Āmoho 2:5 - Paipera Tapu 2012

⁵ Engari, ka tukua e ahau he ahi ki a Hūrā, ā, pau ake i reira ngā whare kīngi o Hiruhārama.”

Te Paipera Tapu 1952

⁵ Engari ka tukua e ahau he ahi ki a Hura, a pau ake i reira nga whare kingi o Hiruharama.

Āmoho 2:5 Iomraidhean Croise

2 Kīngi 25:9

Nā, ka tahuna e ia te whare o Ihowā, me te whare o te kīngi, me ngā whare katoa o Hiruhārama, tae noa ki ngā whare nunui katoa; tahuna ana e ia ki te ahi.

Heremaia 17:27

Ki te kore ia koutou e whakarongo ki tāku kia whakatapua te rā hāpati, kia kaua hoki e maua he kawenga, ā, ka tomo ki ngā kūwaha o Hiruhārama i te rā hāpati; kātahi ka ngiha i ahau he ahi i ngā kūwaha o reira, ā, ka pau ngā whare kīngi o Hiruhārama, e kore anō e tineia.’ ”

Heremaia 21:10

Nō te mea kua whakamau atu tōku mata ki tēnei pā hei kino, kāhore hoki hei pai, e ai tā Ihowā: ka hoatu ki te ringa o te kīngi o Papurōna, ā, ka tahuna e ia ki te ahi.’ ”

Heremaia 39:8

Nā, tahuna ana e ngā Karari te whare o te kīngi, me ngā whare o te iwi, ki te ahi, wāwāhia iho e rātou ngā taiepa o Hiruhārama.

Heremaia 52:13

Nā, tahuna ake e ia te whare o Ihowā, me te whare o te kīngi; ā, tahuna ana e ia ki te ahi ngā whare katoa o Hiruhārama, ngā whare katoa hoki o te hunga nunui.

Hōhea 8:14

“Kua wareware hoki a Īharaira ki tōna kaihanga, ā, kei te hanga temepara; kua meinga e Hūrā kia maha ngā pā taiepa; otiia ka tukua atu e ahau he ahi ki runga ki ōna pā, ā, ka kainga e tērā ōna whare kīngi.”

Āmoho 1:4

Engari, ka tukua atu e ahau he ahi ki te whare o Hataere, ā, ka pau i reira ngā whare kīngi o Pēneharara.

Āmoho 3:11

Mō reira ko te kupu tēnei a te Ariki, a Ihowā: “He hoariri tērā, ka karapotia e ia te whenua; ā, ka riro iho i a ia tōu kaha, ka pāhuatia hoki ōu whare kīngi.”

Āmoho 3:15

Ka patua anō e ahau te whare hōtoke me te whare raumati; ā, ka mōtī ngā whare rei, ka kore ngā whare nunui,” e ai tā Ihowā.

Āmoho 7:4

Ko tā te Ariki, ko tā Ihowā tēnei i whakakite ai ki ahau: Nā, kua karangatia e te Ariki, e Ihowā, he whawhai, he mea ahi, ā, ka pau te rire nui, ā, ka mea kia kainga te whenua.