Āmoho 3:14 - Paipera Tapu 2012

¹⁴ “Nō te mea hei te rā e pā ai tāku ki a Īharaira mō ōna poka kē, ka pā anō hoki tāku ki ngā āta o Pētēre, ā, ka pōutoa ngā haona o te āta, ka taka ki te whenua.

Te Paipera Tapu 1952

¹⁴ No te mea hei te ra e pa ai taku ki a Iharaira mo ona poka ke, ka pa ano hoki taku ki nga aata o Peteere, a ka poutoa nga haona o te aata, ka taka ki te whenua.

Āmoho 3:14 Iomraidhean Croise

2 Kīngi 23:15

Ko te āta hoki i Pētēre, ko te wāhi tiketike i hangā nei e Ieropoama tama a Nēpata i hara ai a Īharaira, wāhia iho ana e ia taua āta me te wāhi tiketike; ā, tahuna ana e ia te wāhi tiketike, tukia ana kia ririki, ānō he puehu, ā, tahuna ana e ia te Āhera.

2 Whakapapa 31:1

Nā, i te otinga o tēnei katoa, ka haere atu a Īharaira katoa i reira ki ngā pā o Hūrā, ā, pākarua rikirikitia ana e rātou ngā pou karakiatanga, tuaina ana ngā Aherimi, whakahoroa ana ngā wāhi tiketike me ngā āta puta noa i Hūrā, i Pineamine, i Ēparaima, i Mānahi ā poto noa. Nā, hoki ana ngā tama katoa a Īharaira ki tōna kāinga, ki tōna kāinga, ki ō rātou pā.

Ekoruhe 32:34

Nā, haere rā, ārahina atu te iwi ki te wāhi i kōrerotia atu e ahau ki a koe, tēnā tāku anahera te haere atu nā i mua i a koe. Ahakoa rā, ko ā te rā e mea ai ahau, inā, ka meinga e ahau tō rātou hara kia tau ki runga ki a rātou.”

Āmoho 2:8

Nā, takoto ana rātou ki te taha o ngā āta katoa i runga i ngā kākahu i hōmai hei taunaha, ā, i roto i te whare o tō rātou atua kei te inu rātou i te wāina a te hunga i whakataua nei te hē ki a rātou.

Āmoho 4:4

“Haere mai ki Pētēre, ki reira poka kē ai; ki Kirikara whakanui ai i te poka kē; kawea mai anō ā koutou patunga tapu i tēnei ata, i tēnei ata, ā koutou whakatekau, i te toru o ngā rā.

Āmoho 7:10

Nā, ka unga tāngata a Amatia tohunga o Pētēre ki a Ieropoama kīngi o Īharaira hei kī atu, “Kua whakatakotoria e Āmoho he hē mōu i roto i te whare o Īharaira; kāhore e taea e tēnei whenua te waha āna kupu katoa.

Āmoho 7:13

Engari kāti tāu poropiti ki Pētēre; ko tō te kīngi wāhi tapu hoki ia, he whare hoki nō te kīngitanga.”

Āmoho 7:9

Ā, ka ururuatia ngā wāhi tiketike o Īhaka, ka tūheatia ngā wāhi tapu o Īharaira; ka whakatika atu anō ahau, me te hoari ki te whare o Ieropoama.”

Āmoho 9:1

I kite ahau i te Ariki e tū ana i te taha o te āta, nā, ka mea ia: “Tāia ngā puku whakapaipai, kia ngarue ai ngā paepae; ākina kia pakaru rikiriki ki runga ki te māhunga o rātou katoa; ā, ka tukitukia e ahau ngā whakamutunga o rātou ki te hoari; e kore rawa tētahi kotahi o rātou e rere, e kore hoki tētahi kotahi e mawhiti.