Āmoho 2:7 - Paipera Tapu 2012

⁷ E minamina ana rātou ki te puehu o te whenua i runga i te māhunga o ngā ware; ā, whakaparoritia ake e rātou te ara o te hunga māhaki; ā, ka haere te tangata rāua ko tōna pāpā ki te kōtiro kotahi hei whakapoke i tōku ingoa tapu.

Te Paipera Tapu 1952

⁷ E minamina ana ratou ki te puehu o te whenua i runga i te mahunga o nga ware: a whakaparoritia ake e ratou te ara o te hunga mahaki: a ka haere te tangata raua ko tona papa ki te kotiro kotahi hei whakapoke i toku ingoa tapu.

Āmoho 2:7 Iomraidhean Croise

2 Hamuera 12:14

Otirā, i te mea nā tēnei mahi āu i whai take nui ai ngā hoariri o Ihowā ki te kohukohu, he pono ka mate te tamaiti ka whānau nei ki a koe.”

1 Kīngi 21:4

Nā, haere ana a Āhapa ki tōna whare; pōuri ana, riri ana, mō te kupu i kōrero ai a Napoto Ietereeri ki a ia; mō tāna i mea rā, “E kore e hoatu, e ahau te kāinga tupu o ōku mātua ki a koe.” Nā, takoto ana ia ki tōna moenga, me te ahu kē anō tōna mata, kīhai hoki i kai taro.

Whakatauki 28:21

Ko te whakapai kanohi ehara i te mea pai – ehara anō hoki i te mea pai kia hē te tangata mō te kongakonga taro.

Ihāia 10:1

Auē te mate mō te hunga e whakatakoto ana i ngā tikanga hē, mō ngā kaituhituhi anō hoki e tuhituhi nei i te mea nanakia;

Ihāia 10:2

hei whakakotiti kē i te whakawā mō ngā rawakore, hei tango noa iho i te mea e tika ana mā ngā ware o tōku iwi, kia waiho ai ngā mea a te pouaru hei taonga mā rātou, kia pāhuatia ai e rātou ngā pani!

Ihāia 3:14

Ka tīmata tā Ihowā whakawā i ngā kaumātua o tāna iwi, i ōna rangatira anō hoki: “Ko koutou nāna i pau ai te māra wāina; ko ngā taonga a ngā rawakore i pāhuatia kei roto i ō koutou whare.

Ihāia 3:15

He aha tā koutou tikanga i kuru ai koutou i tāku iwi, i orohina ai e koutou ngā mata o ngā rawakore?” e ai tā te Ariki, tā Ihowā o ngā mano.

Ehekiera 22:11

He mahi whakarihariha anō tā tētahi ki te wahine a tōna hoa; ko tā tētahi whakapokea iho, pūremutia iho tāna hunaonga; ko tā tētahi i roto i a koe, he whakaiti i tōna tuahine, i te tamāhine a tōna pāpā.

Ehekiera 36:20

Ā, i tō rātou taenga ki ngā iwi i haere atu ai rātou, whakanoatia ana e rātou tōku ingoa tapu, i a rātou i kī rā mō rātou, ‘Ko te iwi tēnei a Ihowā, ā, kua puta atu rātou i tōna whenua.’

Hōhea 4:14

“E kore ahau e whiu i ā koutou tamāhine ina moepuku, i ā koutou wāhine ina pūremu; ko ngā tāne nei hoki he mea wehe atu ki ngā wāhine moepuku, ko rātou tahi ko ngā wāhine kairau kei te mea patunga tapu. Mō reira ka hinga te iwi kāhore nei ō rātou mātauranga.

Rewitikuha 18:15

“Kei hurahia e koe tāu hunaonga kia takoto tahanga; ko te wahine ia a tāu tama, kei hurahia ia e koe kia takoto tahanga.

Rewitikuha 18:21

“Kaua anō e tukua tētahi o ōu uri kia haere nā waenga ahi hei mea ki a Moreke, kaua anō e whakanoatia te ingoa o tōu Atua. Ko Ihowā ahau.

Rewitikuha 18:8

“Kei hurahia e koe kia takoto tahanga te wahine a tōu pāpā; ko te wāhi takoto tahanga ia o tōu pāpā.

Rewitikuha 20:3

Ka ū atu anō hoki tōku mata ki taua tangata, ā, ka hātepea atu e ahau i roto i tōna iwi; mōna i hoatu i tōna uri ki a Moreke, whakapoke ai i tōku wāhi tapu, whakanoa ai hoki i tōku ingoa tapu.

Āmoho 4:1

Whakarongo ki tēnei kupu, e ngā kau o Pahana, i te maunga o Hamaria, e whakatupu kino nā i ngā ware, e kuru nā i ngā rawakore, e mea nā ki ō rātou ariki, “Kawea mai, kia inu tātou.”

Āmoho 5:11

Nā, i te mea he takahi tā koutou i te ware, he tango i te takoha wīti i a ia; he whare kōhatu tārai tā koutou i hanga ai, nā, e kore e nohoia e koutou; he māra wāina e minaminatia ana tā koutou i whakatō ai, otiia e kore te wāina o aua māra e inumia e koutou.

Āmoho 5:12

E mōhiotia ana hoki e ahau te maha o ō koutou poka kē, me te kaha o ō koutou hara – o koutou e whakatupu kino nei i te tangata tika, e tango nei i te utu whakapati, e whakangau kē nei i tā te rawakore i te kūwaha.

Āmoho 8:4

Whakarongo ki tēnei, e te hunga i horomia ai te rawakore, i meinga ai te hunga iti o te whenua kia ngohe;

Mika 2:2

E hiahia ana rātou ki ngā māra, tangohia ake; ki ngā whare hoki riro tonu i a rātou. E whakatupuria kinotia ana e rātou tētahi tangata me tōna whare, te tangata rawa nei me tōna wāhi tupu.

Mika 2:9

Kua oti ngā wāhine o tāku iwi te pei e koutou i roto i ō rātou whare āhuareka; kua tangohia e koutou tōku korōria i ā rātou tamariki nonohi ā ake ake.

Tepania 3:3

He raiona e hāmama ana ōna rangatira i roto i a ia, he wuruhi i te ahiahi ōna kaiwhakarite, kāhore ā rātou toenga mō te ata.

Rōma 2:24

“Nā koutou hoki i kohukohua ai te ingoa o te Atua i roto i ngā tauiwi, i pērātia ai me te mea kua oti te tuhituhi.”

1 Koriniti 5:1

Kua pakū noa atu te rongo he pūremu kei roto i a koutou, he tū pūremu kāhore nei i roto i ngā tauiwi, arā, kua riro i tētahi o koutou te wahine a tōna pāpā.