, mō te hunga hoki e whakawhirinaki ana ki te maunga o Hamaria, ngā tāngata whai ingoa o te tuatahi o ngā iwi, i tae atu nei te whare o Īharaira ki a rātou!

Mika 2:3

Mō reira ko te kupu tēnei a Ihowā: “Nanā, ka whakaaroa e ahau he kino mō tēnei hapū, e kore ai e whakawāteatia e koutou ō koutou kakī i reira, e kore anō koutou e haere whakapehapeha; he kino hoki tēnei wā.

Nahumu 3:4

He maha hoki nō ngā kairautanga o te wahine ātaahua i kairau nei; ko te rangatira nei ia o ngā mākutu, e hoko nei i ngā iwi ki āna kairautanga, i ngā hapū anō ki āna mahi mākutu.

Ngā Mahi 17:26

Kotahi anō te toto i hangā ai e ia ngā iwi katoa o ngā tāngata, hei noho ki te mata katoa o te whenua, nāna hoki i whakatakoto ō rātou wā i whakaritea i mua, me ngā kaha o tō rātou nohoanga;

Rōma 2:9

He pāwera, he raru, mō ngā wairua tangata katoa e mahi ana i te kino, mō te Hūrai ki mua, mō te Kariki anō hoki,

1 Koriniti 8:3

ki te aroha ia tētahi ki te Atua, kua mātauria tēnei e ia.

Tiuteronomi 10:15

Ko Ihowā anake i āhuareka ki ōu mātua, i aroha ki a rātou, ā, ko ō rātou uri i muri i a rātou, arā, ko koutou, tāna i whiriwhiri ai o ngā iwi katoa; koia anō tēnei ināianei.

Tiuteronomi 26:18

Ā, kua whakaae hoki a Ihowā ki a koe i tēnei rā hei iwi māna, motuhake rawa hei pērā me tāna i kōrero ai ki a koe, hei pupuri hoki i āna whakahau katoa;

Tiuteronomi 32:9

Ko tō Ihowā wāhi hoki, ko tāna iwi; ko Hākopa hei wāhi pūmau mōna.

Tiuteronomi 4:32

Ui atu hoki ki ngā rangi onamata, ō mua i a koe, o te rā i hangā ai e te Atua te tangata ki runga ki te whenua, i tētahi pito o te rangi pakū noa ki tētahi pito o te rangi, i puta mai rānei tētahi mea hei rite mō tēnei mea te nui, i rangona rānei he rite ki tēnei?

Tiuteronomi 7:6

Nō te mea he iwi tapu koe nā Ihowā, nā tōu Atua; i whiriwhiria ai koe e Ihowā, e tōu Atua, kia waiho ai hei iwi motuhake māna i ngā iwi katoa i te mata o te whenua.

1 Pita 4:17

Ko te wā hoki tēnei e tīmata ai te whakawā ki te whare o te Atua; ki te mea hoki kei a tātou te tuatahi, he pēhea rā te whakamutunga ki te hunga e kore e tahuri ki te rongopai o te Atua?