Āmoho 2:8 - Paipera Tapu 2012

⁸ Nā, takoto ana rātou ki te taha o ngā āta katoa i runga i ngā kākahu i hōmai hei taunaha, ā, i roto i te whare o tō rātou atua kei te inu rātou i te wāina a te hunga i whakataua nei te hē ki a rātou.

Te Paipera Tapu 1952

⁸ Na takoto ana ratou ki te taha o nga aata katoa i runga i nga kakahu i homai hei taunaha, a i roto i te whare o to ratou atua kei te inu ratou i te waina a te hunga i whakataua nei te he ki a ratou.

Āmoho 2:8 Iomraidhean Croise

Ekoruhe 22:25

“Ki te whakatārewa koe i te moni ki tētahi o tāku iwi, ki tētahi o ōu rawakore, kei rite tāu ki a ia ki tā te kaiwhakatuputupu moni, kei tangohia i a ia te moni whakatuputupu.

Ihāia 57:7

I runga i te maunga tiketike, aua noa atu ki runga, i hangā e koe tōu takotoranga, piki ai ki reira ki te mea patunga tapu.

Ehekiera 18:12

kua tūkino i te ware rāua ko te rawakore, kua pāhua kino, ā, kīhai i whakahokia e ia te taunaha, kua anga ōna kanohi ki ngā whakapakoko, kua mahi hoki i te mea whakarihariha,

Ehekiera 18:7

Ki te mea kīhai tētahi tangata i tūkinotia e ia, engari, i whakahokia e ia tāna taunaha ki te tangata i a ia nei āna moni, ki te mea kīhai ia i tūkino i tētahi, i pāhua, ki te mea i hōmai e ia tāna taro mā te tangata e hemokai ana i hīpokina e ia ki te kākahu te tangata e noho tahanga ana.

Ehekiera 23:41

Nā, noho ana koe, he mea korōria te moenga, i tōna taha ko te tēpu rite rawa; i runga ko tāku whakakakara, ko tāku hinu, he mea whakatakoto nāu.

Hōhea 4:8

Ko te hara o tāku iwi kainga ake e rātou, ko tō rātou ngākau anga tonu ki tō rātou hē.

Hōhea 7:14

“Kāhore hoki rātou i karanga ki ahau, he mea nā ō rātou ngākau, engari e auē ana rātou i runga i ō rātou moenga; e huihui ana rātou, he whakaaro ki te wīti, ki te wāina, ā, e whakakeke ana rātou ki ahau.

Āmoho 3:14

“Nō te mea hei te rā e pā ai tāku ki a Īharaira mō ōna poka kē, ka pā anō hoki tāku ki ngā āta o Pētēre, ā, ka pōutoa ngā haona o te āta, ka taka ki te whenua.

Āmoho 4:1

Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Āmoho 6:4

E takoto nā i runga i te moenga rei, e whārōrō nā i runga i ō rātou takotoranga. E kai nā i ngā reme o te kāhui, i ngā kūao kau o waenganui i te tūranga kau.

Āmoho 6:6

e inu ana i te wāina o ngā peihana, ā, e whakawahi ana i a rātou ki ngā hinu pai rawa; kāhore ia ō rātou pōuri mō te aituā o Hōhepa,

1 Koriniti 10:21

E kore koutou e āhei te inu i te kapu a te Ariki, i te kapu anō a ngā rēwera. E kore koutou e āhei te kai i te tēpu a te Ariki, i te tēpu hoki a ngā rēwera.

1 Koriniti 10:7

Kaua anō koutou e karakia ki ngā whakapakoko, kei pērā me ētahi o rātou; kua oti rā hoki te tuhituhi, “I noho te iwi ki te kai, ki te inu, ā, whakatika ana ki te tākaro.”

1 Koriniti 8:10

Ki te mea hoki ka kite tētahi i a koe, i te mea mōhio, e noho ana ki te kai i roto i te temepara o te whakapakoko, e kore koia e kakama ake tōna hinengaro, mehemea ia he ngoikore, e kakama ake ki te kai i ngā mea e patua ana mā te whakapakoko?

Kaiwhakariterite 9:27

Nā, ka haere rātou ki te māra, ā, whakia ana ngā hua o ā rātou māra wāina, takahia ana. Nā, ka tuku hākari rātou, ā, ka haere ki te whare o tō rātou atua, ka kai, ka inu, ā, kohukohua ana e rātou a Apīmereke.