Āmoho 3:10 - Paipera Tapu 2012

¹⁰ “Kāhore hoki rātou e mōhio ki te mahi i te tika,” e ai tā Ihowā, “e rongoā nei rātou i te mahi tutū me te pāhua i roto i ō rātou whare kīngi.”

Te Paipera Tapu 1952

¹⁰ Kahore hoki ratou e mohio ki te mahi i te tika, e ai ta Ihowa, e rongoa nei ratou i te mahi tutu me te pahua i roto i o ratou whare kingi.

Āmoho 3:10 Iomraidhean Croise

Hopa 20:21

Kāhore tētahi mea i toe i kore te horomia e ia; nō reira, e kore tētahi mea pai ōna e mau tonu.

Waiata 14:4

E kore rānei e mōhio ngā kaimahi katoa o te kino? E kai nei i tōku iwi, me te mea e kai taro ana, ā, kāhore e karanga ki a Ihowā.

Whakatauki 1:13

Ka kitea e tātou ngā taonga utu nui katoa; ka whakakīia ō tātou whare ki tā tātou e pāhua ai.

Whakatauki 11:16

Ka mau te korōria i te wahine tikanga pai; ka mau hoki te taonga i ngā tāngata taikaha.

Whakatauki 28:5

E kore te hunga kino e mōhio ki te whakawā: ko te hunga ia e rapu ana i a Ihowā, ka mōhio rātou ki ngā mea katoa.

Kaikauwhau 4:1

Nā, ka tahuri ahau, ā, ka titiro ki ngā tūkinotanga katoa e mahia nei i raro i te rā. Nā, ko ngā roimata o te hunga i tūkinotia, kāhore hoki ō rātou kaiwhakamārie; ā, he kaha kei te ringa o ō rātou kaitūkino, otiia kāhore ō rātou kaiwhakamārie.

Heremaia 4:22

“He wairangi hoki tāku iwi, kāhore e mōhio ki ahau. He tamariki kūware, kāhore ō rātou mātauranga; e mōhio ana rātou ki te mahi kino, ki te mahi pai ia kāhore he mātauranga.”

Heremaia 5:4

Koia ahau i mea ai, “He pono he rawakore ēnei, he kūware, kāhore hoki rātou e mōhio ki te ara a Ihowā, ki te whakarite a tō rātou Atua.

Ehekiera 18:7

Ki te mea kīhai tētahi tangata i tūkinotia e ia, engari, i whakahokia e ia tāna taunaha ki te tangata i a ia nei āna moni, ki te mea kīhai ia i tūkino i tētahi, i pāhua, ki te mea i hōmai e ia tāna taro mā te tangata e hemokai ana i hīpokina e ia ki te kākahu te tangata e noho tahanga ana.

Ehekiera 22:29

Ko tā te iwi o te whenua, he whakatupu kino, he pāhua; āe rā, e tūkinotia ana e rātou te ware me te rawakore; e whakatupuria kinotia ana e rātou te tautangata i te mea kāhore nei he take.

Ehekiera 8:17

Kātahi ka mea ia ki ahau, “Ka kite rānei koe i tēnei, e te tama a te tangata? He mea māmā noa ake ianei tēnei ki te whare o Hūrā kia mahia e rātou ngā mea whakarihariha e mahia nei e rātou ki konei? Nā rātou hoki i kapi ai te whenua i te tutū, ā, hoki mai ana rātou ki te whakapātaritari i ahau. Nanā, kei te whakapā anō rātou i te manga ki tō rātou ihu.

Hōhea 7:1

“I ahau e mea ana ki te rongoā i a Īharaira, ka kitea te hē o Ēparaima, te kino hoki o Hamaria. Nō te mea e mahi ana rātou i te teka, e tomo ana hoki te tāhae ki roto, e pāhua ana te taua i waho.

Āmoho 4:1

Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Āmoho 5:7

E te hunga i puta kē ai te whakawā hei taru kawa, i tāia ai te tika ki te whenua.

Āmoho 6:12

E rere rānei te hōiho i runga i te kāmaka? E parautia rānei a reira ki te kau? I whakaputaina kētia ai e koutou te whakawā hei au, ngā hua hoki o te tika hei taru kawa –

Āmoho 6:3

E te hunga e whakamatara atu nā i te rā kino, e mea nā i te nohoanga o te tutū kia tata mai.

Āmoho 6:8

Kua oatitia te Ariki, a Ihowā, e ia anō, e ai tā Ihowā, tā te Atua o ngā mano: “E whakarihariha ana ahau ki tā Hākopa e whakaī nā, e kino ana ki ōna whare kīngi; mō reira ka tukua atu e ahau te pā me ngā mea i roto.”

Mika 6:10

Tērā anō rānei ngā taonga o te kino kei roto i te whare o te tangata kino, me te mēhua iti, whakarihariha anō?

Tepania 1:9

Ā taua rā ka whiua e ahau te hunga katoa e tūpekepeke ana i runga i te paepae, e whakakī ana i ngā whare o ō rātou ariki ki te nanakia, ki te tinihanga.

2 Pita 3:5

Nā rātou tonu i whakakūware ki tēnei, nā te kupu a te Atua ngā rangi i mua, me te whenua anō tōtoka tonu i roto i te wai, nā te wai anō hoki.