Āmoho 2:9 - Paipera Tapu 2012

⁹ “Otiia, i whakangaromia e ahau te Amori i tō rātou aroaro, ko tōna roa koia anō kei te roa o te hīta, ā, he kaha ia, pērā i ngā oki. Heoi, whakangaromia ana e ahau ōna hua i runga, ōna pakiaka i raro.

Te Paipera Tapu 1952

⁹ Otiia i whakangaromia e ahau te Amori i to ratou aroaro, ko tona roa koia ano kei te roa o te hita, a he kaha ia, pera i nga oki: heoi whakangaromia ana e ahau ona hua i runga, ona pakiaka i raro.

Āmoho 2:9 Iomraidhean Croise

Kenehi 15:16

Kei te whā ia o ngā whakatupuranga ka hoki mai rātou ki konei nō te mea kāhore anō kia tutuki noa te hara o ngā Amori.”

1 Whakapapa 1:14

me te Iepuhi, me te Amori, me te Kirikahi,

Hopa 18:16

Ka maroke ake ōna pakiaka i raro, ā, i runga ka tapahia atu tōna manga.

Ekoruhe 3:8

ā, kua heke iho nei ahau ki te whakaora i a rātou i te ringa o ngā Īhipiana, ki te kawe atu i a rātou i tērā whenua ki tētahi whenua pai, whenua nui, ki tētahi whenua e rerengia ana e te waiū, e te honi, ki te wāhi o ngā Kanaani, o ngā Hiti, o ngā Amori, o ngā Perihi, o ngā Hiwi, o ngā Iepuhi.

Ekoruhe 34:11

Kia mau ki tāku e whakahau atu nei ki a koe ināianei. Nanā, ka peia atu e ahau ngā Amori, ngā Kanaani, ngā Hiti, ngā Perihi, ngā Hiwi, ngā Iepuhi.

Ihāia 10:33

Nanā, ka tapahia e te Ariki, e Ihowā o ngā mano, ngā peka, nui atu hoki te wehi; ā, ka tuaina ki raro ngā mea he tiketike nei te āhua, ka whakaititia anō hoki ngā mea whakakake.

Ihāia 5:24

Mō reira ka rite ki te kainga a te arero o te ahi i te kakau wīti, ki te hinganga o te otaota maroke ki roto ki te mura; ka pērā tō rātou pakiaka te pirau, ka rere tō rātou puāwai ki runga, ānō he puehu; mō rātou i whakakāhore ki te Ture a Ihowā o ngā mano, i whakahāwea anō hoki ki te kupu a te Mea Tapu o Īharaira.

Ehekiera 17:9

“Mea atu koe: Ko te kupu tēnei a te Ariki, a Ihowā: E tupu rānei? E kore ianei e hūtia atu e ia ōna pakiaka? E kore ianei e tapahia ōna hua, e maroke ai, e maroke anō ai ōna rau katoa e pihi ana? Ahakoa kāhore e nui te ringa, e nui rānei te iwi hei huaranga.

Maraki 4:1

“Tā te mea, nanā, kei te haere mai te rā, e ngiha ai ānō he oumu. Nā, ko te hunga whakakake katoa, me te hunga katoa e mahi ana i te kino hei kakau wīti rātou; ā, ka tahuna e te rā meāke nei puta,” e ai tā Ihowā o ngā mano, “e kore anō he pakiaka, he manga e mahue ki a rātou.

Tauanga 32:13

Nā, ko te muranga o te riri o Ihowā ki a Īharaira, ā, meinga ana rātou kia kōpikopiko i te koraha, e whā tekau ngā tau, ā poto noa taua whakapaparanga i mahi nā i te kino i te tirohanga a Ihowā.

Tiuteronomi 1:28

Kia haere tātou ki runga ki hea? Kua ngohe nei hoki ō tātou ngākau i tā ō tātou tuākana, e mea rā, ‘He nunui te iwi, he roroa i a tātou; ko ngā pā he nui, taiepa rawa ā tutuki noa ki te rangi. I kite anō hoki mātou i ngā tama a ngā Anakimi ki reira.’ ”

Tiuteronomi 3:11

Ko Oka anake hoki, ko te kīngi o Pahana, i mahue, he mōrehu nō ngā tāngata roroa. Nā, ko tōna moenga he moenga rino; kāhore iana i Rāpata, i ngā tama a Āmona? E iwa whatīanga te roa, e whā hoki whatīanga te whānui, ki tō te tangata whatīanga.

Hohua 10:12

Kātahi ka kōrero a Hohua ki a Ihowā i te rā i hōmai ai e Ihowā ngā Amori ki te aroaro o ngā tama a Īharaira, ka mea hoki i te tirohanga mai o Īharaira, “Kāti mai koe, e te rā, i runga i Kipeono; me koe hoki, e te marama, ki te Raorao o Atarono.”

Hohua 3:10

Nā, ka mea a Hohua, “Mā konei koutou ka mōhio ai kei roto i a koutou te Atua ora, ā, ka peia rawatia e ia i tō koutou aroaro ngā Kanaani, ngā Hiti, ngā Hiwi, ngā Perihi, ngā Kirikahi, ngā Amori, me ngā Iepuhi.